الــــعــــراقــــــي

[العراقي]

الـــــــعــــــراقـــــــي



سلام المسيح
لأحلى أعضاء في أحلى منتدى



اشكر †Butterfly† لدعوتي
بأن اكون بأفتح قلبك صاحب رقم 10
وهذا يسعدني ويشرفني



في يوم الخميس المصادف 29/7/2010

اترك لكم صفحات بيضاء لاستقبال أسئلتكم بيها



وأقول بأن يمنكم أن تسألوا العراقي أي سؤال يخطر في بالكم
وأتمنى لجميع أسئلتكم أن تحظى بالأجوبة عندي



وألان اترك هذه الصفحات البيضاء
حتى تلونوها بأسئلتكم الملونة


واتمنى الكل يشارك ويسأل



أنا منتظر أسئلتكم ......

[الاء حامد]

العراقي
شكرا لك قبولك الدعوى لتواجدك في افتح قلبك
وكم سعداء بوجودك معنا وانشالله حتسعد وتقضي اطيب
الاوقات بيننا
احب اوجة لك بعض الاسئلة
1- العراقي بالنسبة لي شخصا مبهم لا اعرف عنه الكثير هل بأمكانك ان تعرفنا عن نفسك ولو قليلا؟
2- العراقي صف لنا شعورك وانت تعتل مكانا مميزا في اروقة شبكتنا وفي قلوب الاعضاء ككل ؟
3- العراقي هل فيك تخبرنا عن مواضيع ومشاركات يتميز بها رواد شبكتنا وماهي المقومات التي جعلت من شبكتنا مميزة ؟
4-العراقي : هل وجودك في شبكتنا لهدف معين فماهو؟ او هل تواجدك مقترن بشبكتنا لانها معنيه بأبناء شعبنا او ماذا؟
5-العراقي : ماذا يعني لك تواجد الاخوة كل من يوسف وعمار والبروي ومسعود وكذلك الاخوات روزالين وكارمن وتيريز ودنيا وايمي ؟
6- كلمه تريد ايصالها لكل رواد واعضاء شبكتنا فأفصحى عنها ؟
7- بنظرك مالذي ينقص شبكتنا في الوقت الحاضر وما هي الاليات التي ترغب باحداثها في الشبكة بغية تطويرها اكثر.
8- هل شعرت من خلال تواجدك معنا بانك في يوما ما لم يعطى حقك الكامل في المنتدى لاسيما وانك مميز بتواجدك ومواضيعك,, علاوة على ردودك الراقية ؟
9- ماهي توصياتك لنا من اجل النهوض بالشبكة؟
10- حدثنا عن شخصك وهواياتك وميولك واسمك ان اردت وعمرك وعن اي شي تعرفنا بك ولك كل الخيارات في الاجوبة مع الود ولنا عودة معك

[يوسف]

مرحبا بالعضو المميز والمبدع دائما

.-*(( الــعــراقـــــــــي ))*-.

احب ان احييك واتمنى لك اسعد الاوقات دائما, وبالتاكيد اخت الاء سبقتني الى بعض الاسئلة ولكن ليس المهم من يطرحها... المهم ان نتعرف على العراقي اكثر

اما اسئلتي

1- ما هو الحب بالنسبة للعراقي؟؟
2- هل يعيش العراقي حالة حب الان؟؟
3- هل تفكر في المستقبل؟؟ وكيف تحب ان يكون؟؟
4- اذا كان لديك فرصة تحقيق ثلاثة اماني, فماذا سوف تحقق؟؟
5- هل ترى ان حياتك سعيدة ام لا؟؟
6- لماذا اخترت اسم ((العراقي)) ليكون اسمك في المنتدى؟؟
7- ماذا يحب العراقي من الحياة؟؟ وماذا يكره؟؟
8- هل العراقي شخصية خجولة؟؟
9- ما هي هوايات العراقي؟؟
10- من هو اقرب شخص الى العراقي في المنتدى؟؟



تحياتي لك

[Rosaleen]

اهـــلا وسهـــلا بالعراقي امنور الصفحة بتواجدك بأفتح قلبك انشالله نكضي اوقات حلوة سوه.

ونبــــــدي بالاسئلة:

1. العراقي ! ليش اخترت هل اسم لعضويتك ؟
2. يا كلية حابب تدخل في حالة انو خيرت من بين الكليات ؟ وليش ؟ بغض النظر عن المعدل.
3. الي اعرفه عنك تحب الموسيقى وتحب تعزف على الآلات اذا ما متوهمة , فسؤالي هو اشتعنيلك الموسيقى وعلى اي الآلات اتحب تعزف؟
4. شنيه هواياتك ؟ وهل كاعد اتمارسها كلها ؟
5. لو الادارة دزتلك طلب الاشراف حتقبل الدعوة ؟
وعلى اي قسم حتشرف , طبعا من المتبقي ؟
6. لمن العراقي اتضيق الدنيا عليه ويحس روحه مخنوكه , شيسوي ؟
7. لو انطيتلك هل عبارات لمنو حتقدمها ؟
انتو اغلى واعز ناسي..........
مستحيل انساك..........
دومك مميز ومبدع .............
يا محلى شخصيتك .............
طيبتك احلى شي بيك ..............
كلش اتعبني وتضوجني ومستحملك .............
ما شفت بجرائتك ..........
تواجدك بحياتي خله الها معنى ...........
اشكرك لكثر احساناتك الي ...........
سامحني ................
ما اجملك من تضحك ..............
8. الحياة عند العراقي بيا لون ؟
لان بالحقيقة كل لون واله معنى وتفسير
فبيا لون اتفسر حياتك ؟ وليش ؟
9. كلمة مشتاق لمنو ادكولها ؟
10. باقة ورد ملونة لمنو تهديها ؟

وفي الختام لك مني ارق سلام

ولنــــــا عودة

[Rosaleen]

طبعا اكو اسئلة مشتركة بيني وبين الشماس يوسف
لان لمن اجيت اكتب الاسئلة مجانت موجودة
بس هو سبقني بالاضافة.
فأذا تحب تكدر تترك الاسئلة المتكررة

تحياتي

[dunia]

اهلا وسهلا بيك العراقي نورت افتح قلبك وجنت متوقعة وشبه اكيدة انو تكون انت التالي بافتح قلبك
احلى تحية الك

[amar adil]

يا هلا ومية هلا بالعراقي الاصيل هواية فرحت من شفت اسمك في موضوع افتح قلبك
اريد اسئلك اسئلة بس الاخوان والاخوات سبقوني بيها ههههههههههه يله مو مشكلة لا اتخاف عليه راح اخترعلك اسئلة وسئلك بيها ههههههههههههه
اتمنالج الموافقية في هذا الاسبوع
تحياتي

[†Butterfly†]

اهلين بالعراقي

الله يساعدك عل اسئلة الصعبة هههههههههه

اكيد فراشة هم عدها اسئلة اصعب من هاي بعد

بس خلي افكر بأصعب اسئلة واسئلك ياها ههههههههههه داتشاقى

انتظر اسئلة فراشة

تحياتي الك يامميز المنتدى

[العراقي]

العراقي
شكرا لك قبولك الدعوى لتواجدك في افتح قلبك
وكم سعداء بوجودك معنا وانشالله حتسعد وتقضي اطيب
الاوقات بيننا
لاداعي لشكر ... انتم تستاهلون الشكر اكثر مني

احب اوجة لك بعض الاسئلة
ان شاء الله نكدر نجاوب عليها

1- العراقي بالنسبة لي شخصا مبهم لا اعرف عنه الكثير هل بأمكانك ان تعرفنا عن نفسك ولو قليلا؟
العراقي شخص يحاول ان يعيش الحياة ويحقق جزء من احلامه

2- العراقي صف لنا شعورك وانت تعتل مكانا مميزا في اروقة شبكتنا وفي قلوب الاعضاء ككل ؟
شعوري هو بأني موجود في شبكة جداً مميزا... ومع اعضاء اكثر تميزاً

3- العراقي هل فيك تخبرنا عن مواضيع ومشاركات يتميز بها رواد شبكتنا وماهي المقومات التي جعلت من شبكتنا مميزة ؟
رواد شبكتنا تتميز بمواضيعها ومشاركاتها التي تتكلم عن حياتنا و واقعنا
وتميز ايضاً بأن المواضيع تدخل الى قلب القارئ ... البسمة والقوى والراحة والايمان


4-العراقي : هل وجودك في شبكتنا لهدف معين فماهو؟ او هل تواجدك مقترن بشبكتنا لانها معنيه بأبناء شعبنا او ماذا؟
لانها معنية بأبناء شعبنا



5-العراقي : ماذا يعني لك تواجد الاخوة كل من يوسف وعمار والبروي ومسعود وكذلك الاخوات روزالين وكارمن وتيريز ودنيا وايمي ؟
كل الاعضاء تواجدهم يعنيلي هواية وافرح من اشوفهم

6- كلمه تريد ايصالها لكل رواد واعضاء شبكتنا فأفصح عنها ؟
ديروا بالكم عل على شبكتنا الحلوة

7- بنظرك مالذي ينقص شبكتنا في الوقت الحاضر وما هي الاليات التي ترغب باحداثها في الشبكة بغية تطويرها اكثر؟
بنظري ماكو أي شي ينقص الشبكة ولا اي احداث لتطوير الشبكة ...
لان التطوير ديجي والحمدلله مع مرور الزمن
بوجود الاعضاء المبدعين

8- هل شعرت من خلال تواجدك معنا بانك في يوما ما لم يعطى حقك الكامل فيالمنتدى لاسيما وانك مميز بتواجدك ومواضيعك,, علاوة على ردودك الراقية ؟
لا ابداً بالعكس تماماً ... لقد اعطيا لي اكثر من حقي


9- ماهي توصياتك لنا من اجل النهوض بالشبكة؟
ان تكون المحبة موجودة بين الاعضاء دائماً

10- حدثنا عن شخصك وهواياتك وميولك واسمك ان اردت وعمرك وعن اي شي تعرفنا بك
ما اعرف اوصف نفسي شوية صعبة هاي
الهوايات مطالعة والموسيقى والرياضة


ولك كل الخيارات في الاجوبة مع الود ولنا عودة معك

شكراً اخت الاء ... جانت كلش حلوة اسئلتك

[العراقي]

مرحبا بالعضو المميز والمبدع دائما

.-*(( الــعــراقـــــــــي ))*-.

مراحب اخ يوسف شكراً لكلامك

احب ان احييك واتمنى لك اسعد الاوقات دائما, وبالتاكيد اخت الاء سبقتني الى بعض الاسئلة ولكن ليس المهم من يطرحها... المهم ان نتعرف على العراقي اكثر
صح كلامك اخ يوسف ...

اما اسئلتي

1- ما هو الحب بالنسبة للعراقي؟؟
الحب قوة حتى نتحمل الحياة الصعبة


2- هل يعيش العراقي حالة حب الان؟؟
اعيش حالة حب مع الحياة في كل لحظة


3- هل تفكر في المستقبل؟؟ وكيف تحب ان يكون؟؟
اكيد افكر بالمستقبل ... واحب ان يكون مثل ما افكر بيه


4- اذا كان لديك فرصة تحقيق ثلاثة اماني, فماذا سوف تحقق؟؟
ان اكون انا كما يريد الرب
وان يعيشوا اهلي بسعادة وراحة
وان نشوف المحبة بين الناس والمساعدة دائماً


5- هل ترى ان حياتك سعيدة ام لا؟؟
بين وبين مرات سعيدة ومرات لا
لكن سعيدة اكثر والحمدلله


6- لماذا اخترت اسم ((العراقي)) ليكون اسمك في المنتدى؟؟
جنت اشوف اسم العراقي في الاخبار مذل فقير مقتول ضعيف
ردت ان يكون اسم العراقي غير ذلك تماماً لانه مضلوم جداً بهذه التسميات
وانه فعلاً غير ذلك



7- ماذا يحب العراقي من الحياة؟؟ وماذا يكره؟؟
العراقي يحب الحب في الحياة ... ويكره الكره


8- هل العراقي شخصية خجولة؟؟
خجول ...


9- ما هي هوايات العراقي؟؟
مطالعة موسيقى رياضة


10- من هو اقرب شخص الى العراقي في المنتدى؟؟

†Butterfly†







تحياتي لك
الــــ تحياتي الك

[العراقي]

اهـــلا وسهـــلا بالعراقي امنور الصفحة بتواجدك بأفتح قلبك انشالله نكضي اوقات حلوة سوه.
ان شاء الله وشكراً لكلامج الحلو

ونبــــــدي بالاسئلة:

1. العراقي ! ليش اخترت هل اسم لعضويتك ؟
جاوبت على هذا السؤال ويا اسئلة الاخ يوسف لكن اضيف
اخترت هذا الاسم لاني عراقي الى الابد


2. يا كلية حابب تدخل في حالة انو خيرت من بين الكليات ؟ وليش ؟ بغض النظر عن المعدل.
جان ببالي ادخل هوايا كليات فكرتاً جانت مو حباً
لكن في الوقت الحالي حبيت المحامات
تأثراً بالمهنة ودراستها
واداب عربي همينة احبها

لكن معدلي يرسلني الى المعاهد




3. الي اعرفه عنك تحب الموسيقى وتحب تعزف على الآلات اذا ما متوهمة , فسؤالي هو اشتعنيلك الموسيقى وعلى اي الآلات اتحب تعزف؟

اي اكيد احب الموسيقى
الموسيقى بالنسبة الي هي الراحة
واحب اعزف على الة البزق
مع العلم بعدني ما اعرف اعزف عليها جيداً
لكن اعتبرها من اعز اصدقائي


4. شنيه هواياتك ؟ وهل كاعد اتمارسها كلها ؟
مطالعة شوية دامارسها
موسيقى هم شوية
الرياضة اكثر شي دامارسه في الوقت الحاضر

5. لو الادارة دزتلك طلب الاشراف حتقبل الدعوة ؟
وعلى اي قسم حتشرف , طبعا من المتبقي ؟
بصراحة مرح اقبل لان احسها مسؤلية
ومرات يصير عندي شغل يخليني ابتعد عن المنتدى لاسابيع او اشهر
فا هذا اول شرط لازم يلتزم بيه المشرف
أو اني غلطان



6. لمن العراقي اتضيق الدنيا عليه ويحس روحه مخنوكه , شيسوي ؟
يروح مكان يكون وحدة بيه
ويحاسب نفسه بهداوة بلي صار

7. لو انطيتلك هل عبارات لمنو حتقدمها ؟
انتو اغلى واعز ناسي امي وابويا
مستحيل انساك لمنتدانا وجميع اعضائه
دومك مميز ومبدع الاخ سبورت مان
يا محلى شخصيتك اخت روزالين
طيبتك احلى شي بيك †Butterfly†
كلش اتعبني وتضوجني ومستحملك مممممممممم ماكو
ما شفت بجرائتك اخ عمار
تواجدك بحياتي خله الها معنى
مممممم اكول منو ؟ بعدين بعدين
شكرك لكثر احساناتك الي اخت لانا
سامحني يارب
ما اجملك من تضحك اخ لينوس واخت دنيا

8. الحياة عند العراقي بيا لون ؟
لان بالحقيقة كل لون واله معنى وتفسير
فبيا لون اتفسر حياتك ؟ وليش ؟
بالون الابيض ... لان كل الناس الي اعرفهم قلوبهم بيضاء ونقية

9. كلمة مشتاق لمنو ادكولها ؟
لاختي العزيزة لانا
مشتاق لكلامها ونصائحها الي

10. باقة ورد ملونة لمنو تهديها ؟
الج اخت روزالين اهدي باقة الورد
لان كلش حبيت اسألتج
وجاوبت عليها من قلبي

وفي الختام لك مني ارق سلام

ولنــــــا عودة


شكراً

[العراقي]

طبعا اكو اسئلة مشتركة بيني وبين الشماس يوسف
لان لمن اجيت اكتب الاسئلة مجانت موجودة
بس هو سبقني بالاضافة.
فأذا تحب تكدر تترك الاسئلة المتكررة

تحياتي



رح خلي الترك للاسئلة الصعبة

عادي إذا تكررت الاسئلة
رح نعتبر لكل سؤال عدد نقاط

تحياتي

[العراقي]

