deacon leenos

[Deacon Leenos]

مرحبا ... شونكم .. بالبداية احب اشكر الاخ عمار على اجوبته الحلوة و اكله تعبناك ... و اشكره على اختياري .. و هسة راح نفتح باب الاسئلة .. كعدت بكرسي الاعتراف .. يلا انطلق ..

[amar adil]

يا هلا على كولتك بحبيب البي الشماس لينوس الوردة اجى دوري بالاسئلة دمرتوني بالاسئلة الاسبوع الي فات راح ادمركم هههههههههه


بالبداية اسئلتي راح تكون عن تمثيلية الالام المسيح


1 شنو شعورك من عرفت انت راح تمثل دور المسيح؟


2 لحظة ما رفعوا الصليب اشجان شعورك ؟ واشجان ابلك بذيجه اللحظة؟


3 من جان كاعد يمك مار بطرس الي هو اني هههههههه بالعشاء الاخير حضرتك كلتلي فت حجي ..تتذكر هذا الحجي الي كلتله الي هههههههههههه ؟؟


4 فت موقف اثر بيك اثناء التمثيل ؟


5 احجيلنا فت مفارقة حدثت وياك اثناء التمثيل ؟


6 هل دور المسيح الي مثلتا غير شيء من حياتك؟وشنو التغير الي صار في حياتك؟


مع تحياتي الك بعدين هم راح ارجعلك هههههههه

[Rosaleen]

http://www.commentsgraphic.com/welcome/welcome_comment_05.gif


يا هلااااااااااااااااا وكل الهلاااااااااااااااااا بلينوس

راح ادوخك بالاسئلة ولو اني ماشفت طلة منك بموضوعي بس مومشكلة الغاب عذره وياه ...

اسئلـــــة:
1. لو ترجع كم سنة وكلولك اختار كلية على كيف كيفك , فشراح تختار وليش؟
2. انا الي اعرفه عنك تعرف تعزف , فعلى كم الة تعزف ومنو الي كان ورى تطوير موهبتك؟
3. شنيه هواياتك؟ وكم هواية اتمارسها؟
4. عبرني عن حبك للزراعة ههههههههههههه.
5. شوكت قررت ان اتشجع نادي البرشلونه؟
يعني صارلك شكيد اتشجعهم ؟
6. لو كالولك لينوس راح انسفرك وين ما تريد و انوفرلك متطلباتك كلها , حتسافر وتعوف بلدك؟
7. شنو رأيك بمشجعة برشلونه ؟
عندك هذي المستويات وين اتخليها وليش,
1...2...3...؟

تحياتي الك خون ...وراجعيلكم

::(::(::(::(::(

[يوسف]

مرحبا شماشا دخيوت


راح ابدى اسئلتي عن الفن مثل ما بدته روزالين


1- ماذا يعني لك الفن؟؟
2- ما هو تقيمك لفناني اليوم بشكل عام؟؟
3- بما انك شماس وعازف وبجوقة الكنيسة, هل فكرت ان تصير فنان؟؟ سواء مغني او عازف؟؟
4- كيف تقيم دور المسيح الذي قمت بأدئه في تمثيلية الام المسيح؟؟
5- ايهما تحب اكثر؟؟ العزف او الغناء او التمثيل؟؟
6- عندما تكون حزين, هل تلتجأ الى الفن؟؟ مثلا تلتجأ الى الغناء او العزف؟؟ واذا لا تلتجأ الى الفن, ماذا تفعل؟؟



تحياتي

[Deacon Leenos]

يا هلا على كولتك بحبيب البي الشماس لينوس الوردة اجى دوري بالاسئلة دمرتوني بالاسئلة الاسبوع الي فات راح ادمركم هههههههههه
هلو بيك حبيبي عمار الورد .. يلا اجا دورك .. الله يستر منك .. كيبا .
بالبداية اسئلتي راح تكون عن تمثيلية الالام المسيح

شنو شعورك من عرفت انت راح تمثل دور المسيح؟
يعني هو اني والاخ يوسف من قررنا نسوي التمثيلية عرض عليه انه اخذ اني الدور .. اترددت بالبداية لان خفت لا ما امثله حلو و احنا كنا نريد نطلعهه التمثيلية باحلى شكل من ورى قطيعة 6 سنين لان اخر مرة مثلناها كانت سنة 2004 .. و كانت كلش حلوة بوكتهه .. بس بعدين قبلت الدور و الحمدالله طلع شي زين واشكر يوسف على تعبه ..
لحظة ما رفعوا الصليب اشجان شعورك ؟ واشجان ابلك بذيجه اللحظة؟
احنا كم مرة بالتدريبات سويناها هاي مال رفع الصليب بس بوكتهه كنت اتونس لان عبالك ب دولاب الهوى. بس اثناء العرض صار شعور بداخلي يمتزج بين الخوف وفد شعور غريب اول مرة احسه بحياتي و ما عرفت بوكتهة بيش افكر,, افكر بالمسرحية شون امثل مشهد الموت عالصليب او افكر بالمسيح شون انرفع بس مع الفارق الكبيييييييييير بيناتنا ..يعني مستحيل فد يوم راح يتكرر هالشعور و لا اكدر اوصفه ..
من جان كاعد يمك مار بطرس الي هو اني هههههههه بالعشاء الاخير حضرتك كلتلي فت حجي ..تتذكر هذا الحجي الي كلتله الي هههههههههههه ؟؟
هههههههههههههههه اي كتلك (( كيبا انت راح تنكرني 3 مرات )) ....وانت شجاوبتني .. (( اني انكرك؟؟؟؟ )) علساس ما تعرف ....خخخخخخخخ
فت موقف اثر بيك اثناء التمثيل ؟
اخي عمار من بداية التمثيلية الى ان خلصت كنت متاثر .. يعني اذا اكول من كانوا يضربوني .. من شلت الصليب .. من وكعت جوا الصليب .. من شفت مريم امي .. يعني هواية مواقف ..
احجيلنا فت مفارقة حدثت وياك اثناء التمثيل ؟
اي صارت من كان دا يضربني ايفل اول مرة ضرب حيل و اجا دا يجر بشعري و يسالني (( دا تتاذى ؟؟؟ )) اني اجتي ضحكتي كبل بس لزمت نفسي .. و مرة لوخ ورى ما حكم عليه بيلاطس نزلوني من الدرج بوكتهه كان مفروض اني اكون حافي بس نسيتهه النعلات برجلي من كعدت كمت انزع بيهة بسس لحد يشوفني ههههه ..
هل دور المسيح الي مثلتا غير شيء من حياتك؟وشنو التغير الي صار في حياتك؟
ما اكدر اكول شكو تغير بية بالضبط بس اكيد تغيرت حياتي شوية اني ماخذ ادوار قبل مسرحيات بس مثل هالدور ما اتوقع راح احب ادوار بعد ..
مع تحياتي الك بعدين هم راح ارجعلك هههههههه
نورت حبيبي دا انتظرك ....

[Deacon Leenos]

يا هلااااااااااااااااا وكل الهلاااااااااااااااااا بلينوس

اهلين بيج اختي



راح ادوخك بالاسئلة ولو اني ماشفت طلة منك بموضوعي بس مومشكلة الغاب عذره وياه



مو مشكلة اختي ماكو فرق



اسئلـــــة:
لو ترجع كم سنة وكلولك اختار كلية على كيف كيفك , فشراح تختار وليش؟



يمكن كنت راح اختار هندسة الكترونيات او هيجي شي



انا الي اعرفه عنك تعرف تعزف , فعلى كم الة تعزف ومنو الي كان ورى تطوير موهبتك؟

اعزف اورك .. اعزف ايقاعات .. اطنطن شوية بالبزق يعنى اطلع لحن بس ايدي ثقيلة بالبزق شوية.. و اعرف شوية هارمونيكا .. و اعرف صولو اكورديون ..


شنيه هواياتك؟ وكم هواية اتمارسها؟



احب العب طوبة هواية . احب السباحة . .. و اتفرج افلام ..



عبرني عن حبك للزراعة ههههههههههههه.



مثل حب النار للماي ..


شوكت قررت ان اتشجع نادي البرشلونه؟
يعني صارلك شكيد اتشجعهم ؟



من كمت افهم شنو الطوبة .. و شنو الاندية ..


لو كالولك لينوس راح انسفرك وين ما تريد و انوفرلك متطلباتك كلها , حتسافر وتعوف بلدك؟



بلدي ؟؟ طبعا اسافر علساس هلكد ما احب بلدي ما تكوليلي شمسوي الي ؟؟.


شنو رأيك بمشجعة برشلونه ؟
عندك هذي المستويات وين اتخليها وليش,
1...2...3...؟



مشجعة من الطراز الرفيع ..لان خلال فترة قصيرة صارت مشجعة قوية جدا



تحياتي الك خون ...وراجعيلكم

شكرا الج و دا انتظر ..
و اسف عالخربطة بالخط والالوان الف مرة رتبتة مدا يصير ما ادري ليش ..

[Deacon Leenos]

مرحبا شماشا دخيوت



بشينا شماشا عزيزا ..

راح ابدى اسئلتي عن الفن مثل ما بدته روزالين



ابدي بكيفك راح نلحك كلها ..

ماذا يعني لك الفن؟؟

الفن الي احساس ب ارتياح .. او شعور راقي .. يعني ما ادري شاشرح ..


ما هو تقيمك لفناني اليوم بشكل عام؟؟

بصراحة هذا السؤال هواية علية لان اني ما واصل الدرجة اقيم الفنانين .. او انقد الفن ..بس اذا نغير السؤال و نكول شنو رايي بالفن هسة .. يبقى هذا الشي نسبي كلمن و ذوقه.. وكتهة اكلك بالنسبة الي هسة ما يعجبني كلشي و احب ارجع للاغاني القديمة لان احلى .. وهسة من كل 100 اغنية تطلع وحدة حلوة هاي هم صدفة .


بما انك شماس وعازف وبجوقة الكنيسة, هل فكرت ان تصيرفنان؟؟ سواء مغني او عازف؟؟

بصراحة هي الفكرة حلوة بس ما مفكر بيهة هههههه .. مغني شوية صعب ما اعتقد بس عازف اي ليش لا .. بس اني مفكر اصير مرنم ..


كيف تقيم دور المسيح الذي قمت بأدئه في تمثيليةالام المسيح؟؟

هذا السؤال اني اوجهة الك .. باعتبارك المخرج .. شون كنت ؟؟ مثلت حلو ؟؟


ايهما تحب اكثر؟؟ العزف او الغناء او التمثيل؟؟

احب العزف اكثر ..بس البقية هم احبهم ..


عندماتكون حزين, هل تلتجأ الى الفن؟؟ مثلا تلتجأ الى الغناء او العزف؟؟ واذا لا تلتجأالى الفن, ماذا تفعل؟؟

اني عكس العالم .. يعني من اكون فرحان و وهسي فول بعدين احب اغني او اعزف .. بس اذا اني ضايج و تجيبلي الة موسيقية يمكن اكسرها خخخخخخخخخ .. اذا اضوج اطلع فرة بالسيارة ..

تحياتي
يا هلا بالشماس عود خلي نشوفك ..

