مواصفات الزوج العراقي وفرقه عن الاخرين

[Sweet Love]

لا يختلف الزوج العراقي عن بقية الأزواج العرب ولكن الاختلاف الوحيد بعد الزواج وهو كالتالي...

في شهر العسل يقوم الزوج الإماراتي بترفيه زوجته وأخذها إلى جميع الأماكن المحببة إلى قلبها !!
يقوم الزوج العراقي في الأشهر الأولى بالشكوى إلى أمه .. يمه هاي شلون مريه زوجتيني طبخها كلش موشي ( همه على بطنه وهذا طبع الحال في الجميع وهو أصلا أيريد حجه لان المرة معاجبته حاط عينه على غير وحده

أول ميدخل الزوج اللبناني إلى البيت هاي حبيبت ألبي شو؟؟ انبسطتي ( لا يقصد بيها انضربتي وإنما يقصد بيها تونستي) مع رفئاتك اليوم ... اليوم بالشغل طول اليوم عم فكر فيكي مشتائلك يا حبي !!!

بينما العراقي يدخل للبيت ويشمر السويج ويذب العلاليك الي بيده على الكاع ويبدأ بالصياح: فخرية ..فخرية هاي وينج ( سبب عدم رد الزوجة هوه الانشغال بأمور المطبخ) طبختي اليوم ؟؟ تره ميت من الجوع وأريد أشوف الأكل كدامي..!! شتكولوله لهذا بله

العصر عندما يجلسون الأزواج في حديث رومانسي يبدأ الزوج المصري كالتالي
إيه رأيك يا حياتي يا نيفين نخرج نتعشا سوا أنا و إنتي لوحدينا عالنيل ونخلي العيال مع البت الشغالة ( لاحظوا البت الشغالة تعمل لراحة الزوجة ) اللهم لا حسد

بينما العراقي يغمس الكعك بالجاي* أي الشاي* ( لان الجاي من وجبات العصر الرئيسية ) و يكوللها ولج فخرية اشو ممخدره الجاي زين ؟؟!! اليوم عازم أهلي عالعشا مو تصخمين وجي مثل هذيج المرة ومطبخين غير بانيه وفاصوليا وكبب و بيتنجان وتشريب وثريد و باجه تره أمي دتعيرني بمرت أخويه ...!!! شكد رومانسي لخاطر الله

أما في العطل الرسمية يتفضل الزوج السوري كالتالي :

حبيبتي شو رأيك ننزل على طرطوس و ناخذ لولاد يلعبوا شوي بالماي نعد لنا شي يومين نغير جو؟؟؟

ولكن الأخ العراقي يتفضل بالقول .. اني عندي جم يوم اجازه إذا جهالج ( ولا عبالك هوه أبوهم ) رح يضلون يسوون هوسه أخذيهم وروحي ( لا يقصد بها الدلع و إنما يقصد بها بـ اذهبي ) لبيت اهلج لان آني رجال تعبان و أريد ارتاح ( عبالك بكد جدي)
منظرة ردودكم القيمة
واتمنى ان يعجبكم الموضوع
سلاااااام

[يوسف]

ههههههههههههههههه
مشكورة سويت لف

[aLLuN!e]

حلوة تسلم ايدج ينطيج العافية


((( تحيــــــــــــاتـــــــــــــي )))

[Sweet Love]

شكرا على ردودكم

[سمانثا]

لخاطر الله شنو هالرومانسية الزايدة!!!!!!!!!!!!!!!!!!!!! هههههههههههههههه
مشكورة سويت لف على موضوعج الرائع والي مرتبط بواقعنا ههههههه:confused:

[العراقي]

يمعودين شنو هذا الكلام، لك خربتوا بيتي، من وين جبتوا هل مواصفات، جذب ها لا تصدكون، عكسه هو الصحيح، هههههههههههه مشكورين اليك اخت sweet love ‎

[Deacon Isaac]

هههههههههه موضوع كلش حلو شكرا Sweet love تحياتي لكي

[safe]

ههههههههههههههههههههه اني بعدني ممتزوج بس ميصير تتهمون الزوج بهل رومانسيه وين دور الزوجه الي تترس شهرها نفط وتعطر هومها بالبصل والحلو بالموضوع اذا شفتوها من الصبح او متكعد من النوم يا ستار متكدرون تنامون باليل بس تتذكروها فقسمو الرومانسيه على الطرفين خووووووووووووووووووووش هههههههههههههههههه تسلميييييييييييييين عيوني

[Sweet Love]

شكرا على مروركم الحلووووووو

[Heaven]

الموضوع كلش حلوة وممتع بس اكيد مو كل الازواج العراقيين هيجي يعني لا تخافون