اهلا وسهلا بيك العراقي نورت افتح قلبك وجنت متوقعة وشبه اكيدة انو تكون انت التالي بافتح قلبك

احلى تحية الك
شكراً اخت دنيا منور بيكم
كلش حلو
طلعت تواقعاتج صحيحة



احلى وارق تحية للاخت دنيا

[العراقي]

يا هلا ومية هلا بالعراقي الاصيل هواية فرحت من شفت اسمك في موضوع افتح قلبك

اريد اسئلك اسئلة بس الاخوان والاخوات سبقوني بيها ههههههههههه يله مو مشكلة لا اتخاف عليه راح اخترعلك اسئلة وسئلك بيها ههههههههههههه

اتمنالج الموافقية في هذا الاسبوع

تحياتي


شكراً اخويه عمار ... فرحت اكثر بتواجدك هنا
اي عادي اسئل وإذا تريد كررها عادي
اخترع اسئلة واسئلني وانا انتظرك

شكراً اخ عمار
تحياتي

[العراقي]

اهلين بالعراقي



الله يساعدك عل اسئلة الصعبة هههههههههه



اكيد فراشة هم عدها اسئلة اصعب من هاي بعد



بس خلي افكر بأصعب اسئلة واسئلك ياها ههههههههههه داتشاقى



انتظر اسئلة فراشة



تحياتي الك يامميز المنتدى









اهلين بيج
لا بالعكس كلها الاسئلة حلوة وسهلة
انتظر اسئلتج بفارغ الصبر واتمنى تكون صعبة
بدون شقى اسألي اصعب اسألة

دا انتظر اسئلة فراشة

شكراًُ يا مبدعة المنتدى

[العراقي]

خلصنا قسم الاول من الاسئلة بسلامة
والحمدلله

والان ننتظر القسم الثاني من الاسئلة



واشكر كل من شارك بالاسئلة

[يوسف]

6- لماذا اخترت اسم ((العراقي)) ليكون اسمك في المنتدى؟؟
جنت اشوف اسم العراقي في الاخبار مذل فقير مقتول ضعيف
ردت ان يكون اسم العراقي غير ذلك تماماً لانه مضلوم جداً بهذه التسميات
وانه فعلاً غير ذلك



صحيح العراقي مظلوم على مر العصور بسبب الحروب والكوارث التي مرت عليه.... ولكن العراقي مميز ومبدع على الدوام

مشكور جدا العراقي لاجوبتك الحلوة

[Deacon Leenos]

اهلييييين حبيبي العراقي ب افتح قلبك ...
حاليا ما عندي اسئلة هواية لان صارو هواية هسة مدا تلحك بس اريد اسالك شلون صرت شماس و منو علمك الكلداني او نكول الارامي و تريد تصير قس او لا ؟؟؟ و اشكرك لان اختاريت ضحكتي بين الضحكات الحلوة و الك عندي من نروح نلعب طوبة يوم السبت راح اشبعك ضحك بحيث ما راح تكدر تلعب ..

[†Butterfly†]

نورت افتح قلبك العراقي



شكرا الك العراقي لان ذكرتني اكثر من مرة

وشكرا لاجوبتك الحلوة وانشالله تكون مرتاح بأفتح قلبك





هسا اريدك تجاوب اسئلتي وماكو ترك فدير بالك هههههههههه


1.سمعت البارحة من جنت داروح للدوام بالسيارة بالراديو فد شخص جان ديكول

لايمكن للعراقي ان يعيش خارج العراق ...... فهل هذا المقولة تنطبق على العراقي لو لا؟؟؟



2.منو الاحلى ماضي العراقي لو حاضره وليش؟؟؟


3.الدموع.... الها دور بحياتك ؟؟؟؟


4.تعتقد العراقي محظوظ لو لا ؟؟؟ وليش ؟؟؟


5.اكمل بما تراه انت...


أ-أنا بأمس الحاجة الى.....


ب-تعبتُ من .....


ج-ليتني .....


د-......اتمنى ان اكون مثلك




6.من تحس بالضعف شنو الي يخليك ترجع للقوة مرة ثانية؟؟؟



7.صفة من صفاتك متريد احد يعرفها؟؟؟


8.شنو احساسك هسا بأفتح قلبك؟؟؟

[sportman83]

اهلا وسهلا بالعراقي والله امنور افتح قلبك وفرحانين جدا بوجودك
واشكرك جدا لذكر اسمي صدكني انت الاميز والابدع

وحبيت اسالك اساله متنوعه؟؟؟

شنو رايك بافتح قلبك وفكرتها ؟

هل انت متفائل ان العراق راح يرجع او راح اتكون يوم من الايام منطقة امنه ونشوف الازدهار والعمران ويرجع المحبه بين جميع اطيافه؟

شنو رايك بالمكان الى داتعيش بيه او بالاحرا دهوك؟

ياهم الافلام المفضلة لديك واكثر ممثل اتحبه؟

وياهو برامجك المفضله اذا تابع Tv ؟

انت يافريق اتشجع وتحبه ؟ وليش ؟ اذا مامتوهم وناسي اتحب برشلونا مو اكيد مو مثل عموري اتحب ريال متروك ههههههه


مع سلامي وتحياتي ........

[amar adil]

مساء الخير اخ العراقي شلون الصحة
بالبداية احب اشكرك لان ذاكر اسمي فت موضوع هذا من ذوقك الحلو
قريت بانو ما تخاف من الاسئلة الصعبة لا اتخليني اسئلك ياها هههههههههه
نرجع الى الاسئلة

1 شنو رأيك باعتذار الرجل للمرأة قسم من الرجال يشوفها ذل لو هو احترام للذات ؟؟

2 هل ترى ان الحب الاول ناجح ام فاشل ؟؟

3 شنو رأيك بالغيرة ؟؟ برأيك هل يوجد نسبة غيرة بين الرجل والمرأة وليش ؟؟

4 شنو اكثر شيء يجرحك ؟؟

5 لا اخ سبورت مان انت متوهم ترى العراقي متاكد ريالي شنو رأيك تنضم الى رابطة مشجعي ريال مدريد وانكون ضد رابطة مشجعي نادي فشلونة هههههههه ؟؟

تحياتي الك يا عراقي الوردة

[العراقي]

اهلييييين حبيبي العراقي ب افتح قلبك ...
اهلين بيك شماسنا المبدع لينوس

حاليا ما عندي اسئلة هواية لان صارو هواية هسة مدا تلحك
لا عادي لينوس اسئل شمتريد وشكد متريد

بس اريد اسالك شلون صرت شماس و منو علمك الكلداني او نكول الارامي و تريد تصير قس او لا؟؟؟
من جنا بالتعليم المسيحي كالو رح يفتحون دورة لتعليم الكلداني
والذي جان ديعلمنه بوكتها جان شماس ماهر ... الله يذكره بالخير
فا كثير منا راحوا عالدورة وتعلموا كلش زين
وخلال الدورة جان الشماس يجيب كتب الكنيسة ونقرا عليها
حتى تعلمنه الكلداني كلش زين
وبعدين دخلت دورة شماس فادي حنا ...
اكثر شي تعلمته منا شون اكتب اسمي بالكداني ...
اول درس كان شون نكتب اسامينه
وبعدين شماس اسحق سولاقا ...
وبعدين شماس جورج ...

شماس لينوس من اتخيل نفسي قس افرح
بس بعد ما اعرف إذا رح اصير قس او لا
مخلي هل شي لقدري
حتى إذا ما صرت قس
اتمنى اقرا واعرف الي يعلموه للقس
اي الي ديعلموه بكلية بابل

و اشكرك لان اختاريت ضحكتي بين الضحكات الحلوة و الك عندي من نروحنلعب طوبة يوم السبت راح اشبعك ضحك بحيث ما راح تكدر تلعب ..

ضحكتك تفرح الكل ... حتى الي ما يضحك انت تضحكه
حلو ... رح العب حارس السبت ... لان إذا تضحكني مرح اكدر العب

[العراقي]

نورت افتح قلبك العراقي
منوريه انتم

شكرا الك العراقي لان ذكرتني اكثر من مرة
اكيد لان تستاهلين واكثر

وشكرا لاجوبتك الحلوة وانشالله تكون مرتاح بأفتح قلبك
اكيد مرتاح والحمدلله




هسا اريدك تجاوب اسئلتي وماكو ترك فدير بالك هههههههههه
اوكى رح جاوب وبعد احسن ماكو ترك لان مرح اعرف يا من الاسئلة اترك

1.سمعت البارحة من جنت داروح للدوام بالسيارة بالراديو فد شخص جان ديكول لايمكن للعراقي ان يعيش خارج العراق ...... فهل هذا المقولة تنطبق على العراقي لو لا؟؟؟
تنطبق على العراقي بعضاً ما
لان يوجد خارج بلادي ماهو محتاج اليه بلادي
فا اتمنى لو اكدر ان اخذه واجيبه اله

وحالياً العراقي يكدر ان يعيش خارج بلاده بس بدون راحه وفرحة



2.منو الاحلى ماضي العراقي لو حاضره وليش؟؟؟
اتمنى ان لا يرجع ماضي العراقي ابد
حاضر العراقي يمكن عكس ماضيه
الحمدلله على كلشي

3.الدموع.... الها دور بحياتك ؟؟؟؟
اكيد

4.تعتقد العراقي محظوظ لو لا ؟؟؟ وليش ؟؟؟
العراقي محظوظ جداً ... لان احساسه هيجي ديكول

5.اكمل بما تراه انت...

أ- أنا بأمس الحاجة الى ربي دائماً

ب- تعبتُ من
بعدني بلياقتي بالحياة والحمدلله

ج- ليتني أرضي ربي

د- ابي اتمنى ان اكون مثلك




6.من تحس بالضعف شنو الي يخليك ترجع للقوة مرة ثانية؟؟؟
الصبر


7.صفة من صفاتك متريد احد يعرفها؟؟؟
صفة من صفاتي ممممممممم ما اعرف او ماكو


8.شنو احساسك هسا بأفتح قلبك؟؟؟
احساسي .. بأني بفد اختبار صعب

[العراقي]

اهلا وسهلا بالعراقي والله امنور افتح قلبك وفرحانين جدا بوجودك
واشكرك جدا لذكر اسمي صدكني انت الاميز والابدع



اهلين بيك ... وتستاهل اكثر اكيد






وحبيت اسالك اساله متنوعه؟؟؟



يلا ويا اسئلة مان المتنوعة




شنو رايك بافتح قلبك وفكرتها ؟



كلش حلوة





هل انت متفائل ان العراق راح يرجع او راح اتكون يوم من الايام منطقة امنه ونشوف الازدهار والعمران ويرجع المحبه بين جميع اطيافه؟



اكيد متفائل وجداً متفائل



بس من يصير العراق مثل ما ذكرت مرح يكون بقى بالعراق اكثر من نص العراقيين او اقل



ويمكن الازدهار والعمران رح يجي على ايادي غربة



لان العراقيين الي بيده ان يعمر العراق ويزدهره ديعمر نفسه وبس



بس ان شاء الله رح يرجع العراق ... عـــــراق



لان العراق ما مات







شنو رايك بالمكان الى داتعيش بيه او بالاحرا دهوك؟



دهوك بيتي





ياهم الافلام المفضلة لديك واكثر ممثل اتحبه؟



افلام المرعبة كلش احبه .. وممثلين هوايا بس ما اعرف اساميهم





وياهو برامجك المفضله اذا تابع Tv ؟



ماكو فد شي اتابعه حالياً بالــ TV





انت يافريق اتشجع وتحبه ؟ وليش ؟ اذا مامتوهم وناسي اتحب برشلونا مو اكيد مو مثل عموري اتحب ريال متروك ههههههه



بصراحة اخ سبورت مان جنت احب لعب رونالدو البرازيلي هوايا



فا من جان بالريال جنت مشجع ريال 100%



ومجنت اخلي ولا مباراة تروح مني



بس حالياً وبعد ذهاب رونالدو من الريال مدا اتابع مباريات البرشا ولا الريال
واتمنى ان يفوز الي يستاهل الفوز



ومن زمان ما متابع مباريات نوادي وخاصتاً اسباني



بس يبقى اختياري وتشجيعي لريال اكثر ... اسفيين يا برشلونيين



والنادي الي احبه واشجعه واشوف مباراته دائماً هو نادي روما الايطالي


مع سلامي وتحياتي ........



اشكر اسألتك الحلوة والجميلة

[العراقي]

مساء الخير اخ العراقي شلون الصحة
مساء الخيرات الصحة تمام


بالبداية احب اشكرك لان ذاكر اسمي فت موضوع هذا من ذوقك الحلو
هذا ما انت عليه عمار

قريت بانو ما تخاف من الاسئلة الصعبة لا اتخليني اسئلك ياها هههههههههه
وينها الاسئلة الصعبة اسئل أي شي تعتقد انه صعب يم العراقي

نرجع الى الاسئلة
يلا


1 شنو رأيك باعتذار الرجل للمرأة قسم من الرجال يشوفها ذل لو هو احترام للذات؟؟
اكو شي يستاهل الاعتذار ... إذاً لابد من الاعتذار
الي ديشوف الاعتذار للمرأة ذل رح تكرر اغلاطه

2 هل ترى ان الحب الاول ناجح ام فاشل ؟؟
ارى الحب ناجح عندما يكون قبول الشخص لكل شيء بالي يحبه



3 شنو رأيك بالغيرة ؟؟ برأيك هل يوجد نسبة غيرة بين الرجل والمرأة وليش ؟؟
فكرت بالغيرة من كل النواحي
ورأيي الغيرة هي العمل اكثر
النسبة بين غيرة الرجل والمرأة متفاوته دائماً


4 شنو اكثر شيء يجرحك ؟؟
الخيانة ... والعب بقلوب الناس


5 لا اخ سبورت مان انت متوهم ترى العراقي متاكد ريالي شنو رأيك تنضم الىرابطة مشجعي ريال مدريد وانكون ضد رابطة مشجعي نادي فشلونة هههههههه ؟؟
من زمان ما متابع مباريات الفريقين
وما اعرف أي شي عنهم
اريد فد شي يخليني اشجعهم



تحياتي الك يا عراقي الوردة
شكراً يا الريالي عمار المبدع

[Rosaleen]

عاشت ايدك على اجوبتك الصريحة والحلوة
وبالنسبة للاشراف اكيد مثل ما كلت ينرادله تواصل ومتابعه .
وشكرا على باقة الورد هذا من لطفك وكرمك
وشكرا لانو ذكرت اسمي بالسؤال السابع.