[christianiraqi]

حبيب كلبي لينوس نورت كرسي الاعتراف
بس اذا تتكرم وتسمحلي عندي شكم سؤال.....؟
1-انت مدريدي لو برشاوي اذا مدريدي التمسك ان لا تتسفى بينا لان احنا علعنا من الدوري
واذا انت برشاوي شنو هو موقفك وشلونها معنوياتك بهاي النكسة اللي صارت بينا
2-حبيب كلبي لينوس الكرسي مالتك مريح لو هم مثل حظي موظف بشركة وخلوني اروح اشتري كرسي
على حسابي
كالولي لو اتروح تشتري كرسي لو اجيب الك جلكان وتسويه كرس الك
بس تدري من خلص عقدي ويا الشركة اخذته الكرسي مالتي
3-اذا اختاروك رئيس الحكام للدوري الاسبانب واول مبارات اتكون بين الريال مدريد والبرشلونة
شراح اتسوي او شراح ايكون موقفك
4-من خلال اطلاعي على اجوبتك تحب السباحة تخيل انك داتسبح بالخليج وفجئ طلعلك حوت القرش
شراح ايكون موقفك وشد راح اتكون السرعة مالتك بالسباحة وجم عقدة

حبيب كلبي لينوس اني اعرف انت شماس وصبرك كلش طويل
لهذا السبب سالتك اسالة شوية طويلة ويمكن اذا تلكفني راح اشبعني كتل

تشرفت بيك اخي العزيز لينوس
والك خالص تحياتي وبالتوفيق على كرسي الاعتراف
اخوك امتواضع christianiraqi

[christianiraqi]

حبيب كلبي لينوس نورت كرسي الاعتراف
بس اذا تتكرم وتسمحلي عندي شكم سؤال.....؟
1-انت مدريدي لو برشاوي اذا مدريدي التمسك ان لا تتشفى بينا لان احنا طلعنا من الدوري
واذا انت برشاوي شنو هو موقفك وشلونها معنوياتك بهاي النكسة اللي صارت بينا
2-حبيب كلبي لينوس الكرسي مالتك مريح لو هم مثل حظي موظف بشركة وخلوني اروح اشتري كرسي
على حسابي
كالولي لو اتروح تشتري كرسي لو اجيب الك جلكان وتسويه كرس الك
بس تدري من خلص عقدي ويا الشركة اخذته الكرسي مالتي
3-اذا اختاروك رئيس الحكام للدوري الاسبانب واول مبارات اتكون بين الريال مدريد والبرشلونة
شراح اتسوي او شراح ايكون موقفك
4-من خلال اطلاعي على اجوبتك تحب السباحة تخيل انك داتسبح بالخليج وفجئ طلعلك حوت القرش
شراح ايكون موقفك وشد راح اتكون السرعة مالتك بالسباحة وجم عقدة

حبيب كلبي لينوس اني اعرف انت شماس وصبرك كلش طويل
لهذا السبب سالتك اسالة شوية طويلة ويمكن اذا تلكفني راح اشبعني كتل

تشرفت بيك اخي العزيز لينوس
والك خالص تحياتي وبالتوفيق على كرسي الاعتراف
اخوك امتواضع christianiraqi

[dunia]

يا هلا وكل الهلا بعزيزي لينوس
نورت افتح قلبك
فرحت من شفت اسمك
انشالله نستمتع وياك وما نكون ثقيلين عليك
تحياتي

[amar adil]

هههههههههههههههه اي كتلك (( كيبا انت راح تنكرني 3 مرات )) ....وانت شجاوبتني .. (( اني انكرك؟؟؟؟ )) علساس ما تعرف ....خخخخخخخخ
بالفعل مبينة ذاكرتك قوية ههههههههه








و مرة لوخ ورى ما حكم عليه بيلاطس نزلوني من الدرج بوكتهه كان مفروض اني اكون حافي بس نسيتهه النعلات برجلي من كعدت كمت انزع بيهة بسس لحد يشوفني ههههه ..
يعني محد ما شافك حلوة هذي هههههههههههههههههه






شكرا اخ لينوس على اجوبتك الرائعة واللطيفة

[Deacon Leenos]

حبيب كلبي لينوس نورت كرسي الاعتراف

حبيبي المنتدى كله منور بيكم
بس اذا تتكرم وتسمحلي عندي شكم سؤال.....؟

اي تفضل شكو بيها اخي
انت مدريدي لو برشاوي اذا مدريدي التمسك ان لا تتشفى بينا لان احنا طلعنا من الدوري
واذا انت برشاوي شنو هو موقفك وشلونها معنوياتك بهاي النكسة اللي صارت بينا

حبيبي اني كتلوني .. و اني برايي ماكو أي نكسة هاي هي كرة القدم ما اتذكر اكو فريق بالتاريخ ما خسر و سبب الخسارة امام الانتر كلنا نعرفهه .و اذا المدريدي يتشفى بينا خلي يتشفى على نفسى لان هو طلعوه من البطولة من دوري الثمانية .
حبيب كلبي لينوس الكرسي مالتك مريح لو هم مثل حظي موظف بشركة وخلوني اروح اشتري كرسي على حسابي.. كالولي لو اتروح تشتري كرسي لو اجيب الك جلكان وتسويه كرس الك بس تدري من خلص عقدي ويا الشركة اخذته الكرسي مالتي..

لا صدك اني عندي طخم مو كرسي .. ههههههههه .. بس اذا كالولي اشتري كرسي اشتري واحد ابو تايرات ..العب بيه سيارات ..ههههههههه

اذا اختاروك رئيس الحكام للدوري الاسباني واول مبارات اتكون بين الريال مدريد والبرشلونة
شراح اتسوي او شراح ايكون موقفك..

اول ما تبدي اللعبة انطي جزاء ل برشلونة و ريال راح يتحجج بعدين الغيهة المباراة واعتبر الريال منسحب و خسران 3 – 0 .
من خلال اطلاعي على اجوبتك تحب السباحة تخيل انك داتسبح بالخليج وفجئ طلعلك حوت القرش
شراح ايكون موقفك وشد راح اتكون السرعة مالتك بالسباحة وجم عقدة

حبيبي اني صح احب السباحة بس مو هذاك السباح مو عبالك .. بس اذا شفت قرش يمكن اتحدى البطل الاولومبي و اصير صاروخ او يمكن يعطل المحرك مالي من الخوف هههههههههههههههه..

حبيب كلبي لينوس اني اعرف انت شماس وصبرك كلش طويل
لهذا السبب سالتك اسالة شوية طويلة ويمكن اذا تلكفني راح اشبعني كتل

لا بالعكس اسالتك حلوة .. حبيبي اذا هسة تمر من يمي ما اعرفك .. بس اتمنى التقى بكل اعضاء المنتدى و اتشرف بمعرفتهم .

تشرفت بيك اخي العزيز لينوس
والك خالص تحياتي وبالتوفيق على كرسي الاعتراف
اخوك امتواضع christianiraqi

الشرف الي حبيبي و تحياتي الك .

[Deacon Leenos]

يا هلا وكل الهلا بعزيزي لينوس
نورت افتح قلبك
فرحت من شفت اسمك
انشالله نستمتع وياك وما نكون ثقيلين عليك
تحياتي

اهلين بيج اختي العزيزة و اني هم اتمنى اكون خفيف عالمعدة و مثل ما كلت ( افتح قلبك ) منور بيكم ..

[Deacon Leenos]

شكرا اخ لينوس على اجوبتك الرائعة واللطيفة
شكرا عموري هذا من ذوقك .

[Rosaleen]

صباحوووووووووووو

بالبداية مشكور عل اجوبة
وبالنسبة لبلدنا ليش هو شمسوي لشعبه بصورة عامة حتى يسويلك او يسويلي , بس انضل عراقين بدمنا.

اسئلة:
1. تقريبا هذا السؤال دائما راح يتكرر عل شباب
, وهو شلونك بالمطبخ ؟ هم مثل الاخ عمار صفر على عشرة , لو اشطر منه؟ :kl:ha:
2. ذاك اليوم شفتك تشرب الجاي اصفر !
شكلك مو من محبي الشاي؟
3. اطرف موقف مر بحياتك شنو هو؟
4. اصعب مراحل حياتك شوكت جانت؟
5. اكو مثل يكول :
ليس المهم أن تحب المهم ماذا تحب
فشكيد انت ماشي وياه؟

*اعتقد اتحب تضحك وتنكت فهايا مني الك نكته
وبكل اسئلة ححاول اسمعلك نكته حتى لا تمل من اسئلتي.
يعني شويه انغير الروتين........
::oh(::oh(::oh(::oh(::oh(::oh(


اثنين صعايدة راحو محطة القطار ولكو القطار رايح فحاولو يلحكو فواحد منهم لحكه وركب.
والثاني ماكدر .......فكام يضحك ؟؟
فالناس سألو هايا شبيك تضحك؟
كالهم الي ركب القطار هو المودع وانا المسافر.
::(::(::(::(::(::(


سلامي

[Deacon Leenos]

صباحوووووووووووو

صباح النور

بالبداية مشكور عل اجوبة


وبالنسبة لبلدنا ليش هو شمسوي لشعبه بصورة عامة حتى يسويلك او يسويلي , بس انضل عراقين بدمنا.

أي مو مشكلة خلي انضل ..
اسئلة:
تقريبا هذا السؤال دائما راح يتكرر عل شباب
, وهوشلونك بالمطبخ ؟ هم مثل الاخ عمار صفر على عشرة , لو اشطر منه؟

اتوقع اني احسن من عمار اعرف اسوي تبيتي .. دا اتشاقى . بس هم ابقى احسن من عمار ههههههههههه
ذاك اليوم شفتك تشرب الجاي اصفر !
شكلك مومن محبي الشاي؟

أي ما اهتم بالجاي حتى لو ما اشرب 10 سنين
اطرف موقف مر بحياتك شنو هو؟

اكو هواية مواقف بس مو كلهة اتذكرهة مثلا مرة اني كنت وية صديقي الشماس معن بالسوق و اني مندمج بمحل كومبيوترات ردت افوت كان اكو جامخانة عبالي ماكو شي باب مفتوح هلكد ما نظيف فا جيت افوت حيل مندفع انلزكت بالجامة .
اصعب مراحل حياتك شوكت جانت؟

بداية التسعينات كانت كلش مو خوش سنوات .. ولو كنا صغار هم بس نتذكر كلشي والصعوبات ..
اكومثل يكول :
ليس المهمأن تحب المهم ماذا تحب
فشكيدانت ماشي وياه؟

اول مرة اسمعه .. ههههههههه

اعتقداتحب تضحك وتنكت فهايا مني الك نكته
وبكل اسئلة ححاول اسمعلك نكته حتى لا تمل من اسئلتي.
يعنيشويه انغير الروتين........
لا بالعكس دا نتونس ليش امل



اثنين صعايدة راحو محطة القطار ولكوالقطار رايح فحاولو يلحكو فواحد منهم لحكه وركب.
والثاني ماكدر .......فكام يضحك ؟؟
فالناس سألو هايا شبيك تضحك؟
كالهم الي ركب القطار هو المودع وانا المسافر.


ههههههههههههههههههههههههه حلوة . شكرا الج اختي
سلامي

نورتي اختي

[سمانثا]

هاي لينوس شلونك؟ شلون دتشوف الاسئلة اكيد مدتلحك ::(

اي لينوس خلينا نبدي اخبار المضيرا والتبيتي وياك لوللللللل؟؟؟::(

تعترف بالحب من اول نظرة؟

متعودين انشوفك دائما تضحك وانشاءالله الضحكة متفاركك ،سؤالي هو شوكت يبكي لينوس؟ لو تعتقد البجي عيب؟

من تتعصب شلون اتكون ردة فعلك؟؟؟:oh::no

شنو هو مفهوم الصداقة والصراحة عندك؟؟؟

والنا عودة انشاءالله::(...

[Rosaleen]

ليش داحس انو شايل بكلبك من العراق ؟
بس صدك حقك شكيييييييد ما تحجي..
على كلا ً
مشكور عل اجوبتك الحلوة
وضحكتني على الزلكه الي زلكتها بالجامخانه
تنذكر وما تتكرر ههههههههههههههههه

[Deacon Leenos]

هاي لينوس شلونك؟ شلون دتشوف الاسئلة اكيد مدتلحك

اهلين اختي .. ليهسة دا الحك الحمدالله هههههه




اي لينوس خلينا نبدي اخبار المضيرا والتبيتي وياك لوللللللل؟؟؟
هممممم جوعتيني .بس عمار ما نوكله .

تعترف بالحب من اول نظرة؟

لا ماكو هيجي شي .


متعودين انشوفك دائما تضحك وانشاءالله الضحكة متفاركك ،سؤالي هو شوكت يبكي لينوس؟ لو تعتقد البجي عيب؟

البجي ابد مو عيب , بس ماكو موقف محدد يبجيني..





من تتعصب شلون اتكون ردة فعلك؟؟؟
اصيح .. وصوتي عالي يضوج .. هههههه


شنو هو مفهوم الصداقة والصراحة عندك؟؟؟
الصداقة بالنسبة الي شي ما اله سعر و لا يمكن واحد يقيمه .

الصراحة هي الشي الوحيد الي يخلي الصداقة و العلاقات الاجتماعية والزوجية تدوم .



والنا عودة انشاءالله...

يلا عودي .. هههههه

[Deacon Leenos]

ليش داحس انو شايل بكلبك من العراق ؟
بس صدك حقك شكيييييييد ما تحجي..
على كلا ً
مشكور عل اجوبتك الحلوة
وضحكتني على الزلكه الي زلكتها بالجامخانه
تنذكر وما تتكرر ههههههههههههههههه

لا ما شايل بكلبي بس هذا شي واقع ..الزلكة بالجامة ما اتمناهة لاي واحد ولو هذاك اليوم صارت كدامي باحد المطاعم كلهم ضحكو عالولد بس اني ما ضحكت تذكرت نفسي و حسيت بالفشلة ههههههههه

[يوسف]

كيف تقيم دور المسيح الذي قمت بأدئه في تمثيليةالام المسيح؟؟

هذا السؤال اني اوجهة الك .. باعتبارك المخرج .. شون كنت ؟؟ مثلت حلو ؟؟



بالنسبة الي ماكو واحد يقيم الاخر, الا من باب الفائدة والاستفادة من النقاط الجيدة والغير جيدة, لان كلنا اخوة.

اما بخصوص رأي في الدور الذي مثلته فقد كان الاداء ممتازا, لان الشئ الذي يهم في مثل ذلك الدور ان يعيش الشخص الحدث الذي يمثله وكنت اراك تعيش الحدث بكل الاحاسيس والمشاعر, لهذا جاء التمثيل بشكل جيد جدا.


اشوف انقلب الوضع, المفروض انا اسألك... هسه رجعتلك بالاسئلة ههههههههههه واكيد مع تمثيلية الام المسيح

راح اعرض صور واريد تعطيني تعليق عليها

الصورة الاولى
اكيد انت تعبت بالتحضيرات كثير لان المدة قليلة كانت وصار ضغط كثير علمود نحضر كل شي, فاحجيلي عن هاي الصورة اللي تقوم انت بتحضير قبر المسيح ويساعدك بيها الشباب الاخرين؟؟
http://img291.imageshack.us/img291/9570/25032010904.jpg


الصورة الثانية
هاي الصورة تمثل سقوط المسيح تحت الصليب, احجيلنا عن شعورك من كنت تسقط والصليب يجب ان يسقط عليك؟؟؟ واكيد تعرف انه اي خطأ قد تتأذى كثير لان الصليب ثقيل كان؟؟
http://img541.imageshack.us/img541/6852/dsc09328.jpg

الصورة الثالثة
احجيلنا من اول يوم كعدنا نفصل الملابس وكنت تعرف ان المدة قصيرة جدا, احجيلنا شنو جانت توقعاتك وشلون كان شعورك, هل كنت متفائل ام لا؟؟
http://img532.imageshack.us/img532/3246/06032010822.jpg


تحياتي

[amar adil]

اذا اختاروك رئيس الحكام للدوري الاسباني واول مبارات اتكون بين الريالمدريد والبرشلونة

شراح اتسوي او شراح ايكون موقفك..
اول ما تبدي اللعبة انطي جزاء ل برشلونة و ريال راح يتحجج بعدين الغيهة المباراة واعتبر الريال منسحب و خسران 3 – 0 .




اني كايل سابقاً جماعة البرشا كلهم ناصرية ههههههههههههههه

[†Butterfly†]

مرحبا شماس

شلونك ؟؟ انشالله بخير



احجيلنا عن طفولتك؟؟



اقرب صديق الك حاليا؟؟



هدية مميزة من يسوع ابد ماتنساها شنو هيا؟؟؟



ليش ماجان اكو الجوق اليوم بالقداس؟؟؟ بصراحة القداس احلى ويا الجوق

[Deacon Leenos]

بخصوص رأي في الدور الذي مثلته فقد كان الاداء ممتازا, لان الشئ الذي يهم في مثل ذلك الدور ان يعيش الشخص الحدث الذي يمثله وكنت اراك تعيش الحدث بكل الاحاسيس والمشاعر, لهذا جاء التمثيل بشكل جيد جدا

.
اشكرك اخي اعتقد كلهم مثلوا حلو ..


اشوف انقلب الوضع, المفروض انا اسألك... هسه رجعتلك بالاسئلة ههههههههههه واكيد مع تمثيلية الام المسيح .
يلا هو ماكو فرق

راح اعرض صور واريد تعطيني تعليق عليها

الصورة الاولى
اكيد انت تعبت بالتحضيرات كثير لان المدة قليلة كانت وصار ضغط كثير علمود نحضر كل شي, فاحجيلي عن هاي الصورة اللي تقوم انت بتحضير قبر المسيح ويساعدك بيها الشباب الاخرين؟؟

http://img291.imageshack.us/img291/9570/25032010904.jpg

ايييي هاي احلى الايام مستحيل ننساها كنت كلش مشغول بيها و بنفس الوقت انت كنت دا تسوي بستان الزيتون , , واحتارينه بالقبر شون نثبتهة و مواد ما كان عدنه ورا ما خلصت كمنا نخاف لا نجي يوم العرض و ما نشوف قبر هههههه ..

الصورة الثانية
هاي الصورة تمثل سقوط المسيح تحت الصليب, احجيلنا عن شعورك من كنت تسقط والصليب يجب ان يسقط عليك؟؟؟ واكيد تعرف انه اي خطأ قد تتأذى كثير لان الصليب ثقيل كان؟؟

http://img541.imageshack.us/img541/6852/dsc09328.jpg

هو الشعور اثناء التمثيلية شي رهيب يعني ما اعرف بيش افكر افكر شون اوكع حتى تطلع الوقعة مضبوطة و بنفس الوقت لا يجي الصليب براسي و اذا تتذكر بالتدريب مرة من المرات صار خلل فني وايفل ما لزم الصليبرو وكع الصليب براسي وراسي طخ بالكاع ..و شكم مرة دا نعيد التدريبات تعبناك ويانا





الصورة الثالثة
احجيلنا من اول يوم كعدنا نفصل الملابس وكنت تعرف ان المدة قصيرة جدا, احجيلنا شنو جانت توقعاتك وشلون كان شعورك, هل كنت متفائل ام لا؟؟

http://img532.imageshack.us/img532/3246/06032010822.jpg

هاي هسة كنا راجعين من السوق و مشترين العدة صعدنا يمكم و بدينا نفصل .. و من فصلنا و خيطنا النموذج الاول صعد يمنا التفائل 100% بس اكيد الشغلة متعبة وانت اكثرنا تعبت

شكرا الك و مر بعد ..

[Deacon Leenos]

اني كايل سابقاً جماعة البرشا كلهم ناصرية ههههههههههههههه

احنا ناصرييييييييية ؟؟ لعد شكو كرستيانو رونالدو كام يحجي يكول (( لا اتمنى فوز البرشا )) خبييييييث

[Deacon Leenos]

مرحبا شماس

اهلين اختي

شلونك ؟؟ انشالله بخير

الحمدالله بخير



احجيلنا عن طفولتك؟؟


طفولتي اثارها مبينة على وجي من الوكاحة ما سلم بية لا خشم لا حنك و عظام السيقان مالي كلها تصات مال وكعة مال بايسكل و ظهري مرة محترك بس همزين ماكو اثار هسة يمعودة خليهة سكتة


اقرب صديق الك حاليا؟؟

شبيبة المخلص كلهم مقربين مني بس الاقرب والاقرب معن و يوسف بحكم صداقتنا من الطفولة انا و يوسف سوا من التناول ليهسة و كنا سوا احنا التلاثة سوا تعلمنا كلداني و سوا صرنا شماشي و ليهسة و انشاءالله ما يفرقنا شي ..


هدية مميزة من يسوع ابد ماتنساها شنو هيا؟؟؟

هي كل حياتي هدية من يسوع ..



ليش ماجان اكو الجوق اليوم بالقداس؟؟؟ بصراحة القداس احلى ويا الجوق

اختي شعجب هسة لاحظتي ماكو جوقة. الجوقة ماكو من جمعة الالام ليهسة ..سالفة الجوقة طويلة .بلا ما ادوخكم بيهه .

[الاء حامد]

لينوس بعد التحية لك كيف الحال وانشالله بأتم الصحة
1- ما تعني لك هذه الكلمات ( الحقد , الكراهية , النميمة , الحسد )
2- ما تعني لك هذه الكلمات أيضا ( التسامح , الحب , العطف , الصداقة )
3- ماذا يعني تواجدك في الشبكة وهل ان تواجدك مغزى بهدف او انه للتسلية وان كانت الأولى ماذا قدمت لها وما تنظر لأعضائها ؟ وان كنت الأخرى صفنا ما دار بذهنك ألان
4-أتغضبك كلمة الحق ان قالها لك احد ما ؟ ولماذا وهل تقبل المشورة ممن كان اصغر منك سنا ؟
5- ان كنت متكبرا ما هو شعورك ؟ وكيف تصف لنا هذه الصفة ؟ واعلم نحن نعيذك من صفة التكبر وإنما للسؤال فقط وارجوا ان لا تواخذنا فيه
6- ماذا يعني لك الموت وهل فكرت يوما بانك سترحل يوما ما صفنا ذلك ؟ معود عمرك طويل انشالله وانما للسؤال فقط
7- الأخ يوسف والأخ إميل ماذا يعنيان لك وماذا يعني لك تواجد الأخت روزالين وسمانثا ولولو وتيريز واني اجديده دعك مني
8- كيف تبدوا لك شبكتنا وماذا تطلبه منا لكي نوفره لك ولجميع أعضائنا
أخيرا اشكر سعة صدرك لسماع كل أسئلتي ولك الخيار في الاجابه واسمعنا كلمه أخيرة تود قولها وبصراحة

[sportman83]

مرحبا لينوس الورد البرشلوني الحلو
واحنه هم مثل كل الشباب انريد انوجه لحظرتك كم سؤال اذا ممكن؟

قبل جم سنه انفتحت مسابقه (دوات ) بالكردي احنه انسميها ماعرفها بالعربي اب سوبر ماركت مازي وشفتك جنتم امشاركين بيها وحقيقة جانت مسابقه حلوه من التراث الكردي بس ما اتثكر يامركز اخذتم انتم ؟

وشنو رايك ابهيجي مسابقات ؟

اتحب التمثيل؟

شنو هيه افلامك المفضله يعني عربي اجنبي كوميدي .....الخ؟

هسه اساله رياضيه
شنو لي خلاك اتحب برشلونا واتشجعها؟

وبالمنتخبات يامنتخب اتشجع؟

ومادام اتحب تلعب طوبه فسويلنا لعبه مشجعي برشلونا ضد مشجعي ريال حتى انفوز عليهم مثل مافازت عليهم نادينا البرشا ههههههههههههههههههههههههههههههههههه

مع تحياتي وسلامي الك واتمنى دائما اتكون ابخير وسلام

[amar adil]

تقريبا هذا السؤال دائما راح يتكرر عل شباب
, وهوشلونك بالمطبخ ؟ هم مثل الاخ عمار صفر على عشرة , لو اشطر منه؟
اتوقع اني احسن من عمار اعرف اسوي تبيتي .. دا اتشاقى . بس هم ابقى احسن من عمار ههههههههههه

فضحتيني اخت روزالين هههههههههههه .. اني اعرف اكثر منك والدليل اعرف اسوي قهوة مو نسكافي ههههههههههه .. اخ لينوس انت بيضة ما تعرف تقلي ههههههههه

[amar adil]

اي لينوس خلينا نبدي اخبار المضيرا والتبيتي وياك لوللللللل؟؟؟
هممممم جوعتيني .بس عمار ما نوكله .