ســـــــــلامي
و
راجعيــــــــن

[يوسف]

تحية طيبة العراقــــي


كيف حالك والاسئلة؟؟؟ مرتاح؟؟

1- ما هو اصعب موقف مررت به؟؟
2- هل ممكن ان تذكر لنا تجربة حلوة في حياتك؟؟
3- لماذا دائما تحاول اخفاء شخصيتك؟؟ مع العلم انت انسان محبوب من الجميع والكل يريد يعرف منو العراقي؟؟
4- كيف عاش العراقي طفلوته؟؟ وكيف توصفها؟؟
5- هل تعتبر الحزن ضروري في الحياة؟؟ وماذا يمكننا ان نتعلم منه؟؟
6- هل تحب ان تسافر الى بلاد المهجر؟؟ ام تحب ان تعيش كل حياتك في العراق؟؟
7- كم محافظة من محافظات العراق زرت؟؟ واي منها اجمل؟؟
8- هل تحب السهر في الليل؟؟ وفي اية ساعة تنام في اغلب الايام؟؟
9- كيف توصف الجيل الحالي من الشباب والشابات؟؟



تحياتي

[العراقي]

تحية طيبة العراقــــي
تحية طيبة اخ يوسف

كيف حالك والاسئلة؟؟؟ مرتاح؟؟
كلش زين ... والحمدلله كلش مرتاح

1- ما هو اصعب موقف مررت به؟؟

صدكني مدا اتذكر



2- هل ممكن ان تذكر لنا تجربة حلوة في حياتك؟؟

قبل كم سنة يمكن قبل 10 سنوات... مركز الكلداني جان سوا امسية

وجانوا محضرين اغاني للامسية

وجنا نحنا فد مجموعة مكونة من ولد وبنات محضرين ومتدربين على اغنية بأسم المركز

غنيناها بوكتها كلش حلوة ... وجانت احلى تجربه الي
لان اول مرة جنت اغني وجانت الكاميرا تصورني
وبالنهاية جان اكو صفقة طويلة من الحاضرين النا
وبعدين استلمنا هداية قيمة





3- لماذا دائما تحاول اخفاء شخصيتك؟؟ مع العلم انت انسان محبوب من الجميع والكل يريد يعرف منو العراقي؟؟
ما اعرف بس اعتقد طبيعتي هيجي ... ويمكن احسن


4- كيف عاش العراقي طفلوته؟؟ وكيف توصفها؟؟
عاش العراقي طفولته 20% فرح 20% عادية 60% حزن
اوصفها بأنها جانت الطفولة قصة حزينة
لكن العراقي الان عكس الطفولة والحمدلله


5- هل تعتبر الحزن ضروري في الحياة؟؟ وماذا يمكننا ان نتعلم منه؟؟
يمكن من حزني بطفولتي هسا دا اغير وارتب واسوي واتعلم شغلاة
مجنت رح اسويها واحاول اتعلمها إذا محسيت بالحزن تجاهه بطفولتي
فا اكيد اعتبر الحزن كلش ضروري لكن بشرط ان نفهمه وبعدين نحاول نعكسه الي شي جميل
نتعلم من الحزن انه اكو فرحة اكيدة وشي جميل بعده


6- هل تحب ان تسافر الى بلاد المهجر؟؟ ام تحب ان تعيش كل حياتك في العراق؟؟
كسفرة احب ان اسافر الي كثير من البلدان بس كعيشى ماكو غير مكان الي ولد بيه ان اعيش به ... وين رح اشوف مثل بلادي وناسها وين



7- كم محافظة من محافظات العراق زرت؟؟ واي منها اجمل؟؟
اربيل وموصل فقط ... اربيل اجمل لانها شقيقة مدينتي


8- هل تحب السهر في الليل؟؟ وفي اية ساعة تنام في اغلب الايام؟؟
ما احب السهر ابد بس مرات اسهر هوايا
انام اغلب الاحيان بين ساعة 12:00 و 1:00
لحمدلله ما سألتني يا ساعة تكعد
لان جنت رح اكولك ساعة 11:00 او 12:00 اكعد
وجنت رح تكول حــــــــــيل ... هوايا تنام ...
مو؟



9- كيف توصف الجيل الحالي من الشباب والشابات؟؟
الجيل الحالي يفكر كثيراً ويعمل قليلاً


تحياتي
تحياتي

[العراقي]

عاشت ايدك على اجوبتك الصريحة والحلوة
وبالنسبة للاشراف اكيد مثل ما كلت ينرادله تواصل ومتابعه .
وشكرا على باقة الورد هذا من لطفك وكرمك
وشكرا لانو ذكرت اسمي بالسؤال السابع.

ســـــــــلامي
و
راجعيــــــــن




شكراً اخت روزالين

تستاهلين اكثر من باقة الورد
والسؤال السابع خليت اسمج بيه لان رهمت عليج الكلمات كلش

سلامي
ومنتظر الرجوع

[sportman83]

مشكور جدا اخي العراقي الغالي على اجوبتك الجميلة
يعني طلعت مشجع روما والملك توتي ابصراحه فريق قوي بس ديري بالكم من مان يونايتد ههههههههه
وطلعنا اثنيناتنا متوهمين عموري هههههههههههه

سلامي وتحياتي للعراقي
وراجعين ان شاءالله

[amar adil]

صباح الخير العراقي شلون الصحة
مشكور عالاجوبة الرائعة والجميلة
اخ سبورت .. العراقي كال يحب فريق ريال مو برشلونة ههههههههههههه
نرجع الى الاسئلة
1 ما هي امنيتك ؟؟
2 ما هي رؤيتك بالحياة ؟؟
3 ما هي رسالتك في هذه الحياة ولمن توجهها ؟؟
4 ما هي حكمتك بالحياة ؟؟
5 ما الذي يشعرك اكثر قدر من الحرج ؟؟
تحياتي لك يا عراقي اصيل

[العراقي]

مشكور جدا اخي العراقي الغالي على اجوبتك الجميلة
يعني طلعت مشجع روما والملك توتي ابصراحه فريق قوي بس ديري بالكم من مان يونايتد ههههههههه
وطلعنا اثنيناتنا متوهمين عموري هههههههههههه

سلامي وتحياتي للعراقي
وراجعين ان شاءالله




شكراً الك سبورت مان
نادي روما حتى من يخسر يمتع جماهيره
وخاصتاً توتي الجريء والقوي جداً



سلامي وتحياتي سبورت مان
منتظرينك ان شاء الله

[carmen]

مرحبا اخي العراقي شلونك؟
اتمنى اتكون بخير

واسئلتي هي كالاتي:

1- من تحجي ويا شخص لاول مرة شنو اكثر شي يلفتك بيه او تلاحظه؟
2- شنو اكثر صفة بيك تعتبرها السبب وراء قوة شخصيتك؟
3- يكولون وراء كل رجل عظيم امرأة ...مقتنع بهاي المقولة؟وليش؟
4- بشنو اتحس من تقرا مزمور 23؟

وراجعيييييييين

[العراقي]

صباح الخير العراقي شلون الصحة
صباح الخيرات عمار كلش زينة الصحة والحمدلله

مشكور عالاجوبة الرائعة والجميلة
شكراً الك عمار

اخ سبورت .. العراقي كال يحب فريق ريال مو برشلونة ههههههههههههه
اي عمار جنت احب ريال بس هسا احب ريال وبرشا نفس الحب

نرجع الى الاسئلة
يلا

1 ما هي امنيتك ؟؟
ان اكون مرتاح بدراستي

2 ما هي رؤيتك بالحياة ؟؟
مليئه بالمصاعب والمشقات وفيها اشياء جميله وتحتاج الي صبر
الحياة مدرسة نتعلم منها الكثير



3 ما هي رسالتك في هذه الحياة ولمن توجهها ؟؟
اتمنى لكل انسان ان يكون راضي عن نفسه دائماً
ومقتنع بها

4 ما هي حكمتك بالحياة ؟؟
الصبر في كل شيء
وهو اساس الحياة السعيدة

5 ما الذي يشعرك اكثر قدر من الحرج ؟؟
هوايا شغلاة ..


تحياتي لك يا عراقي اصيل
تحياتي الك يا عمار المبدع

[†Butterfly†]

مساء الخير العراقي

شلونك انشالله بخير

الله يساعدك عل اسئلة ومشكور لاجوبتك الحلوة

عندي كم سوال

شخصية اثرت بحياتك وغيرت حياتك للاحسن؟؟



اي صفة بين هذه الصفات تنطبق عليك:
كتوم :w:w:w:ww
صريح
حزين :sa:dv
مرح :vv:er
رومانسي




لو رجَعَ الزمانُ للوراء ،، فهل ستسلك نفس سير حياتك الحالية ؟؟


العراقي على شنو ندمان؟؟؟


تحياتي الك العراقي

[Rosaleen]

مســـاء الــــورد
مرحبا اخي شلونك انشالله تمام وفوك النخل...
رجعنالـــــــــك:

1. مدى قوة علاقتك بالله شلون توصفها بالماضي قياسا بالوقت الحاضر ؟
2. لو عرفت انو باجر اخر يوم بحياتك ( طبعا الك العمر كله والصحة والعافية ياربي ..بس دنفرض)
اول شي ممكن ان تسوي شنوه ؟ او شلون حتكضيها هل 24 ساعة ؟
3. ذكرت انو حضرتك شخص خجول , ياترى فقط من اول لقاء ويه اشخاص تتعرف عليهم لاول مرة او ويه اشخاص معينه او ويه الكل ؟
4. تذكار اي قديس اتحبه اكثر ؟
يعني بالسورث " شيرا " ...وليش؟
يعني شنو الي يمزه عن غيره؟
5. حبك وحنانك وطيبتك تظهرها من خلال :
اعمالك او اقوالك او بغير اسلوب؟
6. لمنو العراقي يفتح كلبه ؟
7. شلونك بالمطبخ ؟ تعرف ادبر اموراتك بوحدك بالمطبخ اذا الوالدة او الاخت ما موجودات بالبيت ؟
لا دكولي اروح عل دكان او المطعم , خلينا بمطبخ البيت.هههههههههه
8. منو همه المطربين والمطربات المفضلين عندك؟
وشنيه اقرب اغانهم الك؟
9. اعتمادا على معدلك احتمال تدخل لو كلية تربية اساس لو معهد
(اذا مو اعلى شويه..يعني هذا الشي يعتمد على المعدلات ككل)
بس أذا دخلت تربية اساس يا قسم اتحب تختار؟وليش
واذا دخلت معهد وين حابب تتوجه على اي قسم؟وهم ليش
10. الصبر يعتبر احد مفاتيح النجاح , لمن العراقي يصبر ويصبر من دون اي امل ... ولاحضت انو بديت تنزعج وصبرك بده ينفذ , شتسوي ؟ وما تسأل نفسك ليش كل هذا الصبر ؟ وتعرف سبب طول هذا الوقت ؟

تحياتي لحضرتك واتمنى تكون الاسئلة مريحة وخفيفة عليك
وانشالله راجعــــــــين

[العراقي]

مرحبا اخي العراقي شلونك؟
اتمنى اتكون بخير
لحمدلله بخير



واسئلتي هي كالاتي:
1-من تحجي ويا شخص لاول مرة شنو اكثر شي يلفتك بيه او تلاحظه؟
طريقة كلامه وشخصيته

2- شنو اكثر صفة بيك تعتبرها السبب وراء قوة شخصيتك؟
القناعة

3- يكولون وراء كل رجل عظيم امرأة ...مقتنع بهاي المقولة؟وليش؟
مقتنع اكيد ... لان للرجل مميزاة كثيرة
والمرأة هي الوحيدة التي تظهرها له


4- بشنو اتحس من تقرا مزمور 23؟
احس بأن الرب اعطانا الكثير وانه دائماً معنا في كل خطوة نسيرها

وراجعيييييييين

ونحنا موجودين

[العراقي]

مساء الخيرالعراقي
مساء الخيرات


شلونك انشالله بخير
بخير والحمدلله

الله يساعدك عل اسئلة ومشكور لاجوبتك الحلوة
حلوة الاسئلة ... ولا داعي للشكر

عندي كم سوال
يلا


شخصية اثرت بحياتك وغيرت حياتك للاحسن؟؟
هوايا شخصيات اثرت بيه



اي صفة بين هذه الصفات تنطبق عليك:

رح احجي عن كل الصفات لان كلهم تنطق عليه تقريباً
كتوم مع من يلعب بالكلام
صريح مع الكتوم
حزين مع الحزن
مرح مع الفرح
رومانسي هاي ما اعرف




لو رجَعَ الزمانُ للوراء ،، فهل ستسلك نفس سير حياتك الحالية ؟؟
اكيد … لان سير الي سرت بيه علمني الكثير


العراقي على شنو ندمان؟؟؟
ضيعت سنوات كثيرة من الدراسة
ندمان على ضياعها




تحياتي الك العراقي
تحياتي الج

[العراقي]

مســـاء الــــورد
مساء الورود


مرحبا اخي شلونك انشالله تمام وفوك النخل...
مراحب .. تمام لحمدلله



رجعنالـــــــــك:
يا هلا





1.مدى قوة علاقتك بالله شلون توصفها بالماضي قياسا بالوقت الحاضر ؟
اصبحت علاقتي بالله قوية اكثر من الماضي



2. لو عرفت انو باجر اخر يوم بحياتك ( طبعا الك العمر كله والصحة والعافية ياربي ..بس دنفرض)
اول شي ممكن ان تسوي شنوه ؟ او شلون حتكضيها هل 24 ساعة ؟

حلو الافتراض ... بس مدا اكدر افكر بهيجي شي
كلش صعب


3. ذكرت انو حضرتك شخص خجول , ياترى فقط من اول لقاء ويه اشخاص تتعرف عليهم لاول مرة او ويه اشخاص معينه او ويه الكل ؟
ويا الكل خجول ولو مرات تظهر بيه علامات الجرئة
لكن سرعان ما تختفي وارجع على طبيعتي الاولى

4. تذكار اي قديس اتحبه اكثر ؟
يعني بالسورث " شيرا " ...وليش؟
يعني شنو الي يمزه عن غيره؟

مار ايث الاها
لان من اصلي واطلب منه احس بأرتياح
وهو اقرب قديس في حياتي


5. حبك وحنانك وطيبتك تظهرها من خلال :
اعمالك او اقوالك او بغير اسلوب؟
حسب لشخص الي محتاج الي
سوائاً اعمال ام اقوام
احاول اساعد غيري




6. لمنو العراقي يفتح كلبه ؟
يمكن صاير بهل زمن صعب الواحد يفتح كلبه
لان من تفتح كلبك لشخص يستخدمة كاسلاح ضدك

بس اكو ناس نرتاح من نفتح كلبنا الهم
وصعب هوايا حتى تشوف هيجي ناس



7. شلونك بالمطبخ ؟ تعرف ادبر اموراتك بوحدك بالمطبخ اذا الوالدة او الاخت ما موجودات بالبيت ؟
لا دكولي اروح عل دكان او المطعم , خلينا بمطبخ البيت.هههههههههه

أي تعلمت ادبر اموري بالمطبخ كلش
بس ضجت هوايا من المطبخ فا من تكون امي واختي مو بالبيت
ما ادخل المطبخ ابد .... وابقى جوعان


8. منو همه المطربين والمطربات المفضلين عندك؟
وشنيه اقرب اغانهم الك؟
كاظم ساهر ...... اغنية كثر الحديث
مايا نصري ........ اغنية شوفيها لو
سامو زين ....... ميلي يا حلوة ميلي




9. اعتمادا على معدلك احتمال تدخل لو كلية تربية اساس لو معهد
(اذا مو اعلى شويه..يعني هذا الشي يعتمد على المعدلات ككل)
بس أذا دخلت تربية اساس يا قسم اتحب تختار؟وليش
واذا دخلت معهد وين حابب تتوجه على اي قسم؟وهم ليش
صدكي منج دا اعرف هاي المعلومات ...
طبعاً بعدني ما مقرر




10. الصبر يعتبر احد مفاتيح النجاح , لمن العراقي يصبر ويصبر من دون اي امل ... ولاحضت انو بديت تنزعج وصبرك بده ينفذ , شتسوي ؟ وما تسأل نفسك ليش كلهذا الصبر ؟ وتعرف سبب طول هذا الوقت ؟
بعد ان ينفذ صبري وبعد ان اكون قد سألت نفسي
اجاوب واكول سبب الي صار
بأنه ما كان عندي وعي وفهم للشي الي صبرت علموده كل هذه المدة
مرات الصبر مع الامل يتحول الى يأس ... ومن يصير هيجي شي

ينرادلنا القناعة والايمان




تحياتي لحضرتك واتمنى تكون الاسئلة مريحة وخفيفة عليك
وانشالله راجعــــــــين
تحياتي الج ... والاسئلة حلوة اكيد ومريحة

[يوسف]

- هل تعتبر الحزن ضروري في الحياة؟؟ وماذا يمكننا ان نتعلم منه؟؟
يمكن من حزني بطفولتي هسا دا اغير وارتب واسوي واتعلم شغلاة
مجنت رح اسويها واحاول اتعلمها إذا محسيت بالحزن تجاهه بطفولتي
فا اكيد اعتبر الحزن كلش ضروري لكن بشرط ان نفهمه وبعدين نحاول نعكسه الي شي جميل
نتعلم من الحزن انه اكو فرحة اكيدة وشي جميل بعده




اجابة كلش حلوة واعجبتني كثير
فعلا الحزن ضروري بس بشرط ان نفهمه ونحاول نستفاد منه ومن التجربة التي مررنا بها


- هل تحب السهر في الليل؟؟ وفي اية ساعة تنام في اغلب الايام؟؟
ما احب السهر ابد بس مرات اسهر هوايا
انام اغلب الاحيان بين ساعة 12:00 و 1:00
لحمدلله ما سألتني يا ساعة تكعد
لان جنت رح اكولك ساعة 11:00 او 12:00 اكعد
وجنت رح تكول حــــــــــيل ... هوايا تنام ...
مو؟


هههههههههه كان السؤال ببالي بس ما سألته.... فعلا هواية تنام... لا تنسى النوم هو اضاعة الحياة فمن الافضل ان تنام بحس الساعات التي ينصح بها فقط

[dunia]

http://files.fatakat.com/2010/4/1272489483.gif

هاي العراقي شونك ؟
اتمنى تكون بخير وفرح ومرح دائما يارب
بعيد كل البعد عن الحزن لان اصلا ما يلوكلك غير الابتسامة الي مالازم تختفي من وجهك الحلو
احب كلش هوايا اسئلك اسئلة بس راح اختصرها حتى لاتمل بالاجابات
ههههههههههههههههههههه
::(::(::(::(
وقبل ما انسى شكرا لان وصفتني بالضحك وهم راح ابقى اضحكك كلما نلتقي
:vv:er:vv:er:vv:er:vv:er
:wo:wo::wo:wo:
وطبعا كلش حلو افتح قلبك وياك لان انت كلش عفوي وصريح بالاجابات وهذا شي اكثر من رائع لان انا ما احب المثاليات وانت بالحقيقة نفس الشي مثل ما حجيت بافتح قلبك ومني الك احلى ورد لهاي الصراحة المطلقة بالاجابات
http://3deeel.com/vb/mwaextraedit4/extra/66.gif
وهسا نرجع لافتح قلبك
::(::(::(

1. تهتم كثيرا برأي الاخرين تجاهك؟
2. أتشعر أحياناً بأنك مذنب دون أن تعرف لماذا بالضبط ؟
3.أتؤمن بالقضاء والقدر ؟
4.اكتب 3 صفات للاعضاء المقربين لك جدا بالمنتدى ؟
5.هل لحشمة الملابس دور في احترام الفتاة ام انها قناع زائف لدى بعض البنات...؟؟؟
6.من اول قلم لفت انتباهك بالمنتدى وحسيت انو هذا مميز بالفعل؟
7. ماهي حكمتك بالحياة؟ ولماذا؟
8.اكثر شخص تبوح لو باسرارك الخاصة؟
9.اكثر اقسام تحب تتصفحها بالمنتدى ؟
10. بماذا تفكر بهذه اللحظة؟

احلى تحية للميز والمبدع دائما العراقي
:::)tg:::)tg:::)tg
http://imgcash3.imageshack.us/Himg689/scaled.php?server=689&filename=0gooddaypinkrose.gif&xsize=640&ysize=480

[العراقي]

هاي العراقي شونك ؟
اتمنى تكون بخير وفرح ومرح دائما يارب
لحمدلله بخير واحسن من هيجي ماكو



بعيد كل ابعد عن الحزن لان اصلا ما يلوكلك غير الابتسامة الي مالازم تختفي من وجهك الحلو
شكراً اخت دنيا والحمدلله الابتسامة موجودة عندي حتى بحزني
فلاتخافي عليه من هاي الناحية



احب كلش هوايا اسئلك اسئلة بس راح اختصرها حتى لاتمل بالاجابات
ههههههههههههههههههههه
لابالعكس مرح أمل
اصلاً رح أمل من قلة الاسئلة





وقبل ما انسى شكرا لان وصفتني بالضحك وهم راح ابقى اضحكك كلما نلتقي
الابتسامة صفة مميزة بيج
واتمنى لو دائماً وبكل حياتج تكون ابتساماتج موجودة وما تختفي ابد







وطبعا كلش حلو افتح قلبك وياك لان انت كلش عفوي وصريح بالاجابات وهذا شياكثر من رائع لان انا ما احب المثاليات وانت بالحقيقة نفس الشي مثل ماحجيت بافتح قلبك ومني الك احلى ورد لهاي الصراحة المطلقة بالاجابات
صح كلامج ... وبالمثاليات مرح استفاد شي غير الكذب على نفسي قبل غيري والصراحة احلى شي
وشكراً على الورد



وهسا نرجع لافتح قلبك
يلا



1. تهتم كثيرا برأي الاخرين تجاهك؟
لو اهتم برأي الاخرين بيه لبقيت في مكاني
فلا اهتم كثيراً لرأي الاخرين بيه

2.أتشعر أحياناً بأنك مذنب دون أن تعرف لماذا بالضبط ؟
من اشعر بالذنب تجاه شيء ارجع الى بدايته لمعرفة كل خطوات الي سرت بيها واعرف السبب بالضبط




3.أتؤمن بالقضاء والقدر ؟
من يصير شي ومايكون عنده تفسير
اؤمن بالقضاء والقدر





4.اكتب 3 صفات للاعضاء المقربين لك جدا بالمنتدى ؟
دنيا ... مرحة ، حبابة ، مبدعة
لانا ... حبابة ، طيبة ، هادئة
الفراشة... مميزة ، مؤمنه ، واقعية
روزالين ... شخصية قوية ، جريئة ، مناقشة بارعة
يوسف ... نصوح ، مثقف ، مبدع
سبورت مان ... راقي × راقي × راقي






5.هل لحشمة الملابس دور في احترام الفتاة ام انها قناع زائف لدى بعض البنات...؟؟؟
برأيي هو قناع زائف لبعض البنات
الكلام والتصرفات والافعال لهما دور في احترام الفتاة
قي هذه الصفات الفتاة تجبر الاخرين على احترامها


6.من اول قلملفت انتباهك بالمنتدى وحسيت انو هذا مميز بالفعل؟
صدكي اخت دنيا طولت هوايا وانا افكر بكل الاعضاء وابداعاتهمومميزاتهم
وشفت الكل اله مميزاة وابداعات حلوة



7. ماهي حكمتك بالحياة؟ ولماذا؟
حالياً حكمتي بالحياة هي

الصبر في كل شيء
لانها اساس الحياة السعيدة





8.اكثر شخص تبوح له باسرارك الخاصة؟
دفتري



9.اكثر اقسام تحب تتصفحهابالمنتدى ؟
الثقافي العام ...
خواطر شعرية ....
القصص والعبر....




10. بماذا تفكر بهذه اللحظة؟
افكر ... بماذا افكر
أي افكر بسؤالج



احلى تحية للميز والمبدع دائما العراقي
احلى تحية للي هي اميز وابدع دائماً
دنيا

[amar adil]

صباح الخير العراقي شلون الصحة
مشكور عالاجابات الحلوة والممتعة
نرجع الى الاسئلة
1 هل فكرت فت يوم ان تغير اسمك بالمنتدى ؟؟
2 شنو اكثر شيء يجذب العراقي بالفتاة ؟؟
3 مواصفات شريكة الحياة شنو هي بالنسبة للعراقي ؟؟
4 العراقي .. هل يتاثر ويبكي بسهولة ؟؟ ما هو اكثر موقف ابكى العراقي ؟؟
5 لو خيروك بين حبيبتك واعز صديق ؟؟ منو راح تختار؟؟ ولماذا ؟؟
6 شنو هي ردة فعل العراقي عندما تقول لك حبيبتك (احبك نعم اتزوجك لا )؟؟
7 لو تفاجئت بخيانة شخص عزيز عليك .. ما هي ردة فعل العراقي ؟؟ وكيف تتصرف مع هذه الخيانة ؟؟ وماذا تقول لهذا الشخص؟؟
هذا الاسئلة سئلتها على طلبك لان انت كلت اسئلو اسئلة صعبة ويا سؤال يخطر في بالكم هههههههههههههه
اتمنى ان تكون الاسئلة غير محرجة
تحياتي الك ي عراقي اصيل

[dunia]

http://imgcash5.imageshack.us/Himg301/scaled.php?server=301&filename=00e5e6b4d3dbb17a6fd1d59.jpg&xsize=640&ysize=480


شكرا لاجاباتك الحلوة العراقي شكرا لان ذكرتني ووصفتني بهذا الوصف الحلو.. هذا بس من ذوقك وحسك الرفيع بيه وببقية الاعضاء الحلوة
وهسا نرجع لثاني وجبة من الاسئلة بما انو خلت الساحة اليه
هههههههههههههههههههه
::(::(::(

1. شئ طالما تمنيته ولم يتحقق ؟
2.هل صادقت يوماشخص وصار صديقك بعدين تندمت على صداقته؟
3. اذا فد يوم حبيت انسانة من كل قلبك واعطيتها كلشي تملكا بالحياه وعرفت هي هم تحبك بس ماتحس بيك ابدا شراح تسوي؟
4.في حالة اتزوجت وعرفت زوجتك جاية تخونك شنو راح يكون موقفك؟
5.شنو رأيك بمجتمعنا الحالي بدهوك بصفة خاصة وشتحب بيهم وشتكره بيهم؟

6.من برأيك :-

- انشط عضو بالمنتدى؟
- انشط مشرف بالمنتدى؟



- عضو تعجبك مواضيعه؟
- مشرف تعجبك مواضيعه؟

- عضو تعجبك ردوده؟
- مشرف تعجبك ردوده؟

- ماذا تطلب أو تتمنى من الاعضاء؟
- ماذا تطلب او تتمنى من المشرفين؟

- عضو مرشح للاشراف ويستحق الاشراف؟


- هل لاحظت تغير بعض الاعضاء بعد الإشراف ؟ ( بصورة سلبية أم إيجابية )


7. من هم الأعضاء الذين تفتقدهم ، أو تشعر بغيابهم ؟

8. لمن تهدي هذه الورود :-

وردة بيضاء
وردة صفراء
وردة حمراء
وردة وردية
وردة بنفسجية

9. عرف الحب بمفهومك الشخصي؟
وشنو مواصفات الفتاه الي تحلم بيها؟؟

10.فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم؟
وبس
::oh(:::)tg::oh(
::(::(
::(
واجمل تحية معطرة بعطر الورود الك يا العراقي
واحلى عراقي اكييييييييييييييد
واتمنى تكون الاسئلة حلوة وسهلة
و
تحياتي

[lana85]

مرحبا العراقي
شلونك؟؟؟؟؟

منو هو اقرب شخص الك بالعائلة؟؟؟؟
اذا جتيلك فرصة للسياحة يا دولة تختار؟؟؟؟

شنو هي الاية الي تكررها وتحبها؟؟؟؟

مثل انت مقتنع بيه ؟؟؟؟



اتمنى ان تكون الاسئلة خفيفة وتعجبك
تحياتيييييييييييييييييييييييييييي

[Rosaleen]

بصراحة وبلا مجاملة اجاباتك حلوة وصريحة ودتبين من خلالها طبيعة شخصيتك ومدى وعيك وفهمك للامور.
مشكور جدا لوصفك الجميل قد يكون اكثر مما استحقه
بس هذا من لطفك وحسن اخلاقك وتواضعك.

تحياتي للعراقي

[العراقي]

صباح الخير العراقي شلون الصحة
صباح الخيرات … لحمدلله الصحة كلش زينة


مشكور عالاجابات الحلوة والممتعة
الشكر الكم ولاسئلتكم الاحلى


نرجع الى الاسئلة
يلا


1 هل فكرت فت يوم ان تغير اسمك بالمنتدى ؟؟
مرة فكرت اضيف فد شي ويا اسم العراقي
لكن اغير اسم العراقي كله ابداً ما فكرت بيها


2 شنو اكثر شيء يجذب العراقي بالفتاة ؟؟
ثقافتها بالحياة وفهمها لها


3 مواصفات شريكة الحياة شنو هي بالنسبة للعراقي ؟؟
ان تكون شريكة حياتي فعلاً




4 العراقي .. هل يتاثر ويبكي بسهولة ؟؟ ما هو اكثر موقف ابكى العراقي ؟؟
العراقي ما يبكي بسهولة بس مرات الدموع تنزل
وصدك عمار مدا اتذكر موقف بكيت بيه




5 لو خيروك بين حبيبتك واعز صديق ؟؟ منو راح تختار؟؟ ولماذا ؟؟
اختار الحبيبة ... لان الحبيبة هي اعز صديق





6 شنو هي ردة فعل العراقي عندما تقول لك حبيبتك (احبك نعم اتزوجك لا )؟؟
عادي ... مرات الحب يجي وبالزواج يختفي




7 لو تفاجئت بخيانة شخص عزيز عليك .. ما هي ردة فعل العراقي ؟؟
وكيف تتصرف مع هذه الخيانة ؟؟ وماذا تقول لهذا الشخص؟؟
اروح اواجه الشخص وافهم سبب الخيانة
وبعدين لكل حادث حديث




هذا الاسئلة سئلتها على طلبك لان انت كلت اسئلو اسئلة صعبة ويا سؤال يخطر في بالكم هههههههههههههه
صدك عمار بعدها الاسئلة سهلة ومدا اشوف صعوبة بالاجابة عليها


اتمنى ان تكون الاسئلة غير محرجة
الاسئلة حلوة وجميلة وغير محرجة




تحياتي الك ي عراقي اصيل
تحياتي الك يا عمار المبدع

[العراقي]

شكرا لاجاباتك الحلوة العراقي شكرا لان ذكرتني ووصفتني بهذا الوصف الحلو.. هذا بس من ذوقك وحسك الرفيع بيه وببقية الاعضاء الحلوة
لاداعي للشكر دنيا ... تساهلين اكثر من ذاك الوصف


وهسا نرجع لثاني وجبة من الاسئلة بما انو خلت الساحة اليه
هههههههههههههههههههه
يلا نبدأ مع وجبة الثانية ...




1. شئ طالما تمنيته ولم يتحقق ؟
اكو هوايا شغلاة اتمناها ... وبعد ما فات الاوان لتحقيقها


2.هل صادقت يوما شخص وصار صديقك بعدين تندمت على صداقته؟
لا ابداً ... بس مرات تصرفات بعض اصدقاء ما تعجبني
بس ابد مو نادم على صداقتهم


3. اذا فد يوم حبيت انسانة من كل قلبك واعطيتها كلشي تملكا بالحياه وعرفت هي هم تحبك بس ماتحس بيك ابدا شراح تسوي؟
مو مهم هي تحس بيه المهم انا احس بيها


4.في حالة اتزوجت وعرفت زوجتك جاية تخونك شنو راح يكون موقفك؟
رح حاول اعرف سبب خيانتها الي لان يمكن اكون انا السبب ومقصروياها بالعطف و الحنان
ولو مجنت اني مقصر وياها بهالحالة ما اعرف شرح اسوي



5.شنو رأيك بمجتمعنا الحالي بدهوك بصفة خاصة وشتحب بيهم وشتكره بيهم؟
قبل مجتمعنا كانوا ينتظرون الاعياد حتى يروحون يم ناس يحبوهم وكانوا يفرحون من واحد يجي يمهم ,
حالياً صار مجتمعنا يشوف العيد بأنه ماكو دوام وعمل وتعب ورح يرتاحون شويه
ومن يجي واحد يعيدهم ... يكولون أوهووووووووووووو
وهذا دليل عدم وجود الحب والتفاهم بين مجتمعنا الحالي
احب بيهم ماضيهم
وبالحاضر ما اكول اكره هالشي بيهم بس ما احب الي ديعيشوه مجتمعنا هسه



6.من برأيك :-

- انشط عضو بالمنتدى؟
lolo_82 ، carmen

- انشط مشرف بالمنتدى؟
دنيا ، روزالين



- عضو تعجبك مواضيعه؟
eptisam alhommy
wasan Audeesh
(http://forum.iraqchurch.com/member.php?u=718)
- مشرف تعجبك مواضيعه؟
جولي ، الاء حامد ، سبورت مان


- عضو تعجبك ردوده؟
christianiraqi

- مشرف تعجبك ردوده؟

تيريز ... الوني ... dany_wasfi




- ماذا تطلب أو تتمنى من الاعضاء؟
الاستمرار والاستفادة

- ماذا تطلب او تتمنى من المشرفين؟
تطوير وبناء المنتدى اكثر واكثر


- عضو مرشح للاشراف ويستحق الاشراف؟
carmen


-هل لاحظت تغير بعض الاعضاء بعد الإشراف ؟ ( بصورة سلبية أم إيجابية )
أي اكيد لاحظت ومنهم سلبية ومنهم ايجابية
والحمدلله الايجابية اكثر


7. من هم الأعضاء الذين تفتقدهم ، أو تشعر بغيابهم ؟
الذين يثبتون تواجدهم


8. لمن تهدي هذه الورود :-
وردة بيضاء
وردة صفراء
وردة حمراء
وردة وردية
وردة بنفسجية
اجمع كل هذه الورود واسويهم باقة ورد حلوة واهديها لأمي العزيزة لان قرب ذكرى يوم ميلادها


9. عرف الحب بمفهومك الشخصي؟
الحب هو شموع تضوي طريق قلبنا المظلم





وشنو مواصفات الفتاه الي تحلم بيها؟؟
ما مخلي ببالي أي مواصفات




10.فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم؟
وبس
مرات عقلي ومرات قلبي
والعقل له الاسبقية



واجمل تحية معطرة بعطر الورود الك يا العراقي
واحلى عراقي اكييييييييييييييد
واتمنى تكون الاسئلة حلوة وسهلة
و
تحياتي
اروع وارقى واجمل تحية لدنيا المبدعة
والاسئلة حلوة وسهلة
وتحياتي

[العراقي]

مرحبا العراقي
شلونك؟؟؟؟؟
اروع اخت واروع لانا
لحمدلله بخير
نورتي الصفحة

منو هو اقرب شخص الك بالعائلة؟؟؟؟
الكل مقربين اليه ولكن اخت لانا كانت اكثر شي
وعالأساس ما تعرفين ...