زين ميخالف لا توكلوني بس اريد اشوف شكلها ههههههههههه
شيء ثاني متفقين عليه اخ لينوس واخت سمانثا لعد اني همين ماراح اوكلكم فلافل ههههههههههههه

[Deacon Leenos]

لينوس بعد التحية لك كيف الحال وانشالله بأتم الصحة
الحمدالله زين شكرا ..
1- ما تعني لك هذه الكلمات ( الحقد , الكراهية , النميمة , الحسد )
الحقد = ضعف .الكراهية = احساس كل واحد يحس بيه .النميمة = مضيعة وقت بشي تافه . الحسد = لا اؤمن بالحسد والعين وهاي الشغلات .
2- ما تعني لك هذه الكلمات أيضا ( التسامح , الحب , العطف , الصداقة )
التسامح = قوة .الحب = اجمل كلمة ممكن الواحد يعيشهة . العطف = احسن شي واحد يسويه . الصداقة = سبق و ذكرت بان الصداقة شي ما ينوصف .
3- ماذا يعني تواجدك في الشبكة وهل ان تواجدك مغزى بهدف او انه للتسلية وان كانت الأولى ماذا قدمت لها وما تنظر لأعضائها ؟ وان كنت الأخرى صفنا ما دار بذهنك ألان
اني اصف تواجدي بالمنتدى بالمستهلك وليس المنتج .. يعني اتصفح و استفاد من مواضيع و حتى اتسلى اكثر بهواية من ما اني انزل مواضيع او ارد على موضوع .
4-أتغضبك كلمة الحق ان قالها لك احد ما ؟ ولماذا وهل تقبل المشورة ممن كان اصغر منك سنا ؟
نهائيا ما اضوج من الحق .. و اذا اصغر مني ينطيني مشورة بشي اني ما اعرفة ليش لا ما اعتبره انتقاص من قيمتي او شخصيتي لان خبرة الحياة لا تعتمد عالعمر بالنسبة الي .
5- ان كنت متكبرا ما هو شعورك ؟ وكيف تصف لنا هذه الصفة ؟ واعلم نحن نعيذك من صفة التكبر وإنما للسؤال فقط وارجوا ان لا تواخذنا فيه
اكره شي بالنسبة الي التكبر ما اريد لا اوصفه ولا يوم من الايام احسه او اعيشه .
6- ماذا يعني لك الموت وهل فكرت يوما بانك سترحل يوما ما صفنا ذلك ؟ معود عمرك طويل انشالله وانما للسؤال فقط
الموت حقيقة لكل حي .. اعتيادي كل واحد يفكر بانه راح يموت فد يوم .. بس اكول عادي قابل احسن من الي ماتوا ..
7- الأخ يوسف والأخ إميل ماذا يعنيان لك وماذا يعني لك تواجد الأخت روزالين وسمانثا ولولو وتيريز واني اجديده دعك مني
الاخ يوسف انتي كلتيها ( اخ ) .. هو اخ ..
الشماس اميل من شمامسة كنيستنا الاعزاء الي نفتخر بيهم احترمه و اقدره .
الاخت روزلين ضروري تتواجد لان مثل ما وصفهه الاخ عمار القلب النابض للمنتدى ..
الاخت سمانثا من المشرفات المميزات .
و اسف اذا ما اعرف شي عن (( لولو )) مو انتقاص من حقهه او تواجدهة بالمنتدى بس هو الخلل من يمي لان اني ما اتابع فا خلي تسامحني .
والاخت تيريز هم قارى كم موضوع الهه مواضيعهه حلوة بس مو كلش اعرفها بالمنتدى وارجع واقول لان التقصير من يمي اكيد.
8- كيف تبدوا لك شبكتنا وماذا تطلبه منا لكي نوفره لك ولجميع أعضائنا
الشبكة رائعة .. وما مقصرين الرب يقويكم .. ما اطلب شي لان المنتدى دا يمشي بالطريق الصحيح و لا ننسى انه عمر المنتدى سنة واحدة فقط و صار عنده عدد كبير من الاعضاء والمواضيع والزوار
أخيرا اشكر سعة صدرك لسماع كل أسئلتي ولك الخيار في الاجابه واسمعنا كلمه أخيرة تود قولها وبصراحة
ما عندي شي اختي الرب يباركج .

[Deacon Leenos]

مرحبا لينوس الورد البرشلوني الحلو
اهلين بيك اخي هلكفت فرحت بيك خاصة ورا ما عرفت انت منو
واحنه هم مثل كل الشباب انريد انوجه لحظرتك كم سؤال اذا ممكن؟
ممكن ونص و تلاث اربع
قبل جم سنه انفتحت مسابقه (دوات ) بالكردي احنه انسميها ماعرفها بالعربي اب سوبر ماركت مازي وشفتك جنتم امشاركين بيها وحقيقة جانت مسابقه حلوه من التراث الكردي بس ما اتثكر يامركز اخذتم انتم ؟
اي صح كنا مشاركين بفرقة مال فنون شعبية مال تراثنا الدهوكي هو احنة من بين مدا اتذكر هواية فرق طلعنا السادس هاي هم لان ما كنا نعرف القوانين زين من 10 نقاط الزي اخذنا 10 و من 10 نقاط مال دبكة هم اخذنا 10 بس من 10 نقاط مال غناء اخذنا صفر لان كنا جايبين طبل و زورنة
وشنو رايك ابهيجي مسابقات ؟
كلش حلوة لازم تنعاد كل مرة .
اتحب التمثيل؟
اي احبه ..
شنو هيه افلامك المفضله يعني عربي اجنبي كوميدي .....الخ؟
عربي بس عادل امام .. و اجنبي كلهة بس اكثر شي رعب .
هسه اساله رياضيه
شنو لي خلاك اتحب برشلونا واتشجعها؟
لان نادي يلعب كرة القدم بكل معنى الكلمة . مختصر مفيد .
وبالمنتخبات يامنتخب اتشجع؟
البرازيل ... هولندا ..
ومادام اتحب تلعب طوبه فسويلنا لعبه مشجعي برشلونا ضد مشجعي ريال حتى انفوز عليهم مثل مافازت عليهم نادينا البرشا ههههههههههههههههههههههههههههههههههه
هههههههههههههه هماكلهم جماعة الريال معوقين صايرين هههههههه
مع تحياتي وسلامي الك واتمنى دائما اتكون ابخير وسلام

نورت اخي ..

[تيريز]

الاخت العزيزة الآء حبيت اوضح لكِ نقطة وارجو ان تسمح لي الاخ العزيز لينوس بالمداخلة
انا لااعرف احداً من المنتدى معرفة شخصية اعرف الأعضاء والمشرفين من خلال الردود والمواضيع فقط كوني المشرفة الوحيدة من بغداد اما باقي المشرفين او اغليهم والأعضاء ايضا من دهوك وتقريبا من كنيسة واحدة
لكني تعرفت على 3 ورود من خلال المراسلة دنيا الغالية صاحبة أطيب قلب وعزيزة علية جداً و فراشة لما تملكه من حس ديني صادق والتي احبها كثيراً وروز الين الحلوة

[Deacon Leenos]

الاخت العزيزة الآء حبيت اوضح لكِ نقطة وارجو ان تسمح لي الاخ العزيز لينوس بالمداخلة
انا لااعرف احداً من المنتدى معرفة شخصية اعرف الأعضاء والمشرفين من خلال الردود والمواضيع فقط كوني المشرفة الوحيدة من بغداد اما باقي المشرفين او اغليهم والأعضاء ايضا من دهوك وتقريبا من كنيسة واحدة
لكني تعرفت على 3 ورود من خلال المراسلة دنيا الغالية صاحبة أطيب قلب وعزيزة علية جداً و فراشة لما تملكه من حس ديني صادق والتي احبها كثيراً وروز الين الحلوة

اختي احنا هنا بالمنتدى ما نفرق بين كنيسة او اخرى ولا بين محافظة او اخرى و انتي مشرفة بالمنتدى نتشرف بيج و بمواضيعج مثل اي مشرف اخر .

[تيريز]

عزيزي من ذكر اسم للتفرقة واضح ان هناك سوء فهم .الاخت الآء سألت ماتعني تيريز لك فأنا حبيت اوضح اني لااعرف احد معرفة شخصية هذا كل ماهنالك .... مع احترامي و محبتي للجميع.. اشكرك على كل حال

[amar adil]

الصورة الثالثة
احجيلنا من اول يوم كعدنا نفصل الملابس وكنت تعرف ان المدة قصيرة جدا, احجيلنا شنو جانت توقعاتك وشلون كان شعورك, هل كنت متفائل ام لا؟؟

http://img532.imageshack.us/img532/3246/06032010822.jpg

هاي هسة كنا راجعين من السوق و مشترين العدة صعدنا يمكم و بدينا نفصل .. و من فصلنا و خيطنا النموذج الاول صعد يمنا التفائل 100% بس اكيد الشغلة متعبة وانت اكثرنا تعبت

بس عندي فت ملاحظة المقص الي لزمه بيدك مو بالاتجاه الصحيح يعني مو عالخط ههههههه واخ يوسف اكو واحد يكتب عالخشب لو عالورق ما تكدرون تمشوها علينا ههههههههه
نرجع للاسئلة

من اشوكت وانت شماس بالكنيسة ؟؟ ومنو جان اله الفضل ان تصير شماس احجيلنا شوية؟؟

[Deacon Leenos]

اختي تيريز شكلي اني فهمت الموضوع غلط ما صار شي حصل خير و شكرا الج وصلت الفكرة ..

[سمانثا]

صباح الخير لينوس شلونك اليوم؟؟؟

- لينوس شنو هو اكثر شي يزعجك؟
- من هم الأعضاء الذين تفتقدهم ، أو تشعر بغيابهم ؟
- ماهي رؤيتك للحياة ؟
- -ماهي التجربه التي تتمنى تكرارها ؟
-مالذي يشعرك بأكثر قدر من الحرج ؟
- ماهي أعظم صفة تفضلها ؟
- أعظم شيء فقدته ؟
- امنية حاولت اهواية تحققها وتعبت حيل بس متحققت؟؟

والنا عودة انشاءالله...

[Deacon Leenos]

حبيبي عمار اولا المقص غلط او صح اني مدا اقص كنت بس لازمة و اباوع بالكامرة ثانيا هذا الي دا تشوفة مو خشب انما هو بلاستك مال سقوف ثانوية و كنة نستعملة مثل مسطرة فا اعتيادي ناشر عليه التحديدات ..مشت عليك لو لا هههههههههههههه .

احنا تعلمنا الكلداني سنة 1992 و من ذاك الوكت احنا بالكنيسة نخدم و نتعلم و نطور نفسنا اني الي علمني الكلداني سبق و ذكرت ب موضوع حوار مع عضو للاخت هيلكا انه الاب سنحاريب علمني اوجه اله التحية اذا يتصفح منتدانا .. و بعدين بالممارسة اتعلمنا الالحان والي ساعدني بالالحان الاب المرحوم يعقوب النجار جنت بس اوكف يمه.و غيره من الشمامسة الكبار مشكورين .

[Deacon Leenos]

صباح الخير لينوس شلونك اليوم؟؟؟
صباح النور اختي اني زين الحمدالله .


- لينوس شنو هو اكثر شي يزعجك؟
صدكي مشكلتي هي انه هواية شغلات اتضوجني يعني حتى اشياء تافهة مثلا من اسوق الي كدامي ما ينطي مجال او يسوي مخالفة اتعصب يعني باختصار بسرعة اصير عصبي نكول بالسورث
(( بيهني عيقا )) .
- من هم الأعضاء الذين تفتقدهم ، أو تشعر بغيابهم ؟
صدكي الي اعرفهم همة متواجدين دائما ..اكثر مني بهواية يعني من افوت بالمنتدى همه موجودين .
- ماهي رؤيتك للحياة ؟
شي صعب .. بس اكو تسهيلات ..متاهة .. بس بيها مخرج .. مغامرة.. نحن لها .
- -ماهي التجربه التي تتمنى تكرارها ؟
كلشي مر بحياتي ما اريد يتكرر لان هو مرة حلو اذا يتكرر اخاف يصير بلا طعم .
-مالذي يشعرك بأكثر قدر من الحرج ؟
ما مر علي هيجي احساس .
- ماهي أعظم صفة تفضلها ؟
الصراحة . يعني من اواجه الشي مهما يكون وجه لوجه .
- أعظم شيء فقدته ؟
ما فاقد شي هلكد كبير .. بس افتقد اخوتي الي طالعين برا
- امنية حاولت اهواية تحققها وتعبت حيل بس متحققت؟؟
ما متعب نفسي على امنية ليهسة .. بس عندي امنيات انشاءالله احققها بالمستقبل القريب او البعيد .


والنا عودة انشاءالله...
شكرا اختي و بانتظار العودة .

[Rosaleen]

ماهي رؤيتك للحياة ؟
شي صعب .. بس اكو تسهيلات ..متاهة .. بس بيها مخرج .. مغامرة.. نحن لها .


ما اعرف ليش لمن قريتها ضحكت
حلوة عجبتني. :wo:wo:

ومروخ بيهنوخ خون لي دقرا
:kl:ha::kl:ha::kl:ha::kl:ha::kl:ha:

عُدنا من جديد ومع الاسئلة....
ونكول هلاووو

1. شكيد نسبة الملل عندك هل الايام ؟
2. شنيه البرامج التلفزيونية الي اتابعها او اتحبها؟
3. باجر عكبه اذا صار عندك بيبي اصغيرون وحلو
مثل امه وابو (وانكول انشالله)
فشمخلين ابالكم اسامي للبنت او الولد؟
لو بعد ما مفكرين او مامخلين هذا الشي ابالكم؟
4. بالنسبة للاغاني الاجنبية لمنو اتحب اكثر شي تسمع
لو تعتمد عل اغنية؟
5. لمن جنت بالكلية يا مادة جانت معقدتك وكارها ؟ ويا مادة جنت اتحبها وسهلة يمك؟
6. اكو شخص معين متأثر بيه
(طبعا ما عدا الله ...إله المجد كله)
وهذا الشخص امغير امور بشخصيتك ما جنت متوقع انو تتغير ؟ طبعا تغير للاحسن ....
7. حزورتين :
*اكو شي الناس تطلبه اذا غاب عنهم ,
ولمن يجي يهربون منه... فشنو هو ؟
* اكو شي اذا خلينا بالثلاجة ما يبرد... شنو هو؟

نكتين.........
* المعلم: مامعنى كلمة سبيل؟
الطالب: طريق..
المعلم: ممتاز..
والأن ما معنى كلمة (سلسبيل) ؟
الطالب: طرطريق.
::(::(::(::(::(::(
والسلسبيل معناه "ماء عذب"

* يكولك مرة استاذ سأل طالب لماذا سميَّ
البحر الاسود بهذا الاسم ؟
فرد الطالب وكال : لانه حزين على البحر الميت.
::(::(::(::(::(::(

واتمنى اتكون اسئلتي والنكت خفيفة الظل عليك
تحياتي خون ... ولنا عودة اخرى فيما بعد

[Deacon Leenos]

عُدنا من جديد ومع الاسئلة....
ونكول هلاووو
و اكول اهليييييين اختي
1. شكيد نسبة الملل عندك هل الايام ؟
60 %
2. شنيه البرامج التلفزيونية الي اتابعها او اتحبها؟
احب برنامج واحد ضد 100 كلش . والبقية بس اتفرج جزيرة وثائقية وناشيونال جيوكرافيك
3. باجر عكبه اذا صار عندك بيبي اصغيرون وحلو
مثل امه وابو (وانكول انشالله)
فشمخلين ابالكم اسامي للبنت او الولد؟
لو بعد ما مفكرين او مامخلين هذا الشي ابالكم؟
بعدنا ما مخلين اببالنا بس نقرر اكللكم
4. بالنسبة للاغاني الاجنبية لمنو اتحب اكثر شي تسمع
لو تعتمد عل اغنية؟
هي تعتمد عالاغنية بس اكثر شي سيلين ديون بس هو اصلا قليييل اسمع اغاني اجنبي
5. لمن جنت بالكلية يا مادة جانت معقدتك وكارها ؟ ويا مادة جنت اتحبها وسهلة يمك؟
..تعرفين .. من كنت بالسادس و نجحت بالوزاري اكثر شي خلاني افرح مو لان خلصت وزاري .. بس لان خلصت من الكيمياء .. اموت من الكيمياء اكرهه بشكل مو طبيعي يعني لو هذا الكيمياء فد يوم يصير ولد و يجي يمر من كدامي تدرين شسوي بيه اكتله باسناني ههههههه .. بس المشكلة .... والصدمة الكبرى ....هو انه تفاجاة مفاجاة هي مفاجعة اصلا .. هي من فتت كلية الزراعة .. كان اكو بالمنهاج .. 4 انواع الكيمياء .. العامة .. التحليلية .. الحيوية .. العضوية .. يعني هل مرة دمار شامل ..كنت اشوفهة باحلامي .. و صراحة لوما هذا المدرس الاستاذ اسعد الله يطول عمره .. لو ما مساعدني كان اني ليهسة بالكلية اقرا عضوية . هههههههههههه
بس كان اكو مادة هندسة و تصميم الحدائق كلش احبهة و مادة النحل هم كلش تعجبني ..
6. اكو شخص معين متأثر بيه
(طبعا ما عدا الله ...إله المجد كله)
وهذا الشخص امغير امور بشخصيتك ما جنت متوقع انو تتغير ؟ طبعا تغير للاحسن ....
لا ..
7. حزورتين :
لا الله يخليج ما بيه حيل احزر هههههههههه
*اكو شي الناس تطلبه اذا غاب عنهم ,
ولمن يجي يهربون منه... فشنو هو ؟
صدكي ماره علية بس ما اعرف خوما عيب اذا اكول ما اعرف ..
* اكو شي اذا خلينا بالثلاجة ما يبرد...
شنو هو؟
هو احنة كلشي نخلي بالثلاجة ما يبرد لان ماكو كهرباء .. خخخخخخخخخخ
نكتين.........
* المعلم: مامعنى كلمة سبيل؟
الطالب: طريق..
المعلم: ممتاز..
والأن ما معنى كلمة (سلسبيل) ؟
الطالب: طرطريق.

والسلسبيل معناه "ماء عذب"

* يكولك مرة استاذ سأل طالب لماذا سميَّ
البحر الاسود بهذا الاسم ؟
فرد الطالب وكال : لانه حزين على البحر الميت.
اي هيجي عفية كل مرة نزليلي فد جم نكتة مشكوورة جدا .


واتمنى اتكون اسئلتي والنكت خفيفة الظل عليك
كالعادة .. شكرا الج اختي .
تحياتي خون ... ولنا عودة اخرى فيما بعد
ولنا ايضا رجعة ..

[amar adil]

* اكو شي اذا خلينا بالثلاجة ما يبرد...


شنو هو؟
هو احنة كلشي نخلي بالثلاجة ما يبرد لان ماكو كهرباء .. خخخخخخخخخخ



جماعة برشلونة هذي السوالف ما يدبروها بس جماعة ريال يعرفوها الجواب (فلفل حار) هههههههههههه
اخ لينوس ما اعرف ليش خطر في بالي لمن جنا دانسوي القبر مال تمثيلية الالام المسيح واخ ميلاد حجانا على طابعة مشتريها ابوه من بغداد بوكتها اكو فت سالفة حجاها فلشنا من الضحك عليها ممكن تحجينا تفاصيل هذي الحجاية هههههههههههه

[Rosaleen]

اي صدك احنا هم اخذناها هل انواع بس انتو اتزيدونا بالتحليلية
وانا هم اكره الكيميا بس احب كيميا مال رابع عام وشويه من كيميا السادس
وما احب الشرحيات...بنوب
*اكو شي الناس تطلبه اذا غاب عنهم ,
ولمن يجي يهربون منه... فشنو هو ؟
صدكي ماره علية بس ما اعرف خوما عيب اذا اكول ما اعرف ..


ابد مو عيب صبحانه اليعرف كلشي
ولايهمك اخويا الجواب هو المطر.
والحزورة الثانية حلوها جماعة الريال ..من قبل الاخ عمار

وتدلل حنسمعلك نكت وعليك تقبلها
سواء قوية لو لاء....

سلاااااااااام

[Deacon Leenos]

اخي عمار مو احنة جماعة البرشا عقلنا كروي بس انتو مو كروي مربع . هههههههههههههههههههه ..
بالنسبة لهاي السالفة مال ميلاد خربنا ضحك عليهه بس ما يفيد اذا احجيها لان ما تطلع قوية مثل الحدث ..

[Deacon Leenos]

اختي شكرا الج انتي حضري النكت والاسالة و اني و عمار موجودين .. هههههههههههههههههههههههههه

[Rosaleen]

وليش انت وعمار ؟ انا اعرف الموضوع موضوعك !
لو صار مشترك؟
هههههههههههههه

[amar adil]

وانت ليش تغاريين يا برشلونية ههههههههههههههه داتشاقة
مو اني واخ لينوس سوينا اتفاقية كل سؤال اجوب عليه يشتريلي لفة فلافل ههههههههههههههه
مو صحيح اخ لينوس

[christianiraqi]

تحياتي الك اخي العزيز لينوس الكتلوني على هل
الاجوبة الحلوة
اكيد تعبناك واسالتي جانت كلش طويلة
تسلم على هلروح الرياضية
انشاء الله ما اكون ازعجتك بهاي الاسألة
الك الشكر الجزيل على هل اجوبة الجميلة

تحياتي الك
اخوك المتواضع
christianiraqi

[Deacon Leenos]

هههههههههههههههههههههه صدكني عموري هاي احسن اتفاقية . مو اختي بالممارسة الواحد يتعلم حيل و اساليب فا اني متفق وية عمار وسيلة مساعدة .. الي يجي وراية الله يعلم شيسوي هههههههههه .. تحياتي الكم اختي روزلين و حبيبي عمار .

[Deacon Leenos]

اخي العزيز christianiraqi لا تعبتني ولا شي صدكني بالعكس نورت ..

[Deacon Isaac]

مرحبا شماس لينوس
عندي ثلاثة اسئلة لك
السؤال الاول هل تحب الحاة ام لا و؟ ولماذا؟
السؤال الثاني في اي ساعة تنام؟ و في اي ساعة تقوم الصبح؟ و ماذا تفعل عندما تقوم من النوم؟
السؤال الثالث هل بأعتقادك ستفوز برشلونة في الدوري الاسباني ام لا؟ و لماذا؟
تحياتي لك

[Deacon Leenos]

حبيبي اسحق اسال براحتك ..
بالنسبة ال سؤالك الاول احب الحياة .. اي احب الحياة ليش لا ..
انام بال 1 .. مرات قبلها .. مرات وراها ..
اكوم بل 8 ..
اتمنى تفوز بس كرة القدم محد يكدر يتكهن بالنتائج ...

[الساهـــر]

هاي لينوس شلونك ؟ وشلونك ويه الاسئلة ؟

1. شنوه الي ابالك هسه وبهاذي اللحظة؟
2. منو هم الاعضاء الموجودين بالمنتدى هم اصدقاء لينوس خارج المنتدى؟
ومنو من الاعضاء الي تربطك بيهم قرابة ؟ يعني كرايب سواء من قريب او بعيد
3. اكثر الاعضاء الي اتحب تقرى تعاليقهم وتضحك عليها , يعني يرفهون عليك شويه؟
4. منو من الاعضاء اتحسه :
شخصية طيبة
شخصية قوية
شخصية مرحة
شخصية غامضة
شخصية صارمة
شخصية براقة
شخصية ما كنت تعرفها زين والايام عرفتك على طبيعتها ولمن اتعرفت شفته او شفتها
شخصية ممتازة وخلاقة ومحبذة وقريبة على كل شخص .
شخصية هادئة
شخصية اجتماعية ومثقفة

وتكدر اتضيف اكثر من عضو واحد بكل شخصية , لان مرات الواحد يحمل صفات كثيرة وشخصيته تكون متنوعة....فعلى راحتك عزيزي.

5. شنو رائيك بمسيرة كاظم الساهر ؟ ويا هو احلى البوماته عندك؟
6. منو هم الاعضاء الي تشوفهم جديرين بقسم المناقشات الاجتماعية؟

وسلامي الك يا اخ لينوس

اخوكم الساهر

[يوسف]

شماشا شلونك

1- لماذا تشجع نادي برشلونة؟؟ اذا كان الجواب لانه قوي فهناك فرق اخرى قوية!! اريد ان اعرف السبب؟؟
2- قبل دخولك الى كلية الزراعة, هل كنت تحب كلية اخرى ام كانت رغبتك؟؟
3- هل حياة الشاب قبل الزواج احلى ام بعد الزواج؟؟ هههههههههه سؤال محرج
4- هل تغيرت حياتك بعد ان تزوجت؟؟ وكيف؟؟
5- ما اكثر شي تتميز به شخصيتك عن الاخرين؟؟ (اقصد صفة تراها في نفسك ولا تراها في الاخرين؟؟)
6- ما هي الصفة الموجودة في الناس بصورة عامة وما موجودة عندك؟؟

[emad adil]

هلو لينوس الورد شلونك.........مشتاقلك ياورد......

[Deacon Leenos]

هاي لينوس شلونك ؟ وشلونك ويه الاسئلة ؟

اهلين اخي الساهر ,, ليهسة ملحك ماكو صعوبة ..

1. شنوه الي ابالك هسه وبهاذي اللحظة؟
دا افكر انام هسة لان رحنا شيرا و ما استفادينا شي بس مطر ..
2. منو هم الاعضاء الموجودين بالمنتدى هم اصدقاء لينوس خارج المنتدى؟
يوسف .. عمار .. ميلاد .. اسحق .. و عماد .و الوني ..نص المنتدى اصدقائي ..
ومنو من الاعضاء الي تربطك بيهم قرابة ؟ يعني كرايب سواء من قريب او بعيد
كصلة قرابة اكو هم روزلين .. دنيا ..و يوسف و عمار و اسحق و لانا و ميلاد .. و شكول يعني الي مو كرايب هم من المعارف يعني اهل دهوك... سمانثا .. داني وصفي هم صرت اعرفة مثل ويانا بالتمثيلية ..سبورت مان هم طلع صديقي ..الشماس اميل البروي هم من شمامسة كنيستنا الكبار بس سافر ..
3. اكثر الاعضاء الي اتحب تقرى تعاليقهم وتضحك عليها , يعني يرفهون عليك شويه؟
اشوف تعاليق عمار و روزلين انت بس افتح موضوع نبذة عن الريال و البرشا و شوف شمسوين هناك خخخخخخخ ..
4. منو من الاعضاء اتحسه :
شخصية طيبة ..
كل الاعضاء طيبين ..
شخصية قوية ..
الاخت الاء حامد .. معرفتي بيها هي بس ضمن المنتدى بس الي اقراه من مواضيعها كون يمي فكرة عنها .وعدنا الامبراطور يوسف .. شخصية حازمة و قوية ..
شخصية مرحة ..
اعتقد اعضاء المنتدى كلهم مرحين ما اكدر احدد ..
شخصية غامضة ..
ما ملاحظ هيجي شخصية بالمنتدى ..
شخصية صارمة ..
ما اتوقع اكو ..
شخصية براقة .
.دنيا.. روزلين ... هيلكا .. يعني ما اكدر احدد ..
شخصية ما كنت تعرفها زين والايام عرفتك على طبيعتها ولمن اتعرفت شفته او شفتها شخصية ممتازة وخلاقة ومحبذة وقريبة على كل شخص .
الي اعرفهم اعرفهم .. و الي ما اعرفهم ليهسة معلوماتي عنهم نفسها .
شخصية هادئة ..
لانا ..اسحق.
شخصية اجتماعية ومثقفة ..
الي اعرفهم كلهم عدهم هاي الصفات ..