اذا جتيلك فرصة للسياحة يا دولة تختار؟؟؟؟
مصر
لان اهل مصر ايمانهم قوي


شنو هي الاية الي تكررها وتحبها؟؟؟؟
الرب معين لي فلا أخاف ... ماذا يصنع في الانسان



مثل انت مقتنع بيه ؟؟؟؟
تواضـــع عنـد الـنـصر، وإبتسم عند الـهـزيــــمـة



اتمنى ان تكون الاسئلة خفيفة وتعجبك
تحياتيييييييييييييييييييييييييييي
اسئلتج حلوة وخفيفة وعجبتني اكيد
تحياتي
لاروع اخت بالكون

[العراقي]

بصراحة وبلا مجاملة اجاباتك حلوة وصريحة ودتبين من خلالها طبيعة شخصيتك ومدى وعيك وفهمك للامور.
مشكور جدا لوصفك الجميل قد يكون اكثر مما استحقه
بس هذا من لطفك وحسن اخلاقك وتواضعك.

تحياتي للعراقي




شكراً اخت روزالين
واكيد تساهلين هذا الوصف

تحياتي الج

[يوسف]

مرحبا بالعراقـــــي


عدنا معكم يلا حضر نفسك


1- كيف ترى حياتك الان وقبل سنة واحدة؟؟ هل هناك فرق؟؟ وكيف هو ذلك الفرق؟؟
2- عندما تتعصب ماذا تفعل؟؟
3- عندما تتألم ماذا تفعل؟؟ والى من تشكي همك؟؟
4- هل هناك اسرار يخفيها العراقي عن الجميع؟؟ ويحفظها لنفسه فقط؟؟
5- هل هناك شخص تبوح له بسرك؟؟
6- لو اجبروك على قتل شخص واحد في هذا العالم, من سوف تختار؟؟ وهذا الامر اجباري واذا لم تختار سوف يموت كل سكان الارض ولا يمكن ان تختار نفسك.
7- برأيك ما هو العمر المناسب للزواج؟؟ سواء للرجل او للمرأة؟؟
8- في اي شئ تفكر اكثر؟؟ بالزواج او في الكهنوت؟؟



تحياتي للعراقي

[Rosaleen]

مساء الخير عليك وعلى كل حبايبنا بالمنتدى

قبل كلشي احب ابارك عيد ميلاد والدتك يجوز هل تهنئة مُبكر عليها بس مادام ذكرت حضرتك هل شي
فحابه اتمنالها الصحة والعافية وطولة العمر وراحة البال
وانا كلش احبها للوالدة واحترمها لانها طيبة
وسخية والي بكلبها على لسانها
فالله يخليها الكم وتفرح بيكم يارب.


وهسه نجي عل اسئــــلة:

1. لو انطيتلك عصى سحرية اشما ادكولها تستجيب لاوامرك ....... سمعاً وطاعة
فلو خليتها على بلدك العراق
شراح تأمرها للعصى؟
لو خليتها على شعب العراق وبالاخص عل مسيحين
اشحابب اتسوي العصى؟
لو خليتها على نفسك
شتريد العصى اتغير بيك ؟

طبعا الي حتأمر بي حيكون كله اوامر ايجابية وللاحسن
فألك العصى وأأمر........
2. اطلاعاتك الدينية محصورة فقط بقراءة الانجيل لو الك مطالاعات اخرى ؟ ومنو اصحاب الكتب الي تقرالهم؟
3. مدى ايمانك بهل عبارات واذا تحب اتعلق فأكيد حيسعدنا هذا:
في اليوم الذي لا تواجه فيه أية مشاكل, تأكد أنك في الطريق الغير صحيح
الجميع يفكر في تغيير العالم, ولكن لا أحد يفكر في تغيير نفسه
اذا بدأت بتقييم الناس, فانك لن تجد الوقت لتحبهم
4. اكو مثل روسي يكول:
ان للمرأة 77 رأي في آن واحد....
فشنو تعليقك ؟ تتصور انو المرأة بهذي الصورة؟
5. الزمن لص ظريف يسرق شبابنا....
نكدر نعتبر الزمن لص لحياتنا ؟
6. شنو يكون شعورك بوكت
الشروق
الغروب
وشي يعجب بالنهار ....وبالليل.....
7. انت من طبيعتك اتحب اتشارك الناس بهمومهم وتعزي الناس بأحزانهم وتوكفلهم بأصعب ايام حياتهم ؟
لو هذا يعتمد على مدى قرابة الشخص ومدى معزته عندك؟
8. لو صار و واجهت موقف عصبك كللللللش
شلون حتعالج الموقف شلون حتسيطر على هدوئك؟
9. لو فتحتلك فنجان وقريت مستقبلك الجاي
بالبداية ما صدكت واعتبرت هل شي خرافي
بس الايام اثبتتلك صحة الي قريتك ياه .
فراح تعتبر هايا صدفة ؟ لو حقيقة ؟ لو خيال ؟
10.
ارفع رأسك إلى السماء وانظر إلى رحمة الله عليك واعلم أن الأمـــــل لايموت وأنك من تصنع الســـــــــعادة

احيانا تشعر بهذي الكلمات واتحس انو انت فعلا من تصنع السعادة لغيرك؟

تحياتي ومحبتي لحضرتك
وانا عن نفسي اتمنالك كل الخير
والموفقية بحياتك العامة والشخصية
وانشالله تتحقق كل احلامك وامانيك
واكولك
من بؤي لي باب السما
ههههههههههههههه

سلامــــــي لاخي العراقي

[aLLuN!e]

اجمل تحية..ارحب بضيفنا العزيز العراقي اهلا ومرحبا بك..
لقد حضرت لك اسئلة من طراز كاي بلس وارغب بأن اكحل العين برؤية اجوبتك في حاال لاقت اسئلتي استحسانك..
اتمنالك اوقاات جميلة ولحظاات ممتعة..

ماهو شعورك وانت هنا..
هل لديك الجرأة ان تقول عمرك أمامنا..
هل انت مع الموضة والاناقة..
في نظرك ماهو اكره شئ في عالمنا..
هل تفضل التكتم على خصوصياتك ام لا..
هل تقبل النصيحة.. والى اي مدى تأخذ بها.. ولماذا..
هل من الممكن ان تتزوج فتاة اكبر منك سنا..
كيف هي سياقتك.. وهل تعتبر ان السياقة برعونة من صفات السائق..
بنظرك كيف علينا ان نكافئ الشخص الذي ازد لنا خدمة حبا لنا..
ماذا ستكتب لنا لتعبر عن حياتك التي عشتها الى الان في كلمات قليلة..

اتمنى ان تكون اسئلتي بسيطة عليك..
بانتظاار طلتك يالورد.. كل الود..

[†Butterfly†]

مرحبا بالعراقي

شلونك؟

عاشت ايديك على اجوبتك الحلوة يسوع يحميك

هسا نروح للاسئلة

1.اي سوال من الاسئلة من جاوبتها جوابك ماعجبك؟؟؟


2.كلمة تتمنى سماعها كل يوم؟؟؟


3.اخر قرار اخذته وندمت عليه؟؟؟


4.العراقي هل يشعر بالظلم؟؟


5.هل انت من لديهم رغبة حب التملك واذا تملك الشيء اصابه الملل منه ؟


6.شخص لاترفض له طلباً؟؟؟


7.اي سوال من اسئلة الاعضاء حسيت صعب تجاوبه؟؟؟


مشكور على اجوبتك الحلوة واتمنى ماتكون اسئلتي مزعجة

وتحياتي للوالدة وعيد ميلاد سعيد

واتمنالها السعادة ودوم تكون مرتاحة

[sportman83]

صباح الخير والورد والياسمين لي احلا عراقي بالمنتدى

شلونك شخبارك ان شاءالله اتكون بالف خير وبركة ياغالي ؟

واشكرك من صميمي قلبي لوصفك الرائع هذا من ذوقك وبياض قلبك .....
:wo:wo::wo:wo::wo:wo:

نرجع للاسألة ويا حضرتك

شنو رايك بالتسامح وهل المسامح كريم في جميع الاحيان ؟

عندما يتعارض الحب مع الكرامة ماذا تفعل ؟

هل الحب قدر ام اختيار؟

منو يتغير الزمن ام قلوب البشر؟

هل الصراحة راحة أم وقاحة ؟

هل عندك شي قديم وعزيز تحتفظ بيه لحد هسه ؟ وشنو هو؟

هل هزمك الحزن فى يوم من الايام؟ لا سمح الله


هل هناك فرق بين اصدقاء النيت والواقع ؟


هل أنت صديق نفسك ؟

هل الرومانسية واقع ام خيال ؟



اتمنى تعجبك الاساله
وبالنهاية اتمنى الخير بل وكل الخير والموفقية لي اجمل عراقي والله تستاهل اكثر واكثر ومستمتعين وياك باحلا اسبوع لانك مبدع باجاباتك ودمك الخفيف .....

مع سلامي وفائق احترامي الك

سبورت مان

[lana85]

شــــــــــــكرا العراقي كلك ذوق ... واجاباتك كلش حلوة الله يبارك بيــــــــــــــــــــك

[Deacon Leenos]

مرحبا حبيبي العراقي ... صارلي فترة ما فاتح المنتدى فا ما اعرف شكو اسئلة جايتلك ما قاريها .. عود اذا سالتك شي مكرر لا تجاوب .. زييييينن .؟؟؟؟
اوكي ..
بافتح قلبك .. منو اكثر شخص تحب يسالك .. يعني من تجي تفتح المنتدى تكون متلهف بلكي تشوف سؤال من شخص معين ؟؟
منو ما تحب يسالك .. و بصراحة .
منو من خارج المنتدى تحب يسالك ..
تعبان ويه الاسئلة او لا .؟؟ اذا تعبان خلي ابو الفلافل يساعدك .. بس لازم تشتريله على كل سؤال لفه .. خخخخخخخخخ
اي بعد شكو شماكووو ؟؟
انتي كلش تحب العراق .. عددلي كم نقطة زينة بالعراق يعني ايجابيات .. و بعدين اني اعددلك السلبيات ونشوف ياهو اكثر ..

[يوسف]

انت كلش تحب العراق .. عددلي كم نقطة زينة بالعراق يعني ايجابيات .. و بعدين اني اعددلك السلبيات ونشوف ياهو اكثر ..



هههههههههههه هذا سؤال حلو
يلا ننتظر اجابة العراقي ونشوف شنو برأيك هو ايجابي بالعراق

[hanan]

مرحبا يالعراقي الاصيل وترحيب من الاعماق في بافتح قلبك
كثيرا قرأت عن الاسئلة الموجهة للاعضاء لكن اسئلة الموجهة الك ايها العراقي صعبة ومحرجة جدا ومحيرة الله يساعدك.
اكيد هذا الاسبوع ثقيل عليك . لكن احاول ان اسأل انا ايضا بعض الاسئلة اتمنى ان لاتزعجك.
1 - هل يهمك المال كثيرا وكيف تريد ان تعيش حياتك هل ان تكون غني جدا ام متوسط الحال وتعيش حياة بسيطة ؟
2 - ماهي الاوصاف التي تريد ان تكون في شريكة حياتك؟
3 - ما هو رأيك بجمال الرجل او المرأة وهل هو ضروري جدا او من الاولويات في الانسان

ارجو ان تجاوب على هذة الاسئلة ان امكن ولو تجدها صعبة لا يهم لا تجاوب فالاختيار لك والدرجة ناجح بكلا الحالتين هههههههههه
اتمنى لك الموفقية والله يرعاك

[العراقي]

مرحبا بالعراقـــــي
مراحب أخ يوسف

عدنا معكم يلا حظر نفسك
يلا العراقي حاضر

1- كيف ترى حياتك الان وقبل سنة واحدة؟؟ هل هناك فرق؟؟ وكيف هو ذلك الفرق؟؟
حياتي الان وقبل سنة واحدة هي نفسها وماكو فرق

بس يمكن هاي السنة افضل شوية من سنة الي قبلها





2- عندما تتعصب ماذا تفعل؟؟
اسكت في كلشي ... إذا جنت دا احجي ابطل احجي لان من اتعصب احجي كلام اندم عليه بعدين
ومن اكون اسوي شي واتعصب ابطل اسويه لان ما اسويه مثل ما احب بعدين




3- عندما تتألم ماذا تفعل؟؟ والى من تشكي همك؟؟
احاول اقرا كتاب أو ابقى وحدي
اشكي لربي




4- هل هناك اسرار يخفيها العراقي عن الجميع؟؟ ويحفظها لنفسه فقط؟؟
ماكو اسرار يخفيها لكن هناك شغلاة البعض لا يعرفها عن العراقي




5- هل هناك شخص تبوح له بسرك؟؟
من اشوف هذا الشخص يكدر يساعدني
ابوح اله بسري








6- لو اجبروك على قتل شخص واحد في هذا العالم, من سوف تختار؟؟ وهذا الامراجباري واذا لم تختار سوف يموت كل سكان الارض ولا يمكن ان تختار نفسك.
إذا اختار موت كل سكان الأرض على أن اختار قتل شخص معين






7- برأيك ما هو العمر المناسب للزواج؟؟ سواء للرجل او للمرأة؟؟
25 ، 26 ، 27 ، 28 هذه الاعمار جداً مناسبة للزواج
هذا برأيي




8- في اي شئ تفكر اكثر؟؟ بالزواج او في الكهنوت؟؟
افكر بالكهنوت كثيراً
ولست مستبعداً الزواج ابداً








تحياتي للعراقي
تحياتي الك

[العراقي]

مساء الخير عليك وعلى كل حبايبنا بالمنتدى
مساء الخيرات




قبل كلشي احب ابارك عيد ميلاد والدتك يجوز هل تهنئة مُبكر عليها بس مادام ذكرت حضرتك هل شي
فحابه اتمنالها الصحة والعافية وطولة العمر وراحة البال
وانا كلش احبها للوالدة واحترمها لانها طيبة
وسخية والي بكلبها على لسانها
فالله يخليها الكم وتفرح بيكم يارب.
اشكرج اخت روزالين على تهنئة والدتي بعيد ميلادها
وعلى مشاعركي الطيبة نحوها
واتمنى لكي الخير والسعادة والموفقية في حياتكي


وهسه نجي عل اسئــــلة:
اوكى






1. لو انطيتلك عصى سحرية اشما ادكولها تستجيب لاوامرك ....... سمعاً وطاعة
فلو خليتها على بلدك العراق
شراح تأمرها للعصى؟

اامرها ان ترجع البنايات المهدومه وان تخسل العراق من الدماء وارجاع جمالها وحيوتها من جديد وايضا اامرها بأن ترجع الذين يفكرون بتدمير العراق الى صوابهم كي لايحاولوا تدمير هذا البلد الاكثر من رائع وان تنظف قلوب الاعداء من الشر تجاه بلدنا هذا


لو خليتها على شعب العراق وبالاخص عل مسيحين
اشحابب اتسوي العصى؟
ان يقوى ايمانهم اكثر بالله
وان يدخل في قلوبهم حب الصلاة والايمان


لو خليتها على نفسك
شتريد العصى اتغير بيك ؟

اخاف اغير شي بيه وبعدين اندم
فا مرح اامر العصى بتغير شي بيه

طبعا الي حتأمر بي حيكون كله اوامر ايجابية وللاحسن
فألك العصى وأأمر........