وتكدر اتضيف اكثر من عضو واحد بكل شخصية , لان مرات الواحد يحمل صفات كثيرة وشخصيته تكون متنوعة....فعلى راحتك عزيزي.

5. شنو رائيك بمسيرة كاظم الساهر ؟ ويا هو احلى البوماته عندك؟
كاظم الساهر مدرسة .. بس اني ما احب اسلوبه صارلة شكم سنة يطلع اغاني نفس النمط .. يعني هسة اني ما افرق اغاني كاظم ..احلى البوم كان مال صبلي من ايدك ماي ورد ..ما اعرف شسم الالبوم ..
6. منو هم الاعضاء الي تشوفهم جديرين بقسم المناقشات الاجتماعية؟
نص المنتدى الي اعرفه مثقف و اله قابلية يناقش .

وسلامي الك يا اخ لينوس
تحيااتي الك اخي ..
اخوكم الساهر

[amar adil]

شنوه الي ابالك هسه وبهاذي اللحظة؟
دا افكر انام هسة لان رحنا شيرا و ما استفادينا شي بس مطر ..

يعني اخ لينوس مثل حالتنا اليوم رحنا لشيرا مار شموني بمانكيش وصرنا فلم هندي وطلعنا كلها من ورا المطر وبالفعل من رجعت نمت هههههههههههه

نرجع الى الاسئلة
1 ما اشد الجروح الماً؟ ولماذا؟
جرح الصديق
جرح الاهل
جرح الحبيب

2 من هو الشخص الذي لا تحب ان ترى دموعه؟

3 ما هو الكلام الذي اثر فيك كثيراً؟

مع تحياتي لا تنسى اتفاقية الفلافل هههههههه

[Deacon Leenos]

شماشا شلونك
اهلين شماشا دخيلا اقلوخ بثر لعبة ؟؟
1- لماذا تشجع نادي برشلونة؟؟ اذا كان الجواب لانه قوي فهناك فرق اخرى قوية!! اريد ان اعرف السبب؟؟
برشلونة يلعب اسلوب الكرة الشاملة من يربح 10 - 0 هم ما يدافع بس هجوم ..وهذا الاسلوب احبه كلش ..
2- قبل دخولك الى كلية الزراعة, هل كنت تحب كلية اخرى ام كانت رغبتك؟؟
كنت اريد اداب انكليزي بس ما صارت .. بس اختي فاتت اداب انكليزي مو مشكلة .. هههه
3- هل حياة الشاب قبل الزواج احلى ام بعد الزواج؟؟ هههههههههه سؤال محرج
كل مراحل الحياة الهه حلاوتها .. قبل الزواج كانت طيبة كلش .. بس هسة غير شكل .. هسة كونت عائلة .. اكمل بقية حياتي مع نصفي الثاني .. و خاصة من الواحد يختار شريك حياته عن حب .. يعني كل مرحلة و حلاوتهه .. و انت هم اتحرك يلا كافي .. لازم نخطبلك هالصيف ..خخخخخخخ
4- هل تغيرت حياتك بعد ان تزوجت؟؟ وكيف؟؟
اعتيادي تغيرت .. هسة صار عدنة مشاريع .. مسؤولية .. فتنا بالحياة الجدية .. بس مو تخاف .. ترى كللللششش طيبة .
5- ما اكثر شي تتميز به شخصيتك عن الاخرين؟؟ (اقصد صفة تراها في نفسك ولا تراها في الاخرين؟؟)
يمكن اكو صفة بيني و بين غير واحد بس اني ما ادري ..
6- ما هي الصفة الموجودة في الناس بصورة عامة وما موجودة عندك؟؟

قابل اني جاي من المريخ .. خخخخخخخخخخخخ

[Deacon Leenos]

هلو لينوس الورد شلونك.........مشتاقلك ياورد......

اهليييييييييييييييييييييييييييين يا ورد عماد حبيبي هوااااية نشتاقلك ..و شكد نتذكرك من نتفرج عالتمثيلية ..

[Deacon Leenos]

يعني اخ لينوس مثل حالتنا اليوم رحنا لشيرا مار شموني بمانكيش وصرنا فلم هندي وطلعنا كلها من ورا المطر وبالفعل من رجعت نمت هههههههههههه
اي من هيجي جيت عالطوبة شبعان نوم و مرتاح بحيث ما كمت تفرق بين الرمية والجزاء ههههههههههههههه

نرجع الى الاسئلة
ليش وين جنا ؟؟ هي هي هي
1 ما اشد الجروح الماً؟ ولماذا؟
جرح الصديق
جرح الاهل
جرح الحبيب

هو صدك اني لا مختبر هذا ولا هذا و لا هذاك .. اسال مجرب مو تسالني ههههههههههههههه
2 من هو الشخص الذي لا تحب ان ترى دموعه؟
ما اريد اشوف دمعة اي واحد و انشاءالله كل العالم بس تضحك و ينسون البكاء .

3 ما هو الكلام الذي اثر فيك كثيراً؟
يعني غير العبارات الدينية ما ماثر شي بية .
مع تحياتي لا تنسى اتفاقية الفلافل هههههههه
ماكو هيجي شي احنة متفقين انت تجاوب بمكاني مو انت تسالني ههههههه

[emad adil]

هلو لينوس شونك ......... اليوم راح اسئلك جم سؤال

1-شلونه حبيبي مهند واخباره لان كلش مشتاقله
2-جم سنة صارلك اتسوق سيارة
3-شنو الالات الموسيقية اللي تعرف تعزف عليها

الرب يحفظك ويباركك

[Deacon Leenos]

هلو لينوس شونك ......... اليوم راح اسئلك جم سؤال
اهلييين حبيبي عماد .. كليوم اسال ..

1-شلونه حبيبي مهند واخباره لان كلش مشتاقله
مهند بخير و مشتاقلك و يتذكرك دائما .. و ما باقي شي راح يننقل الى رئاسة الجامعة ..
2-جم سنة صارلك اتسوق سيارة
اسوق من 2004 ..
3-شنو الالات الموسيقية اللي تعرف تعزف عليها
حبيبي عماد ما راح اجاوبك راح اخليك اتدور عليه لان جاوبت عليه من سالتني الاخت روزلين ..
الرب يحفظك ويباركك
دير بالك على نفسك .. انت هم الرب يحفظك ..

[amar adil]

يعني اخ لينوس مثل حالتنا اليوم رحنا لشيرا مار شموني بمانكيش وصرنا فلم هندي وطلعنا كلها من ورا المطر وبالفعل من رجعت نمت هههههههههههه
اي من هيجي جيت عالطوبة شبعان نوم و مرتاح بحيث ما كمت تفرق بين الرمية والجزاء ههههههههههههههه

حبي لينوس اسكت وخاليها البارحة خمسين جزاء صارت وما حسبتها هههههههههه
والاحلى لمن الطوبة انضربت بالعمود وما دخلت بالكول واني صفرت عبالي كول وبعدين طلعت رمية واشرت بانو هي رمية يعني بعدين كحلتها هههههه وانت متت من الضحك وكل ما اتذكر الموقف اموت من الضحك هههههههههههههه

[Deacon Leenos]

حبي هذا الموقف حتى اذا اكون كاعد ب فد تعزية و اتذكره .. اضحك ..

[dunia]

ههههههههههههههههههههههههههههههههههههههههههههههههه
حجولي بالتفصيل ياعمار على هذا الموقف
انى هم بس اضحك واتمنيت انى هناكا حتى اشوف ذاك الموقف يخرب ضحك
تحياتي لينوس وعمار

[amar adil]

ههههههههههههههههههههههههههههههههههههههههههههههههه
حجولي بالتفصيل ياعمار على هذا الموقف
انى هم بس اضحك واتمنيت انى هناكا حتى اشوف ذاك الموقف يخرب ضحك
تحياتي لينوس وعمار

يعني بعد شاحجي اكثر اتخيلي من انضربت الطوبة العمود وما دخلت اني صفرت عبالي كول وكلها وكفت عن اللعب والاحلى شيء الطوبة كامت تمشي على كيفها ولي ما طلعت رمية بعدين اني اشرت بيدي بانو هي رمية واني ولينوس متنا من الضحك بحيث اخ لينوس اتمدد عل الكاعد ومايت من الضحك ههههههههههه
تحياتي الج دنيا

[Deacon Leenos]

اهلييين اختي دنيا نورتي .. الاسبوع الجاي فادي هم يجي .. حتى اخاف بيه فد مكان سليم هذا هم نكسره هههههههههههههههههههههههههههه

[يوسف]

حبي لينوس اسكت وخاليها البارحة خمسين جزاء صارت وما حسبتها هههههههههه
والاحلى لمن الطوبة انضربت بالعمود وما دخلت بالكول واني صفرت عبالي كول وبعدين طلعت رمية واشرت بانو هي رمية يعني بعدين كحلتها هههههه وانت متت من الضحك وكل ما اتذكر الموقف اموت من الضحك هههههههههههههه



يعني بسيطة عمار, انا تركت التحكيم وسلمته الك, عبالي سلمته بأيد امينة بالاخير تطلع هيجي؟ اعقتد لازم ارجع للتحكيم واحافظ على نص الملعب مالتي هههههههههههه

[Rosaleen]

http://img205.imageshack.us/img205/3580/42of7.gif
هايا لمنو كاعد اتسلمون الحكم ؟
للي كاتلته لفة الفلافل
هههههههههههههههههههههه

اسئلة :
بس ماكو عمار يجاوب عليها , ماكو اتفاقيات ويه الريال, لان اخف بالوجه مرايا وبالـ ......
املئ الفراغ السابق
هههههههههههههههههههههههه
دأشاقه

1. لو كالولك اختار بيت من هذي البيوت ياهو راح تختار :
بيت عل شط
بيت على الشجرة
بيت على فد ناطحة
بيت بنص جزيرة
(بس لا تخاف ماراح اتكون مكطوع عن اليابسة
لان حيمدولك خطوط برية هههههههههه)

2. اكثر لون اتحبه؟
3. لمن تلعبون طوبه منو اتشوف اكثر حكم عادل بحكمه؟ يوسف لو عمار ؟

ونكته اليوم :
*"دكتور عيون محشش "شاف اشارة المرور حمره فنزل وحطلها قطرة.
*محشش كال لصاحبه عيوني من البارحه حمره وما اكدر امشي ..فكاله اوكي من تصير خضره عود امشي.
*محشش دخل دائره وكال وين المدير ؟
فكالوله المدير " العام " !
كال لا مال هالسنه.....