2. اطلاعاتك الدينية محصورة فقط بقراءة الانجيل لو الك مطالاعات اخرى ؟ ومنو اصحاب الكتب الي تقرالهم؟
اقرا الكتب الخاصة والمتعلقة بالكنيسة كثيراً






3. مدى ايمانك بهل عبارات واذا تحب اتعلق فأكيد حيسعدنا هذا:
في اليوم الذي لا تواجه فيه أية مشاكل, تأكد أنك في الطريق الغير صحيح
اؤمن بيها كثيراً
لان بالمشاكل نحس ونفهم الحياة اكثر


الجميع يفكر في تغيير العالم, ولكن لا أحد يفكر في تغيير نفسه
اؤمن بيها كثيراً
لان الانسان المغرور والحسود و و و ... يعتبر نفسه الافضل وماكو احسن منه
ويريد الكل يكون مثله بتغير العالم
فا لو فكر بتغير نفسه لكان عل اقل غير شيء بالعالم


اذا بدأت بتقييم الناس, فانك لن تجد الوقت لتحبهم
اؤمن بيها كثيراً
اترك هاي المقولة بدون تعليق لان التعليق عليها طويل


4. اكو مثل روسي يكول:
ان للمرأة 77 رأي في آن واحد....
فشنو تعليقك ؟ تتصور انو المرأة بهذي الصورة؟
ما اعرف يمكن ... وإذا كانت صحيحة
يبقى رأيها الاول هو الافضل




5. الزمن لص ظريف يسرق شبابنا....
نكدر نعتبر الزمن لص لحياتنا ؟
الزمن لص لحياتنا من نكون نايمين بالحياة مو واعين
أي لو انجزت شغلاً مبدعاً او عملاً رائعاً او نجاحاً كبيراً
فان الزمن يعتبر قوتك نجاحك ابداعاتك
بالمختصر الزمن هو انجازاتك




6. شنو يكون شعورك بوكت
الشروق بداية يوم جديد انسى الماضي الحزين لان ولد يوم جديد
الغروب نهاية هذا اليوم خذ من يومك هذا ما تعلمته للمستقبل
وشي يعجب بالنهار ....وبالليل.....
بالنهار يعجبني العمل ... وبالليل يعجبني الهدوء




7. انت من طبيعتك اتحب اتشارك الناس بهمومهم وتعزي الناس بأحزانهم وتوكفلهم بأصعب ايام حياتهم ؟
أي من طبيعتي احب كلش ان اشاركهم بالي ذكرتيه

لو هذا يعتمد على مدى قرابة الشخص ومدى معزته عندك؟
ابد مو مهم هذا يمي








8. لو صار و واجهت موقف عصبك كللللللش
شلون حتعالج الموقف شلون حتسيطر على هدوئك؟
اسكت وانحسب








9. لو فتحتلك فنجان وقريت مستقبلك الجاي
بالبداية ما صدكت واعتبرت هل شي خرافي
بس الايام اثبتتلك صحة الي قريتك ياه .
فراح تعتبر هايا صدفة ؟ لو حقيقة ؟ لو خيال ؟

طبعاً اني احب هاي الشغلاة كلش الفنجان والورق والكف والابراج
لان من يكولون شغلاة ايجابية مثلاً هل سنة رح تنجح
فا احاول اقرا اكثر حتى انجح واعتبرها حقيقة
ومن يكولون شغلاة سلبية مثل رح تزعل صديق هذا الاسبوع
فا احجي ويا صديقي بكل حنان وحب اكثر من قبل حتى لا تصير حقيقة








10.
ارفع رأسك إلى السماء وانظر إلى رحمة الله عليك واعلم أن الأمـــــل لايموت وأنك من تصنع الســـــــــعادة

احيانا تشعر بهذي الكلمات واتحس انو انت فعلا من تصنع السعادة لغيرك؟
أي اشعر بهذه الكلمات احياناً
واحس مرات بأني اصنع السعادة








تحياتي ومحبتي لحضرتك
وانا عن نفسي اتمنالك كل الخير
والموفقية بحياتك العامة والشخصية
وانشالله تتحقق كل احلامك وامانيك
واكولك
من بؤي لي باب السما
ههههههههههههههه

سلامــــــي لاخي العراقي





شكراً اخت روزالين على كلامج الطيب
وانا هم اتمنى لكي نفس الشي واكثر
ارقى سلام لاخت روزالين

[العراقي]

اجمل تحية..ارحب بضيفنا العزيز العراقي اهلا ومرحبا بك..
اهين الوني نورت الصفحة ...




لقد حضرت لك اسئلة من طراز كاي بلس وارغب بأن اكحل العين برؤية اجوبتك في حاال لاقت اسئلتي استحسانك..
اكيد رح تكون حلوة الاسئلة لانها من طراز اختيارك




اتمنالك اوقاات جميلة ولحظاات ممتعة..
شكراً الوني






ماهوشعورك وانت هنا..
فرحان









هل لديك الجرأة ان تقول عمرك أمامنا..
مممممممممممم كلا




هل انت مع الموضة والاناقة..
ممممممم ليس كثيراً




في نظرك ماهو اكره شئ في عالمنا..
من نستخدم عيوب واغطاء غيرنا سلاح ضدهم






هل تفضل التكتم على خصوصياتك ام لا..
افضل التكتم على خصوصياتي على الناس التي لاتعرف معنى الخصوصية




هل تقبل النصيحة.. والى اي مدى تأخذ بها.. ولماذا..
اسمع نصيحة دائماً ... وبعدين اخليها في الواقع
فأن كانت النصيحة مع الواقع اخذت بها وان لم تكن كذلك
نسيتها


هل من الممكن ان تتزوج فتاة اكبر منك سنا..
إذا تواجد الحب والتفاهم والقناعة ... مو غلط تصير
ولكن افضل ان تكون من نفس الجيل


كيف هي سياقتك.. وهل تعتبر ان السياقة برعونة من صفات السائق..
الحمد لله أحب سياقتي كلش ... والعراقي اكيد يعتبر السياقة برعونة من صفات السايق
يجب على السايق ان يعرف كل مواصفات السياقة






بنظرك كيف علينا ان نكافئ الشخص الذي ازد لنا خدمة حبا لنا..
يجب علينا ان نكافئه بما يستحقه



ماذا ستكتب لنا لتعبر عن حياتك التي عشتها الى الان في كلمات قليلة..
اعبر عن حياتي ... بأنها آلة كيتار صنعتها و وضعتوا لها أوتاراً ذو اصواتاً رائعة
وبعد انتهائي من صنعها ، وضعتها في أحضاني لكي اعزف عليها
حين إذن اكتشفت بأني لا أجيد العزف عليها ...



اتمنى ان تكون اسئلتي بسيطة عليك..
اسئلتك بسيطة كلش


بانتظاار طلتك يالورد.. كل الود..
بانتظار تواجدك مرة اخرى يا خورا

[العراقي]

مرحبا بالعراقي
مراحب

شلونك؟
لحمدلله زين



عاشت ايديك على اجوبتك الحلوة يسوع يحميك
شكراً

هسا نروح للاسئلة
اوكى يلا

1.اي سوال من الاسئلة من جاوبتها جوابك ماعجبك؟؟؟
جوابي على اخت الاء
تمنيت لو جاوبتها بشكل اوضح
على سؤالها العاشر



2.كلمة تتمنى سماعها كل يوم؟؟؟
ماكو ببالي كلمة معينة


3.اخر قرار اخذته وندمت عليه؟؟؟
ما اتذكرت فد قرار اتخذته وندمت عليه





4.العراقي هل يشعر بالظلم؟؟
ابداً بالعكس




5.هل انت من لديهم رغبة حب التملك واذا تملك الشيء اصابه الملل منه ؟
ما عندي رغبة حب التملك
ولكن إذا ملكت شيئاً احاول الابداع بيه
وغالباً لا امل من الشي الي ملكته




6.شخص لاترفض له طلباً؟؟؟
امي ... احاول دائماً ما ارفض الها طلب




7.اي سوال من اسئلة الاعضاء حسيت صعب تجاوبه؟؟؟
الي يتعلقون بالاسم والعمر






مشكور على اجوبتك الحلوة واتمنى ماتكون اسئلتي مزعجة
اسئلتج كلش حلوة وابد مو مزعجة






وتحياتي للوالدة وعيد ميلاد سعيد
واتمنالها السعادة ودوم تكون مرتاحة


مشكورة على تهنئتج للوالدة
واتمنالج النجاح والموفقية في حياتج

[العراقي]

صباح الخير والورد والياسمين لي احلا عراقي بالمنتدى
صباح الخيرات لاحلى سبورت مان

شلونك شخبارك ان شاءالله اتكون بالف خير وبركة ياغالي ؟
لمحدلله بخير وبركة ... واشكرك من قلبي

واشكرك من صميمي قلبي لوصفك الرائع هذا من ذوقك وبياض قلبك .....
لاداعي للشكر ابد ... تستاهل اكثر


نرجع للاسألة ويا حضرتك
يلا

شنو رايك بالتسامح وهل المسامح كريم في جميع الاحيان ؟
التسامح هو اعطاء فرصة للمخطئ
والمسامح كريم في اكثر الاحيان





عندما يتعارض الحب مع الكرامة ماذا تفعل ؟
عندما تحب عليك ان تنسى الكرامة
فلو تعارضا لفقدت احداهما




هل الحب قدر ام اختيار؟
بنظري الحب الحقيقي مستحيل يكون اختيار



منو يتغير الزمن ام قلوب البشر؟
قلوب البشر تغير الزمن
إذاً الزمن يتغير وليست قلوب البشر

هل الصراحة راحة أم وقاحة ؟
الصراحة وقاحة عندما يصارحك شخص لكي انت بدورك تصارحه
والصراحة راحة عندما يصارحك شخص لكي انت تساعده





هل عندك شي قديم وعزيز تحتفظ بيه لحد هسه ؟ وشنو هو؟
لا ما عندي شي مادي احتفظ بيه



هل هزمك الحزن فى يوم من الايام؟ لا سمح الله
الحزن دائماً يساعدني ... وهو معي وليس ضدي




هل هناك فرق بين اصدقاء النيت والواقع ؟
اكيد اكو فرق ...



هل أنت صديق نفسك ؟
نعم





هل الرومانسية واقع ام خيال ؟
واقع لبعض وخيال لبعض الاخر
الرومانسية واقع إذا اخترعناها نحن





اتمنى تعجبك الاساله
عجبتني اكيد




وبالنهاية اتمنى الخير بل وكل الخير والموفقية لي اجملعراقي والله تستاهل اكثر واكثر ومستمتعين وياك باحلا اسبوع لانك مبدعباجاباتك ودمك الخفيف .....
شكراً سبورت مان على كلامك الطيب

مع سلامي وفائق احترامي الك
سبورت مان
تقديري واحترامي الك

[aLLuN!e]

عزيزي العراقي.. اروقتني اجوبتك على اسئلتي..
شكرا لك لتقبلك اياها.. تحياتي الك وبالنجاح الدائم..

[العراقي]

مرحباحبيبي العراقي ...
مراحب شماس لينوس ...


صارلي فترة ما فاتح المنتدى فا ما اعرف شكو اسئلةجايتلك ما قاريها ..
نورت الصفحة والمنتدى كله



عود اذا سالتك شي مكرر لا تجاوب .. زييييينن .؟؟؟؟
زين ... ومثل ما كن ذكرت إذا تكرر أي سؤال نعتبر للسؤال عدد نقاطمن الاجوبة


اوكي ..


بافتح قلبك .. منو اكثر شخص تحب يسالك .. يعني من تجي تفتح المنتدى تكون متلهف بلكي تشوف سؤال من شخص معين ؟؟
اسئلة الكل تعجبني هوايا وافرح من اجاوب عليها
اتلهف من افتح المنتدى واشوف واحد داخل لاول مرة بهاي الصفحة
اي لاول مرة فد عضو ديسألني



منو ما تحب يسالك .. و بصراحة .
ماكو ولا واحد ماريد يسألني
اتمنى لو الكل يسأل


منو من خارج المنتدى تحب يسالك ..
صدك ماكو ببالي شخص خارج المنتدى احب يسألني

تعبان ويه الاسئلة او لا .؟؟ اذا تعبان خلي ابو الفلافل يساعدك .. بس لازم تشتريله على كل سؤال لفه .. خخخخخخخخخ
لا مو تعبان والحمدلله مرتاح
اريد ابو الفلافل ان يساعدني بالاسئلة مالته
كل سؤال ينزله يجاوب عليه رأساً
ورح اشتريله على كل سؤال 2 لفة




اي بعد شكو شماكووو ؟؟
كلشي ماكو ... كلشي نفسه


انت كلش تحب العراق .. عددلي كم نقطة زينة بالعراق يعني ايجابيات .. و بعدين اني اعددلك السلبيات ونشوف ياهو اكثر ..
ما شفت ولا سمعت فد مرة صار فيضان او بركان او زلزال او عواصف بالعراق
والطقس في العراق يكون الانسان يتحمله في جميع فصوله حتى بدون أي وسائل
بمقارنة مع دول الاخرى وعند العراق الزراعة الكثيرا والنفط الخام الموجود في اماكن كثيرا والتي بدورها ترفع في ميزانية الدولة كثيرا وتكون بذلك غير محتاجة لدول اخرى ... وحتى في كثير من الاحيان الدول الاخرى تحتاج الى العراق

هذولة الاشياء مو ايجابية بالعراق؟

وكلشي سلبي موجود بالعراق هو من ايادي وصنع الناس
لو حاولوا يغيروه لنجحوا بتغيره من سلبي الى ايجابي

الايجابيات بالعراق الى الابد ايجابيات والسلبيات بالعراق يمكن بأي لحظة تتغير إذا فكر العراقيين بتغيرها

ويبقى الامر بيد الله










وتحياتي الك
شماس لينوس

[العراقي]

مرحبا يالعراقي الاصيل وترحيب من الاعماق في بافتح قلبك

شكراً اخت حنان نورتي الصفحة




كثيرا قرأت عن الاسئلة الموجهة للاعضاء لكن اسئلة الموجهة الك ايها العراقي صعبة ومحرجة جدا ومحيرة الله يساعدك.

هذا قدرنا اخت حنان ونحنا راضين بيه لانه من اختيارنا






اكيد هذا الاسبوع ثقيل عليك . لكن احاول ان اسأل انا ايضا بعض الاسئلة اتمنى ان لاتزعجك.

لا بالعكس كلش حلو وخفيف ... تفضلي اخت حنان واكيد رح تعجبني اسألتج





1 - هل يهمك المال كثيرا وكيف تريد ان تعيش حياتك هل ان تكون غني جدا ام متوسط الحال وتعيش حياة بسيطة ؟

المال ليس في المرتبة الاولى في حياتي ولكنه وسيلتي لتحقيق الكثير من احلامي

اريد ان اعيش حياتي غني جداً ولكن ليس بالمال بل بالعلم والدين




2 - ماهي الاوصاف التي تريد ان تكون في شريكة حياتك؟
تكرر هذا السؤال ... ويمكن هناك لم تكن ايجابتي واضحة ...
فا اعيد التفكير والاجابة عليه
وبعد التفكير العميق
اكول الاوصاف التي اريدها
مؤمنة ... واعية ... طموحة ... جريئة ... قوية




3 - ما هو رأيك بجمال الرجل او المرأة وهل هو ضروري جدا او من الاولويات في الانسان

جمال الرجل يقاس بعقله ... وجمال المرأة يقاس بقلبها ...الجمال ضروري لكلا الحالتين دون غير







ارجو ان تجاوب على هذة الاسئلة ان امكن ولو تجدها صعبة لا يهم لا تجاوب فالاختيار لك والدرجة ناجح بكلا الحالتين هههههههههه

الحمدلله كدرنا نجاوب عليها ... وشكراً على درجة ناجح




اتمنى لك الموفقية والله يرعاك

شكراً اخت حنان

[الاء حامد]

مرحبا العراقي منور في اجوبتك وحضورك كان اكثر من رائع
في افتح قلبك ,, تمنياتنا لك بالتوفيق والرب يبارك حياتك0
ربما سبقوني الاخوة والاخوات في طرح اسئلة متشابه لأسئلتي
بأمكانك الاجابة عليها او لا فالخيار مهما كان لك وارجو ان لا اكون ضيفة
اثقيلة عليك مهما تشعبت اسئلتي0
1- العراقي يقولون ان الذي خلق ارواحنا في اجسادنا هو الذي خلق هذا القلوب
وخلق لنا فيها الحب وامرنا ان نحب0 برأيك ما شأن هولاء الذين يتدخلون بين المرء وربه والمرء وقلبه؟ اعتقد السؤال واضح0
2- العراقي يعتقد البعض اننا خلقنا في هذه الدنيا الا لننتقل فيها من ظلمة الرحم الى ظلمة الدير ,, ومن ظلمة الدير الى ظلمة القبر0 سؤالنا شو رأيك بأعتقاد هولاء ؟ وهل حقا خلقنا فقط للعبادة دون غيرها ؟؟
3-العراقي الحياة بقدر ما مليئة بالسعادة مليئة بالحزن والبؤس0 ما هو اعظم بؤس تراه في العالم وكيف؟ وكيف لك ان تصلح ممن قد عمت ابصارهم عن رؤية الحق ؟ العراقي لاتواخذني مجرد اسئلة خطرت في بالي 0
4-العراقي يقولون ( ما اضيق العيش لولا فسحت الامل ) شو رأيك بهذه العباره؟ والى متى تؤمن بها ؟ومتى احتجت للامل في حياتك؟ وهل حقا العيش في هذه الدنيا ضيق وممل ؟
5- العراقي هل صحيح ان الغنى يبعدنا عن ملكوت الرب ولماذا الرب يرضا لنا ان نعيش حياة البؤساء ان صح ذلك؟
6- العراقي فد سؤال بعيد بعض الشي 0 شو رأيك بتشجيع البنات في كرة القدم ومشاهدة الماجات ؟
يبدوا انني اثقلت عليك بأسئلتي هههههه المهم جاوب الي اتجاوبه والله يعينك

[amar adil]

صباح الخير عراقي شلون الصحة وشلونك ويه اسئلة اعضائنا الحلوين
واكول للوالدة عيد سعيد وكل عام وانت بالف خير والعمر كله وسلمني عالوالدة راح يتحول الموضوع الى تهاني وتبريكات ههههههههههه
اليوم عندي سؤالين للعراقي
السؤال الاول
في حالة كان لديك صديق جدا عزيز عليك وسمعت من غير شخص اخر بانو هذا الصديق يريد يسويلك نكدر نكول فت مشكلة او فتنة في حياة العراقي .. والعراقي صدك هذا الشخص وذهبت عند هذا الصديق واتكلمت معه كلام كلش جارح .. والصديق العزيز قال للعراقي بانو هذا الكلام فارغ وانت تعرفيني كلش زين اني صديق عزيز عليك ما يطلع مني مثل هيجي كلام ..ولكن العراقي اصر في موقفه وكلامه الجراح بحيث وصلت الامور كل واحد يروح بطريقه ..وبعد مرور ايام اكتشف العراقي بأنو هذا الشخص اراد ان يخلق فتنة بين العراقي والصديق العزيز ونجح في ذلك .. سؤالي
1 ماذا سوف تكون ردة فعل العراقي في تلك اللحظة ؟؟
2 ماذا سوف تكون ردة فعل العراقي تجاه الشخص الذي زرع الفتنة ؟؟ وماذا سوف تقول له ؟؟
3 هل العراقي سوف يذهب ويعتذر لهذا الصديق العزيز ؟؟ وماذا سوف تقول له ؟؟
4 في حالة عدم قبول الصديق العزيز الاعتذار الذي قدمه العراقي وبعد عدة محاولات ماذا سوف يفعل العراقي ؟؟
5 هل سوف يعيش العراقي في حالة ندم من هذا الموقف؟؟
6 شنو رأي العراقي من هيجي اشخاص الي يفتعلون هذه الاشياء في الحياة ؟؟
7 هل سوف يكون العراقي متسرع في حالة حدوث مثل هذا الموقف لا سمح الله ؟؟
وشيء اكيد هذا الشيء موجود في حياتنا اليومية وكل شخص ممكن يمر في مثل هيجي مواقف
اما بالنسبة للسؤال الثاني
شفت في اجوبتك لا يوجد ابتسامة عراقية واحدة ..اتصور جان اكو وحدة اذا مو اني غلطان صارت زحمة ههههههه مع العلم الاعضاء الي سئلوا العراقي ابتسموا للعراقي كثيرا ؟؟ هل العراقي قليل الضحك ؟؟ومثل ما تعرف بان الابتسامة هي جزء من تفاؤل الانسان في الحياة لماذا لم يبتسم العراقي في هذه الاسئلة مع العلم كانت الاسئلة تحتاج الى ابتسامات جميلة ومعبرة من العراقي
لو العراقي يعتبر الضحك الكثير في كثير من الجلسات تقليل من شأن الشخص والناس تنظر اله نظرة عن ضعف شخصية وايضا ما اتعبر على رزانة الشخص ؟؟شنو رأيك في ذلك ؟؟
شوية طولتها عليك هههههههههههه
اتمنى بان تكون الاسئلة غير محرجة للعراقي
تقبل تحياتي

[Deacon Leenos]

ما شفت ولا سمعت فد مرة صار فيضان او بركان او زلزال او عواصف بالعراق
ولا مرة اني سامع صاير بركان او زلزال او فيضان بالامارات.. او خلي نكول ب اوروبا .. شكو فرق .. هواية مكانات ماكو هيجي شي يعني هاي مو ميزة بس بالعراق .. بس هاي العواصف الترابية الي دا تنعمي عيوننا بيها ماكو منها بلبنان او تركيا او المانيا او هولندا .. يعني بهاي النقطة همه احسن منا ..
والطقس في العراق يكون الانسان يتحمله في جميع فصوله حتى بدون أي وسائل
يعني انت تكدر تكضي الشتاء بدون تدفئة ؟؟؟؟؟ منو من عدكم يكدر ؟؟؟ يعني مثلا القرى من ينزل الثلج الناس بدون صوبة ؟؟ تخيل ؟؟؟ انت تكدر تنام بدون تبريد ؟؟؟ بالصيف درجة الحرارة 50 ؟؟ و بغداد وصلت 55 الناس دا تنسلك حبيبي هاي من وين جبتهه هاي مال بدون وسائل ؟؟؟؟
بمقارنة مع دول الاخرى وعند العراق الزراعة الكثيرا والنفط الخام الموجود في اماكن كثيرا والتي بدورها ترفع في ميزانية الدولة كثيرا وتكون بذلك غير محتاجة لدول اخرى ... وحتى في كثير من الاحيان الدول الاخرى تحتاج الى العراق
العراق عدها نفط ؟؟؟ الامارات عدها نفط السعودية قطر نرويج بحرين الكويت امريكا وايران و وووو الخ .... اكو قسم بيهم عدهم ذهب همين يعنى حتى النفط ما يهم ..
العراق عندة زراعة ؟؟؟ حبيبي اني مهندس زراعي .. اكلك شي؟ العراق حتى الخس والكرفس دا يستورد من ايران .. طماطة خيار هم ما عدنة .. الناتج المحلي ما يكفي بس لدهوك ..
الناس تحتاج العراق ؟؟ ليهسة العراق دا يكدي كهرباء من تركيا و كويت

هذولة الاشياء مو ايجابية بالعراق؟
لا لان جبتلك امثلة و براهين بغير دول احسن منه هم .. بس تريد اعددلك السلبيات ؟؟؟ اتوقع راح تطول المسالة ..

وكلشي سلبي موجود بالعراق هو من ايادي وصنع الناس
لو حاولوا يغيروه لنجحوا بتغيره من سلبي الى ايجابي
وكلشي ايجابي بغير دول هو من صنع الناس يعني العمارات الناطحات الفنادق الابراج الي دا تنبني ب دبي مو الله خالقها الناس بنتها .

الايجابيات بالعراق الى الابد ايجابيات والسلبيات بالعراق يمكن بأي لحظة تتغير إذا فكر العراقيين بتغيرها
اي جد جدي و جد ابوية و جدي و ابوية كانوا يتاملون يعدل الوضع .. بس بهذاك الوقت كان امان و هسة .. نحو الاسوء
x4
طولتها عليك حبيبي العراقي و يمكن رحنا بغير مواضيع همين بس الي خلاني افتح هالموضوع هو انه انت بعدك متمسك بعراقيتك .. اني عايفها من زمااااان ....هههههه

[amar adil]

تعبان ويه الاسئلة او لا .؟؟ اذا تعبان خلي ابو الفلافل يساعدك .. بس لازم تشتريله على كل سؤال لفه .. خخخخخخخخخ
لا مو تعبان والحمدلله مرتاح
اريد ابو الفلافل ان يساعدني بالاسئلة مالته
كل سؤال ينزله يجاوب عليه رأساً
ورح اشتريله على كل سؤال 2 لفة

ههههههههههههههههههههههههه
اخ لينوس اخاف انت عينك عالفلافل ههههههههههههههه من اشوفك راح اشتريلك نص لفة هههههههههههه
العراقي لو جان اسبوعي جان سويت هذا الشيء ههههههههه واسبوعي راح فما اكدر انفذلك هذا الطلب هههههههههههههه لان الشروط مال الموضوع ما تسمح واني ما احب اتجوز عالشروط هههههههههههه

[Deacon Leenos]

[/font]ههههههههههههههههههههههههه
اخ لينوس اخاف انت عينك عالفلافل ههههههههههههههه من اشوفك راح اشتريلك نص لفة هههههههههههه




شوفو شوفو بينو المواصله .. تشتريلي نص لفة مووو ؟؟ هاي هية بسيطة .. لا و فوكاها دا يحاول يغطي عالمصلوي مالتة من يحجي عربي يكتب ( جان .. جنت .. ) علساس بغدادي .. بابا انت اكتب كان .. كنت .. قلتلو .. قيقو .. خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخ

[amar adil]

مو حبيبي لينوس اخاف ما تفتهم مصلوي فمن هيجي احجي بغدادي واني اعتز بمصلويتي احم احم هههههههههههههه
ما دام هيجي صارت راح اسويها ربع لفة فلافل والصمون من يمكم
هههههههههههههههههههه

[dunia]

لينوس وعمار عبالك احنا بيوميات عمار ولينوس بكل قسم داشوفكم تتكاونون
هذا افتح قلبك مال العراقي ليش ماتفتحون قسم خاص الكم باسم قسم الفلافل
او يوميات لينوس وعمار
ههههههههههههههههههههههههههههههههه
هسا نرجع لافتح قلبك وياالعراقي
http://imgcash4.imageshack.us/Himg130/scaled.php?server=130&filename=89266200.gif&xsize=640&ysize=480
شونك العراقي
:wo:wo::wo:wo::wo:wo:
اتمنى تكون بخير هالمرة راح اسئلك سؤال ديني
اريد تكولي 3 ايات انجيلية كلش تأثر بيك وليش ؟

شكرا على الجواب سلف
تحياتي يا احلى عراقي
ابدعق بالاجوبة في افتح قلبك
:wo:wo::wo:wo::wo:wo:

[العراقي]

العراقي لو جان اسبوعي جان سويت هذا الشيء ههههههههه واسبوعي راح فما اكدر انفذلك هذا الطلب هههههههههههههه لان الشروط مال الموضوع ما تسمح واني ما احب اتجوز عالشروط هههههههههههه

صح كلامك اخ عمار بس من ناحيتي راحت الفة عليك
وشكراً لوجودكم بالصفحة
اخ عمار وشماس لينوس

[العراقي]

لينوس وعمار عبالك احنا بيوميات عمار ولينوس بكل قسم داشوفكم تتكاونون
هذا افتحقلبك مال العراقي ليش ماتفتحون قسم خاص الكم باسم قسم الفلافل
او يوميات لينوس وعمار
ههههههههههههههههههههههههههههههههه
هسا نرجع لافتح قلبك وياالعراقي
لا خليهم دنيا دا افرح بتواجدهم هنا



شونك العراقي
نشكر الله




اتمنى تكون بخير هالمرة راح اسئلك سؤال ديني
لحمدلله بخير ويلا اسئلي


اريد تكولي 3 ايات انجيلية كلش تأثر بيك وليش ؟

1) الرب معين لي فلا أخاف ماذا يصنع بي الإنسان." مزمور118: 6
لان تجيني قوى من الرب

2) ليس بالخبز وحده يحيى الانسان بل بكل كلمة تخرج من فم الله(متى\4-4)
لان تخليني دائماً ان ابحث عن كلمات الله و تقربني من الله


3) "لست تعلم أنت الآن ما أنا اصنع ولكنك ستفهم فيما بعد" (يوحنا 7:13)
لان تنطيني الصبر والايمان والادراك


شكرا على الجواب سلف
تحياتي يا احلى عراقي
ابدعت بالاجوبة في افتح قلبك
شكراً دنيا لاسئلتج الحلوة وتواجدكي الاحلى

[sportman83]

مرحبا اخي العراقي شلونك ان شاءالله تمام وفرحان ويانا؟

واشكرك جدا على اجاباتك الرائعه والحلوه ودا اتبين شكد انت انسان راقي ومميز

واتمنى الك كل الخير والموفقية

تحياتي

[العراقي]

مرحبا اخي العراقي شلونك ان شاءالله تمام وفرحان ويانا؟

واشكرك جدا على اجاباتك الرائعه والحلوه ودا اتبين شكد انت انسان راقي ومميز

واتمنى الك كل الخير والموفقية

تحياتي






لحمدلله اخي العزيز سبورت مان كلش فرحان ومرتاح وياكم

والشكر الكم ولأسئلتكم الاحلى

واتمنى الك حياة سعيدة وان تحقق كل احلامك ان شاء الله

تقديري واحترامي الك

[carmen]

العــــــــراقـــــــي
او اخو لانا اووو ابن خال ماما هههههههه::(

1- اذا اجتلك فرصة اتسافر للخارج بشكل نهائي واتعوف العراق تقبل؟
2- شنو هي الجرأة بالنسبة الك؟ وشكد الها اهمية بحياتك؟
3-وانت دتمشي شفت صندوق كلش حلو ومبين بيه فد شي محرز ...راح تاخذه وتفتحه لو راح تمشي ولاكأنه انت شايفه؟
4- من اتحس بحزن شديد المن تلجأ؟ومن تحس بفرح شديد منو اتحب يشاركك سعادتك؟

مراح اطولها عليك::(
اتمنالك كل التوفيق بحياتك...