::(::(::(::(::(::(
::(::(::(::(

[milad killo]

هلا بالشماشة لينوس
يابا كافي ترة اسرار اللعبة كلها انكشفت
عندي جم سوال و لو شوية مزعجة بس حضك وكعت بايدي
استلم :
1)اذا اردت ان تبكي الان , فعلى من تبكي؟
2)هل كنت السبب في يوما من الايام ان تدمر حياة شخص ؟
3)حكمة تؤمن بها جدا؟؟

مع تحياتي و كافي هل الاسئلة (شرولي)

[amar adil]

يعني بسيطة عمار, انا تركت التحكيم وسلمته الك, عبالي سلمته بأيد امينة بالاخير تطلع هيجي؟ اعقتد لازم ارجع للتحكيم واحافظ على نص الملعب مالتي هههههههههههه

لا الله يخليك اخ يوسف انت خليك باللعب وخلي التحكيم عليه وانت ما عليك المباراة الجاية راح افوزكم ههههههههههه
بس بشرط اشترولي لفة فلافل وخلوا الباقي عليه هههههههههههه

[Deacon Leenos]

يعني يوسف اذا تريدون ما تصير مشاكل شيلو عمار من التحكيم خلي يصير معلق .. ههههههههههه

[Deacon Leenos]

هايا لمنو كاعد اتسلمون الحكم ؟
للي كاتلته لفة الفلافل
هههههههههههههههههههههه
هي كاتلته لفة الفلافل و هو كتلنه بيها ..ههههههههههههههههههههههههههههههههه
اسئلة :
اجوبة.
بس ماكو عمار يجاوب عليها , ماكو اتفاقيات ويه الريال, لان اخف بالوجه مرايا وبالـ ......
املئ الفراغ السابق
هههههههههههههههههههههههه
دأشاقه
لا عمار نقض الاتفاقية .. ريالي ما يفيد ..
1. لو كالولك اختار بيت من هذي البيوت ياهو راح تختار :
بيت عل شط
بيت على الشجرة
بيت على فد ناطحة
بيت بنص جزيرة
(بس لا تخاف ماراح اتكون مكطوع عن اليابسة
لان حيمدولك خطوط برية هههههههههه)
اختار بيت على الشجرة حتى يكون المنظر توب فيو .. يعني مثل ما اكون فاتح كوكل ايرث .. هههههههههههههههههههههه . بس بشرط الشجرة عالية وبيها مصعد وقفل.. حتى طرزان ما يوصل البيتي...
2. اكثر لون اتحبه؟
ما عندي محدد .. حسب الدرجات . ..
3. لمن تلعبون طوبه منو اتشوف اكثر حكم عادل بحكمه؟ يوسف لو عمار ؟
عماااار ؟؟؟ لا الله يخليج عمار كله تحكيمه تحيز يشوف وين اكو لواعيب يشجعون ريال يغلب هذا الفريق .. و ابد ما يحسب فاول على علاء .. ههههههههه..
ونكته اليوم :
*"دكتور عيون محشش "شاف اشارة المرور حمره فنزل وحطلها قطرة.
*محشش كال لصاحبه عيوني من البارحه حمره وما اكدر امشي ..فكاله اوكي من تصير خضره عود امشي.
*محشش دخل دائره وكال وين المدير ؟
فكالوله المدير " العام " !
كال لا مال هالسنه.....
هههههههههههههههههههههههههههههه حلوة

[Deacon Leenos]

هلا بالشماشة لينوس
هلا بالكتلوني ميلاد الوردة ..
يابا كافي ترة اسرار اللعبة كلها انكشفت
يمعود مو هذا ابن خالتك دمرنا البارحة خسرنا من وراه
عندي جم سوال و لو شوية مزعجة بس حضك وكعت بايدي
استلم :
هي بقت عليك حبيبي ..
ناول .. يلا .
1)اذا اردت ان تبكي الان , فعلى من تبكي؟
لا اريد ابجي ولا شي .. بس اذا كلش مصر هسة اذبح بصل و ابجي عليه ..
2)هل كنت السبب في يوما من الايام ان تدمر حياة شخص ؟
على كيفك يمعود اششايفني ههههههههههههه ..
3)حكمة تؤمن بها جدا؟؟
ما يفل الحديد الا الحديد .

مع تحياتي و كافي هل الاسئلة (شرولي)
هههههههههههههه ما قصرت .. كمشارخلي ..

[Rosaleen]

اختار بيت على الشجرة حتى يكون المنظر توب فيو .. يعني مثل ما اكون فاتح كوكل ايرث .. هههههههههههههههههههههه . بس بشرط الشجرة عالية وبيها مصعد وقفل.. حتى طرزان ما يوصل البيتي...

حلو يعني اهنا راح تحتاجلي وتحتاج لانا
حتى انعمرلك البيت
ههههههههههههههههههههههههههههههه

[Deacon Leenos]

بالضبط .. شدو حيلكم وياية ادري نتعبكم بس شنسوي ما عدنا غيركم ...هههه

[amar adil]

هايا لمنو كاعد اتسلمون الحكم ؟
للي كاتلته لفة الفلافل
هههههههههههههههههههههه
هي كاتلته لفة الفلافل و هو كتلنه بيها ..ههههههههههههههههههههههههههههههههه


جربوها وبعدين تعرفون النتيجة هههههههه

بس ماكو عمار يجاوب عليها , ماكو اتفاقيات ويه الريال, لان اخف بالوجه مرايا وبالـ ......
املئ الفراغ السابق
هههههههههههههههههههههههه
دأشاقه
لا عمار نقض الاتفاقية .. ريالي ما يفيد ..


نقضت الاتفاقية راح استلمكم يا برشاوين باللعبة الجاية ههههههه

3. لمن تلعبون طوبه منو اتشوف اكثر حكم عادل بحكمه؟ يوسف لو عمار ؟
عماااار ؟؟؟ لا الله يخليج عمار كله تحكيمه تحيز يشوف وين اكو لواعيب يشجعون ريال يغلب هذا الفريق .. و ابد ما يحسب فاول على علاء .. ههههههههه..


اخت روزالين ..الرياليين عادلين وين ما يكونون هههههههه
المشكلة اخ لينوس اذا اني جت بالتحكيم او يوسف ما تفرق لان اثنينتنا رياليين هههههههههههه والمباراة الجاية لا تجون عاللعبة احسنكم هههههههه

[Deacon Leenos]

هاي هي كملت .. هو يوسف صح ريالي بس معتدل مو متطرف مثلك ههههههههههههههههههههه .. يعني علماني .. ههههههههههههههههههههههههههههههههههههههههههه

[Rosaleen]

مساء الخيـــــر.....

1. كسهام بيد جبار هكذا ابناء الشبيبة

شيعنيلك شعار توقيعك الي مصوره ايضا بصورة توحي بقوة الكلام...؟
2. يا نوع سيارة حابب او تتمنى اتكون جوى ايدك ؟
3. شنيه اكثر الكتب الي اتحب تطلع عليها؟
4. افرض ادارة ستار اكادمي دزولك طلب وكالولك تعال شارك بالمنافسة
(لكونك صاحب مواهب فنية)
وتكاليف السفر على احسابنا , حتروح وتشارك؟
5. صدك شنو معنى اسمك"لينوس" ؟
6. لو خيرناك بين هندسة الكترونيات و بين اداب انكليزي فياهو راح تختار وليش؟
7. حزورتين سهلة:
*إذا ما كانت شقيقة خالتك ولا خالك ؟ فمن تكون ؟
*أنا ابن الماء ، فإن تركوني فيه أموت ، فمن أنا ؟
8. احلى ترتيلة اتحب تسمعها دائما ؟
وتحس انو ترتاح لمن تسمعها
9. لو انطيتلك 10 وردات كل وحدة بلون واكلك اهديها للي تحب سواء داخل او خارج المنتدى ,
فلمنو حتهديها ؟
10. ماكو نكته هليوم شطبنا خلاص
ههههههههههههههههههه
اسمع هل نكته اخذتها من نكات العضوة بنت كرمليس وبيها شوية تحويرات....
شباب يدرسون بامريكا..... مات ابو واحد منهم واحتاروا شلون يكولوله خبر وفاة والده....!!!
فواحد منهم جلف(يعني فظ) كال : ولا يهمكم اني حكوله ....
فراح للي مات ابوه ..... وكاله :
شوكت آخر مرة شفته لابوك ؟
كال : قبل شهرين .....
فرد عليه الجلف وكال :
اكص ايدي لو شفته مرة ثانية....

وتحياتي

[amar adil]

صباح الخير الشماس لينوس مبين عليك بعدك نايم ههههههههه
1 هل يتغير الحب بعد الزواج ؟ في حالة تغيره ما هي الاسباب ؟

2 ايهما انجح .. الزواج عن طريق الاهل او عن طريق معرفة سابقة ؟ ولماذا ؟

3 هل تؤيد الزواج العاطفي ام الزواج التقليدي ؟ ولماذا ؟

4 ما الذي يجذبك في الفتاة ؟

5 انت كل شيء في حياتي لمن تقولها ؟

6 عادة تفعلها دائماً تتمنى ان تتركها هههههههههههههههههه

7 لو احترق المنتدى وكلولك تكدر بس ان اطلع عضوين من بين جميع الاعضاء منو هما العضوين ههههههههه
الله يخليك اخ لينوس لا تنساني هههههههههههههه

مع تحياتي الك يا وردة

[Deacon Leenos]

مساء الخيـــــر.....
صباح الخير اختي ..
1. اقتباس:
كسهام بيد جبار هكذا ابناء الشبيبة

شيعنيلك شعار توقيعك الي مصوره ايضا بصورة توحي بقوة الكلام...؟
الشعار عبارة عن اية ب سفر الامثال ( ما متاكد من الشاهد )) .. الشعار يعني لي هواية .. و خاصة هو شعار شبيبتنا شبيبة المخلص .. الشعار شفنا بيه الشي الي يعبر عن قوة الشباب و قدرتهم على احداث حركة بالكنيسة و نشاط مستمر و عطاء دائم بدون توقف بدون ملل مثل قوة السهم الي ما يغير مساره الى ان يوصل الى هدفه .. والجبار يمثل الكنيسة الجبارة السهام هي شبيبة المخلص ..
2. يا نوع سيارة حابب او تتمنى اتكون جوى ايدك ؟
هسة اني دا تعجبني كلش سيارة جيب كوماندر ..
3. شنيه اكثر الكتب الي اتحب تطلع عليها؟
اختي اني والقراءة مو اصدقاء ..
4. افرض ادارة ستار اكادمي دزولك طلب وكالولك تعال شارك بالمنافسة
(لكونك صاحب مواهب فنية)
وتكاليف السفر على احسابنا , حتروح وتشارك؟
لا ..
5. صدك شنو معنى اسمك"لينوس" ؟
هو اني حسب ما سمعت وسالت الي عرفته انه معنى اسمي (( الاشقر )) وهي كلمة سويدية .
6. لو خيرناك بين هندسة الكترونيات و بين اداب انكليزي فياهو راح تختار وليش؟
هندسة الكترونيات لان ثنين في واحد .هم هندسة وهم الدراسة بالانكليزي هم راح اتعلم وحتى اذا ما اتعلمت هسة اكو دورات اكو غير طرق اتعلم لغة .
7. حزورتين سهلة:
*إذا ما كانت شقيقة خالتك ولا خالك ؟ فمن تكون ؟
انتي متاكدة من ان الحزورة صح ؟؟ ما ناسية كلمة او شي ؟؟ ..شقيقية خالتي ممكن تكون امي او خالتي اللوخه .. بس اذا مو شقيقة خالتي ولا خالتي ممكن تكون جيران مثلا ..هههههههههههههههههه
*أنا ابن الماء ، فإن تركوني فيه أموت ، فمن أنا ؟
مو الثلج ؟؟
8. احلى ترتيلة اتحب تسمعها دائما ؟
وتحس انو ترتاح لمن تسمعها
هواية تراتيل احب اذا اعدها ينراد 5 صفحات.
9. لو انطيتلك 10 وردات كل وحدة بلون واكلك اهديها للي تحب سواء داخل او خارج المنتدى ,
فلمنو حتهديها ؟
ممكن انطيله كل واحد حسب اللون الي يحبه و يكتب بيه ..بس بما انه اللون الابيض لون السلام ممكن اودي شاحنة متروسة ورد ابيض واوكفهة بنص الشورجة واوزعها عالعالم ..
10. ماكو نكته هليوم شطبنا خلاص
ههههههههههههههههههه ..
اسمع هل نكته اخذتها من نكات العضوة بنت كرمليس وبيها شوية تحويرات....
شباب يدرسون بامريكا..... مات ابو واحد منهم واحتاروا شلون يكولوله خبر وفاة والده....!!!
فواحد منهم جلف(يعني فظ) كال : ولا يهمكم اني حكوله ....
فراح للي مات ابوه ..... وكاله :
شوكت آخر مرة شفته لابوك ؟
كال : قبل شهرين .....
فرد عليه الجلف وكال :
اكص ايدي لو شفته مرة ثانية....
هههههههههههههههههههههههههههه .. حلوة ..
وتحياتي
شكرا الج و عالنكت الي خليتيها تميز اسالتج.