[العراقي]

مرحبا العراقي منور في اجوبتك وحضورك كان اكثر من رائع
في افتح قلبك ,, تمنياتنا لك بالتوفيق والرب يبارك حياتك
شكراً ونورتي الصفحة بتواجدكي بها لمرة الثانية وهذا يسرني كثيراً


ربما سبقوني الاخوة والاخوات في طرح اسئلة متشابه لأسئلتي
بأمكانك الاجابة عليها او لا فالخيار مهما كان لك وارجو ان لا اكون ضيفة
اثقيلة عليك مهما تشعبت اسئلتي
رح احاول الاجابة على كلها وبقدر استطاعتي

1- العراقي يقولون ان الذي خلق ارواحنا في اجسادنا هو الذي خلق هذا القلوب
وخلق لنا فيها الحب وامرنا ان نحب برأيك ما شأن هولاء الذين يتدخلون بين المرء وربه والمرء وقلبه؟ اعتقد السؤال واضح
تقوية العلاقة بالله









2- العراقي يعتقد البعض اننا خلقنا في هذه الدنيا الا لننتقل فيها من ظلمةالرحم الى ظلمة الدير ,, ومن ظلمة الدير الى ظلمة القبر سؤالنا شو رأيكبأعتقاد هولاء ؟ وهل حقا خلقنا فقط للعبادة دون غيرها ؟

انا اعتقد اننا خلقنا لكي نخدم الله ونرضيه ونساعد المحتاجين ونفرح بحياتنا لان الحياة جميلة اذا عشناها بمحبة وفرح

وخلقنا للعبادة لرجوع الى الله








3-العراقي الحياة بقدر ما مليئة بالسعادة مليئة بالحزن والبؤس ما هو اعظمبؤس تراه في العالم وكيف؟ وكيف لك ان تصلح ممن قد عمت ابصارهم عن رؤيةالحق ؟ العراقي لاتواخذني مجرد اسئلة خطرت في بالي
اخت الاء كلشي ديصير في الدنيا هو من ارادة الله
وكل بؤس نشوفه يكون كرسالة من الله النا
اعظم بؤس عندما لا نفهم هذه الرسائل
انا لا استيطع ان اصلح ممن عمت ابصارهم عن رؤية الحق
لان لله شؤون في ذلك


4-العراقي يقولون ( ما اضيق العيش لولا فسحت الامل ) شو رأيك بهذهالعباره؟ والى متى تؤمن بها ؟ومتى احتجت للامل في حياتك؟ وهل حقا العيش فيهذه الدنيا ضيق وممل ؟
صحيحة 100% بدون امل لماذا تكون حياتنا
الى الابد اؤمن بها ... منذ طفولتي ولحد الان احتجت اليها لكي اواصل حياتي
العيش في هذه الدنيا ضيق وممل بدون امل




5- العراقي هل صحيح ان الغنى يبعدنا عن ملكوت الرب ولماذا الرب يرضا لنا ان نعيش حياة البؤساء ان صح ذلك؟
الغنى يبعدنا عن ملكوت الله عندما يكون للحفاظ عليه
ويقربنا من ملكوت عندما يكون للمحتاجين اليه
عيشة البؤساء نعمة من الله
لاننا نكون في اول الدرج من الحياة
وكل درجة نصعدها تنطينا قوى وفرحة وامل




6- العراقي فد سؤال بعيد بعض الشي شو رأيك بتشجيع البنات في كرة القدم ومشاهدة الماجات ؟
حبهم للتغير ... تجربة جديدة ... احتياج الى بهجة تدخل القلب
واخيراً واهمها بأنها مثل الرجل قليلاً او كثيراً وهي معه دائماً لا ضده




يبدوا انني اثقلت عليك بأسئلتي هههههه المهم جاوب الي اتجاوبه والله يعينك
حبيتها الاسئلة كلش تمنيت لو جنتي سئلتي اكثر



شكراً اخت الاء على تواجدكي وطرحكي الاسئلة الجميلة والحلوة

تحياتي الج

[العراقي]

صباح الخير عراقي شلون الصحة وشلونك ويه اسئلة اعضائنا الحلوين
صباح الخيرات عمار ... لحمدلله الصحة تمام ... والاسئلة كلش حلوة والاعضاء الي ديسألون بعد احلى

واكول للوالدة عيد سعيد وكل عام وانت بالف خير والعمر كله وسلمني عالوالدة راح يتحول الموضوع الى تهاني وتبريكات ههههههههههه
شكراً عمار وانت بألف خير يارب
وسلامك وصل اكيد

عادي خلي يصير بيه بالبداية تهاني وبعدين اسئلة ... تغير جوا


اليوم عندي سؤالين للعراقي
يلا


السؤال الاول
في حالة كان لديك صديق جدا عزيزعليك وسمعت من غير شخص اخر بانو هذا الصديق يريد يسويلك نكدر نكول فتمشكلة او فتنة في حياة العراقي .. والعراقي صدك هذا الشخص وذهبت عند هذاالصديق واتكلمت معه كلام كلش جارح .. والصديق العزيز قال للعراقي بانو هذاالكلام فارغ وانت تعرفيني كلش زين اني صديق عزيز عليك ما يطلع مني مثلهيجي كلام ..ولكن العراقي اصر في موقفه وكلامه الجراح بحيث وصلت الامور كلواحد يروح بطريقه ..وبعد مرور ايام اكتشف العراقي بأنو هذا الشخص اراد انيخلق فتنة بين العراقي والصديق العزيز ونجح في ذلك .. سؤالي

1 ماذا سوف تكون ردة فعل العراقي في تلك اللحظة ؟؟
رح احاول تصليح الغلطة


2 ماذا سوف تكون ردة فعل العراقي تجاه الشخص الذي زرع الفتنة ؟؟ وماذا سوف تقول له ؟؟
رح أواجهه واحاول افهم الي سواه ... هاي بحالة ما فهمت تصرفاته
وسوف اقول له احذر من امثالك وانتظر اجرك


3 هل العراقي سوف يذهب ويعتذر لهذا الصديق العزيز ؟؟ وماذا سوف تقول له ؟؟
الصديق العزيز ما يمكن ان نخسره بسهولة هيجي اصلاً
والاعتذار قليل بحقه
اقول له من قلبي سامحني



4 في حالة عدم قبول الصديق العزيز الاعتذار الذي قدمه العراقي وبعد عدة محاولات ماذا سوف يفعل العراقي ؟؟
سوفارجع الى بداية صداقتنا أي عندما تعارفنا وصرنا اصدقاء وابدي من هناك لعملعلى رجوعه لان الحاضر بالنسبة اله غير نظرته بيه والماضي الذي جمعنا يكدران يجمعنا حاضراً


5 هل سوف يعيش العراقي في حالة ندم من هذا الموقف؟؟
لا بالعكس سوف اعيش دائماً على ارجاع هذا الصديق مرة اخرى وبحب اكثر


6 شنو رأي العراقي من هيجي اشخاص الي يفتعلون هذه الاشياء في الحياة ؟؟
انهم من يكملون انواع البشر الغريبة المؤذية
وغابت عنهم روائع الحياة الجميلة وما فيها
فا اخترعوا لانفسهم ما شافوه باحساسهمجميلاً


7 هل سوف يكون العراقيمتسرع في حالة حدوث مثل هذا الموقف لا سمح الله ؟؟
لا ابداً ... هذا الشئ حساس نوعاً ما لان بفقد التأني افقد الكثير


وشيء اكيد هذا الشيء موجود في حياتنا اليومية وكل شخص ممكن يمر في مثل هيجي مواقف
موجود بحياتنا بشكل كبير ... ويمكن قد صادفت في حياتي مثل هذا الشئ


اما بالنسبة للسؤال الثاني
شفتفي اجوبتك لا يوجد ابتسامة عراقية واحدة ..
الابتسامة موجودة عند العراقي دائماً ولكن يمكن ليست مفهومة

اتصور جان اكو وحدة اذا مو انيغلطان صارت زحمة ههههههه
لا بل جان اكو اكثر من وحدة ... العراقي يريد ان يضحك بقرائة المكتوب وليس برؤيته

مع العلم الاعضاء الي سئلوا العراقي ابتسمواللعراقي كثيرا ؟؟
وانا بدوري ابتسمت عندما قرأتها وجاوبت عليها
ولكن لم تظهر ابتسامتي

اي لم اكتب ابتسامتي

هل العراقي قليل الضحك ؟؟
لا اعتقد ذلك

ومثل ما تعرف بان الابتسامة هيجزء من تفاؤل الانسان في الحياة لماذا لم يبتسم العراقي في هذه الاسئلة معالعلم كانت الاسئلة تحتاج الى ابتسامات جميلة ومعبرة من العراقي
يمكن كان التعبير عنها بالكلام اوضح واحلى للسائل
وابتسم العراقي كثيراً... وكما ذكرت يمكن لم تظهر الابتسامة


لو العراقي يعتبر الضحك الكثير فيكثير من الجلسات تقليل من شأن الشخص والناس تنظر اله نظرة عن ضعف شخصيةوايضا ما اتعبر على رزانة الشخص ؟؟شنو رأيك في ذلك ؟؟
بالعكس الضحك عند العراقي احلى شي وخاصتاًمن يشوفه على وجوه الغير
ولكن يمكن إذا ما تشوف وجه العراقي مرح تشوف ضحكته


شوية طولتها عليك هههههههههههه
اتمنى بان تكون الاسئلة غير محرجة للعراقي
الاسئلة حلوة وغير محرجة يا احلى عمار واحلى اسئلة


تقبل تحياتي
نورت عمار
تحياتي

[العراقي]

العــــــــراقـــــــي
او اخولانا اووو ابن خال ماما هههههههه
أي فعلاً اخو لانا وابن خال ماما مالتج



1- اذا اجتلك فرصة اتسافر للخارج بشكل نهائي واتعوف العراق تقبل؟
مرح اقبل اكيد ... ولكن إذا صارت وطلعت من العراق
لازم اموت بالعراق وان اولد من جديد بغير العراق
لان احلام وامنيات الي مخليتها الي كلها بالعراق وللعراق وبس



2- شنو هي الجرأة بالنسبة الك؟ وشكد الها اهمية بحياتك؟
الجرأة أن تقدم الي عندك دون خوف من النتأئج
الجرأة أن تعترف أن تصارح أن تجازف
الجرأة أن تواجه الحياة ...

الجرأة الها أهمية كبيرا في حياتي






3-وانت دتمشي شفت صندوق كلش حلو ومبين بيه فد شي محرز ...راح تاخذه وتفتحه لو راح تمشي ولاكأنه انت شايفه؟
ما اعرف ... يمكن إذا اشوفه فعلاً رح سوي غير الي احسه هسا
والي احسه
راح اكمل طريقي ولا كأني شفته


4- من اتحس بحزن شديد المن تلجأ؟ومن تحس بفرح شديد منو اتحب يشاركك سعادتك؟
الجاً الى ربي ... ومرات الى الوحدة
اتمنى الكل يشاركني ساعدتني من احس بفرح
وخاصتاً الي حبوا ان يشاركوني بحزني






مراح اطولها عليك
اتمنالك كل التوفيق بحياتك...
شكراً لأسألتج الحلوة والجميلة
واتمنى الج السعادة والفرحة بحياتج دائماً

[العراقي]

ما شفت ولا سمعت فد مرةصار فيضان او بركاناو زلزال او عواصف بالعراق
ولامرة اني سامع صاير بركان او زلزال او فيضان بالامارات.. او خلي نكول باوروبا .. شكو فرق .. هواية مكانات ماكو هيجي شي يعني هاي مو ميزة بسبالعراق .. بس هاي العواصف الترابية الي دا تنعمي عيوننا بيها ماكو منهابلبنان او تركيا او المانيا او هولندا .. يعني بهاي النقطة همه احسن منا ..


اوكى وياك






والطقسفي العراق يكون الانسان يتحمله في جميعفصوله حتى بدون أي وسائل
يعنيانت تكدر تكضي الشتاء بدون تدفئة ؟؟؟؟؟ منو من عدكم يكدر ؟؟؟ يعني مثلاالقرى من ينزل الثلج الناس بدون صوبة ؟؟ تخيل ؟؟؟ انت تكدر تنام بدونتبريد ؟؟؟ بالصيف درجة الحرارة 50 ؟؟ و بغداد وصلت 55 الناس دا تنسلكحبيبي هاي من وين جبتهه هاي مال بدون وسائل ؟؟؟؟


حلوة هاي منو من عدكم يكدر؟
صدك شماس لينوس انا بدون هاي الوسائل اكون مرتاح اكثر
من انام اطفي التبريد وانام ...
بس هم وياك


بمقارنةمع دول الاخرى وعند العراق الزراعةالكثيرا والنفط الخام الموجود في اماكنكثيرا والتي بدورها ترفع في ميزانيةالدولة كثيرا وتكون بذلك غير محتاجةلدول اخرى ... وحتى في كثير من الاحيانالدول الاخرى تحتاج الى العراق
العراقعدها نفط ؟؟؟ الامارات عدها نفط السعودية قطر نرويج بحرين الكويت امريكاوايران و وووو الخ .... اكو قسم بيهم عدهم ذهب همين يعنى حتى النفط ما يهم ..
العراقعندة زراعة ؟؟؟ حبيبي اني مهندس زراعي .. اكلك شي؟ العراق حتى الخسوالكرفس دا يستورد من ايران .. طماطة خيار هم ما عدنة .. الناتج المحلي مايكفي بس لدهوك ..
الناس تحتاج العراق ؟؟ ليهسة العراق دا يكدي كهرباء من تركيا و كويت

اعرف بالي كتله بس مدا يستغلون الي عدهم العراقيين
والارضي الي بالعراق مو قليلة ابد بس استغلالها بشكل جيد وزراعي 100% ماكو
بس بعدني وياك



هذولةالاشياءمو ايجابية بالعراق؟
لا لان جبتلك امثلة و براهين بغير دول احسن منه هم .. بس تريد اعددلك السلبيات ؟؟؟ اتوقع راح تطول المسالة ..


اي لو شفنا غيرنا وشفنا شكد هم مسوين لبلدهم رح نيأس للابد والعراق للاسوء الى الابد بهذا التفكير
بس رح ظل وياك

وكلشي سلبي موجود بالعراق هو منايادي وصنع الناس
لو حاولوا يغيروه لنجحوا بتغيرهمن سلبي الى ايجابي
وكلشي ايجابي بغير دول هو من صنع الناس يعني العمارات الناطحات الفنادق الابراج الي دا تنبني ب دبي مو الله خالقها الناس بنتها .

صح كلامك ... مشكلتنا دنفكر بغيرنا ودنشوف ونكول حيل منو رح يوصل لهذولة
وهم عدهم عقل وتفكير وابداع ونحنا ما عدنا ... والحقيقة هي اننا لا نقرق عن غيرنا بشيء

ورح ظل وياك لان دا احسك عراقي فعلاً... وعندك غيرة على وطنك



الايجابياتبالعراق الى الابد ايجابيات والسلبيات بالعراق يمكن بأي لحظة تتغير إذا فكرالعراقيين بتغيرها
اي جد جدي و جد ابوية و جدي و ابوية كانوا يتاملون يعدل الوضع .. بس بهذاك الوقت كان امان و هسة .. نحو الاسوءx4

جانوا يتأملون ...
ليش ابوية مو عراقي جدي مجان عراقي والي قبله مجان عراقي اخوانهم مجانوا عراقيين كرايبينهم واصدقائهم جيرانهم
كلهم كاعدين ويارب يصير العراق احسن ويارب يصير مثل الدبي ويارب يكون احلى من اوروبا ويارب ويارب ويارب
أي يا ابوية ويا جدي واجدادي سوه فد شي للعراق تحركوا ابنوا العراق
منو منتظرين ان يعمره امريكا لو امارات اخاف ايران لو كويت
سوه انتوا فد شي لبلدكم والله الموفق في ذلك

بهاي النقطة مجنت وياك ابد
شماس لينوس



طولتها عليك حبيبي العراقي و يمكنرحنا بغير مواضيع همين بس الي خلاني افتح هالموضوع هو انه انت بعدك متمسكبعراقيتك .. اني عايفها من زمااااان ....هههههه


بس حسيتك عراقي اصيل 100%
لان دا تحس بيها ... ويمكن حتى اكثر مني انت عراقي



شكراً شماس لينوس ... حبيت كلش المناقشا وياك من قلبي
واتمنى لو ما تزعجك اجوبتي التي خرجت من احاسيسي








http://img6.imageshack.us/img6/9113/nn3c8l2cm318521330.gif

[العراقي]

في النهاية والختام
وبعد مرور اسبوع مليء بالاسئلة والاجوبة
اود ان اشكر كل من سأل العراقي بموضوع افتح قلبك

الاخوان عمار ، يوسف ، لينوس ، هلكفت ، الوني
الاخوات روزالين ، هلكا ، دنيا ، كارمن ، الاء ، لانا ، حنان

كل الشكر الكم ولاسئلتكم الرائعة واستمتعت هذا الاسبوع جداً وياكم
اتمنى ما تكون اسئلتكم اخذت اجوبة غير جميلة ومستحقة من عندي
وجنت اتمنى البقية همينة لو جانت سألت العراقي
بس حصل الخير .. واتمنى الكل يكون بخير وسلامة
بأنتظار مواضيع مشابها حتى نلقاكم هناك بأذن الله
شكراً للكل

والى اللقاء

[يوسف]

كل الشكر لك اخي العزيز العراقي لاجوبتك الحلوة وروحك الجميلة

اتمنى دائما تحقق اهدافك وطموحاتك


وهسه خلص الاسبوع وراح نقفل الموضوع وبعد ماكو اي اسئلة......