[amar adil]

*إذا ما كانت شقيقة خالتك ولا خالك ؟ فمن تكون ؟
انتي متاكدة من ان الحزورة صح ؟؟ ما ناسية كلمة او شي ؟؟ ..شقيقية خالتي ممكن تكون امي او خالتي اللوخه .. بس اذا مو شقيقة خالتي ولا خالتي ممكن تكون جيران مثلا ..هههههههههههههههههه


بعد ما عندك اجابات خمسين جواب انطيت ههههههه اني كلت من البداية بس الرياليين يحلوها الحل (امك) هاي صارت لفتين فلافل ههههههههههههههههه

[Deacon Leenos]

صباح الخير الشماس لينوس مبين عليك بعدك نايم ههههههههه
حبيبي عمار صباح الخيرات .. ولو هسة من دا اجاوبك راح تظلم .. يلا مساء الخير ..
1 هل يتغير الحب بعد الزواج ؟ في حالة تغيره ما هي الاسباب ؟
اذا حب صادق مستحيل يتغير .. ممكن يزيد .. بس ما يتقص .. بس اكو اشياء تاثر عالعلاقة الزوجية مثل الثقة .. الصراحة .. وهي تؤدي الى التفاهم ..
2 ايهما انجح .. الزواج عن طريق الاهل او عن طريق معرفة سابقة ؟ ولماذا ؟
هسة يعني ما اكدر اكلك بالضبط ياهو احسن لان عن طريق الاهل مو مبنية عالحب بس ممكن بعدين الواحد يحب الاخ و ممكن ما يصير حب بس تعود و اذا اكو تفاهم بينهم ممكن كلش تنجح .. وعن طريق معرفة قديمة اني اعرف هواية حالات اتصير ..و تنجح .. بس اكو فد شي اني كلش مقتنع بيه بالنسبة الى رايي الشخصي كلش مهم .. هو موافقة الاهل عالولد او البنية ..

3 هل تؤيد الزواج العاطفي ام الزواج التقليدي ؟ ولماذا ؟
تقريبا نفس السؤال السابق .. العاطفي هو عن حب التقليدي هو عن طريق الاهل .. شوف حبيبي مختصر مفيد اشجع كل واحد يتزوج عن حب بس بشرط اهله ما عدهم مانع عالطرف الاخ .
4 ما الذي يجذبك في الفتاة ؟
الاخلاق .. الذكاء .. الثقافة ..
5 انت كل شيء في حياتي لمن تقولها ؟
طبعا ال ايفا .
6 عادة تفعلها دائماً تتمنى ان تتركها هههههههههههههههههه
هههههههههههههههههههههه حلوة هاي .. ما عندي .
7 لو احترق المنتدى وكلولك تكدر بس ان اطلع عضوين من بين جميع الاعضاء منو هما العضوين ههههههههه
الله يخليك اخ لينوس لا تنساني هههههههههههههه
صدك انت ما اطلعك شعندك لا متزوج لا خاطب لاشي .. بس خطية دنيا وبعدين فادي شيسوي .. لو لانا بعدين داني شيسوي .. لو روزلين بعدها ما ماخذه ماجستير على وشك اتقدم .. لو هيلكا باقيلها سنة تتخرج .. صارو اشكد .. منو اطلع منو ابقي ..
ما لازم خلي كلهم يحتركون خخخخخخخخخخخخخخخخخخخخخخخخخخخخخخخخ ..
مع تحياتي الك يا وردة
شكرا حبيبي على اسالتك الحلوة كلش ..

[Deacon Leenos]

لفات فلافل ما تشوف بعينك .

[Rosaleen]

مساء الخيـــــر.....
صباح الخير اختي ..



صح النوم ...اتخربطت عليك المواعيد



هو اني حسب ما سمعت وسالت الي عرفته انه معنى اسمي (( الاشقر )) وهي كلمة سويدية .

اسمٌ على مُسمى...ههههههه



وجوابك للحزورتين جانت صحيحة ولو الاول وحدة طولتها بس اول احتمال خليت الوالدة فنعتبرها صحية وبلا لفة الفلافل.....هههههههههههههه



وليش بنص الشورجة الي يسمعك يكولك انت ابغداد ! اخف اكو شورجة بدهوك واني ما اعرف !



ما لازم خلي كلهم يحتركون
هذا احسن حل ...كلنا بالهوى سوى




واشكرك اخويا لينوس لاجوبتك الحلوة كلش
استمتعنا وياك...والرب يوفقك بكل مجالات حياتك
امــــــــــــــــين

[amar adil]

وجوابك للحزورتين جانت صحيحة ولو الاول وحدة طولتها بس اول احتمال خليت الوالدة فنعتبرها صحية وبلا لفة الفلافل.....هههههههههههههه

شلون صح اخت روزالين اصلا جان ما متاكد من الحزورة الاولى ديكلج انت متأكدة من الحزورة الاولى ههههههههههه اني ما عليه اريد الفلافل مالي بسيطة اخ لينوس اصبرلي باللعبة الجاية مال طوبة اذا ما لعبت بيكم فلافل ما اسمي عمار ههههههههههههههههههه

[Deacon Leenos]

اختي روزلين مو انتي سالتي كان مساء اني جاوبت ثاني يوم الصبح لعد شاكتب .. كود افترنوون ..ههههههه
و صح اني بدهوك بس بدهوك ماكو مشاكل بغداد تحتاج للسلام ..
والشكر الج والاعضاء كلهم نورتو و اني هم كلش تونست وياكم ..

[Deacon Leenos]

عموري .. مو هذاك اليوم نكرتني 3 مرات و سامحتك هسة جاي تبيعني ب لفة فلافل .. ههههههههههههههه . هل مرة ماكو سماح .

[Rosaleen]

اعرف ولهذا كتلت تهات عليك المواعيد
مو مشكلة....
انشالله يعم السلام والخير بغداد وبالعراق كله

[amar adil]

صباح الورد يا ورد بس لا همين نايم ههههههههههههههههه

اشوف البارحة ما جيت عاللقاء خير خو مكو شيء بس لا جنت نايم هههههههههه

لفات فلافل ما تشوف بعينك .

زين ولو نص لفة هههههههههه

عموري .. مو هذاك اليوم نكرتني 3 مرات و سامحتك هسة جاي تبيعني ب لفة فلافل .. ههههههههههههههه . هل مرة ماكو سماح .

هالمرة هم مشيها هههههههههههه

نرجع للاسئلة
حبي لينوس اريد تذكرلي

1 سؤال احرجك بالاجابة
2 سؤال حيرك بالاجابة
3 سؤال خلاك تضحك هواية
4 سؤال ما حبيت اجاوب عليه ههههههههه
5 سؤال ما افتهمت عليه ههههههههه
6 سؤال خلاك تتناكر ويه ايفا ههههههههههههه وهذي تحية للاخت ايفا
7 عضو حبيت اسئلته
8 عضو مزعج في اسئلته هههههههههههه
9 عضو حبيت بعد يسألك اسئلة
10 عضو اسئلته خفيفة
وشكراً حبي عالاجابتك الرائعة والجميلة وكلشششششش استمتعنا وياك هالاسبوع واتمنالك الموافقية في حياتك
وتقبل تحياتي يا لينوس الوردة

[dunia]

هاي لينوس كلما اريد اسألك اشوف كومة اسئلة اكول بعدين وبعدين .....
:sa:dv:sa:dv:sa:dv
لازم كل عضو مرة يسأل اسئلة حتى ينطي مجال للبقية
لو شنو رايك؟
خاصة انت عمار
::(::(::(
طبعا اريد اسألك سؤال واحد انشالله يعجبك

اريد تنطيني 3 ايات انجيلية كلش تحبها وليش تحبها وشنو تفسيرها بمفهومك الديني الهم ؟؟؟

بس ماريد مختصرااااااااااااااااات شوية اشرح
::(::(::(

وتحياتي

[Deacon Leenos]

هلو عمار حبيبي شونك ..
حبي لينوس اريد تذكرلي

1 سؤال احرجك بالاجابة
2 سؤال حيرك بالاجابة
يعني اكو اسئلة تتكرر دائما مثلا ينطون صفات و اني ارهمها عالاعضاء مثلا التالق .. الشخصية القوية .. الخ .. هاي الاسئلة تكون محيرة و نوعا ما محرجة
3 سؤال خلاك تضحك هواية
كان اكو اسالة طريفة مثلا من سالتني اذا يحترك المنتدى ..
4 سؤال ما حبيت اجاوب عليه ههههههههه
كل اسئلتكم اتقبلتها ب رحابة صدر .. انشاء الله تكون اجوبتي عجبتكم ..
5 سؤال ما افتهمت عليه ههههههههه
حزورة الاخت روزلين هههههههههههههه .بس هم راحت عليك لفة الفلافل
6 سؤال خلاك تتناكر ويه ايفا ههههههههههههه وهذي تحية للاخت ايفا
ههههههههههههههه ماكو ... وايفا هم تسلم عليك ..
7 عضو حبيت اسئلته
كلها اسئلتكم حلوة و على فكرة هذا يعتبر من الاسئلة المحرجة .
8 عضو مزعج في اسئلته هههههههههههه
لو تفتر كل المنتدى مراح تشوف عضو مزعج و نهائيا ماكو اسئلة مزعجة ..
9 عضو حبيت بعد يسألك اسئلة
مو كافي ؟؟؟؟؟؟؟ ما قصرتو ..
10 عضو اسئلته خفيفة
صدك ما شايلها حتى اعرف خفيفة لو ثقيلة .. خخخخخخخخخخخخخخ
وشكراً حبي عالاجابتك الرائعة والجميلة وكلشششششش استمتعنا وياك هالاسبوع واتمنالك الموافقية في حياتك
وتقبل تحياتي يا لينوس الوردة
تحياتي الك عمار اخي و صديقي و افتح قلبك منور بيك و باسئلتك .

[Deacon Leenos]

هاي لينوس كلما اريد اسألك اشوف كومة اسئلة اكول بعدين ويعدين .....
اهلين دنيا شونج ..
لازم كل عضو مرة يسأل اسئلة حتى ينطي مجال للبقية
لو شنو رايك؟
خاصة انت عمار
هههههههههههههه .. يلا عادي مو مشكلة ..
طبعا اريد اسألك سؤال واحد انشالله يعجبك
اتفضلي اسالي براحتج ..
اريد تنطيني 3 ايات انجيلية كلش تحبها وليش تحبها وشنو تفسيرها بمفهومك الديني الهم ؟؟؟

بس ماريد مختصرااااااااااااااااات شوية اشرح
هههههههههههه احاول انشاءالله .. بس هذا اصعب سؤال اجالي اختي لان من كل الانجيل اذا بس 3 ايات اطلع ينرادلي سنة حتى اختار .. بس احاول اختارلج 3 ..
1- (( لعازر قم -- فخرج لعازر من القبر .. قال اعطوه لياكل )) .. لعازر كان ميت 4 ايام و جثته منتنة .. بس اذا شاء الرب ب كلمة طلعه من القبر .. اعتقد احنا لو نكون ميتين بخطيتنا و جايفين بشهوات هذا العالم و مادياته .. اذا شاء الرب يراح ينتشلنا بكلمة منه .. و ينطينه من كلمة الحياة نعيش بيها ..
2- من قال الرب ال مار بطرس (( انت الصخرة وعليك ابني كنيستي )) ..
3- (( من ليس له خطيئة فليكن اول من يرمها بحجر )) ..
وهاي الايتين اعتقد ما تحتاج تفسير ...
وتحياتي
تحياتي الج و ال فادي .. و شكرا الج ..

[Deacon Leenos]

مع نهاية اسبوع استضافتي ب افتح قلبك .. احب اشكر كل الاعضاء الي شاركوا بهالاسبوع الاخ عمار الي دائما تحلو وياه السوالف والاخت روزلين على اسالتها الحلوة والنكت الي ميزتها واشكر يوسف على مشاركاته و مداخلاته و الصور الي عرضهه و اشكر كل من شارك واحد واحد واتمنى انه قضيتوا ويايه اسبوع حلو .. و راح نتشاوف الاسبوع الجاي و نشوف قلب منو راح نفتح .. والرب يبارككم كلكم و شكرا ...

[dunia]

شكرا لينوس على الايات كلش حلوة جانت
عاشت ايدك
يارب تتوفق بحياتك وتكون للاحسن دائما يارب
ونتمنى ما ننحرم من صوتك الحلو بالكنيسة
احلى صوت
واتمنى عجبك السؤال
تحياتي الك وللمدام

[يوسف]

كل الشكر لك اخي العزيز لينوس لاجوبتك الحلوة وروحك الجميلة

اتمنى دائما تحقق اهدافك وطموحاتك


وهسه خلص الاسبوع وراح نقفل الموضوع وبعد ماكو اي اسئلة......


تحياتي لك وبانتظار العضو المختار من قبلك