مشاهدة النسخة كاملة : dany_wasfi
:vv:er:vv:er:vv:erبالبداية احب اشكر عزيزي العراقي على اختياري بأفتح قلبك :vv:er:vv:er:vv:er
::(::(::(لان الكثير بالمنتدى ما تعرفوا علية وبفتح قلبك رح يتعرفوا اكثر علية ::(::(::(
وهسة بأنتضار اسألتكم
:kl:ha::kl:ha::kl:ha:لا تخجلوا شي يجي بالكم اسألوا:kl:ha::kl:ha::kl:ha:
Rosaleen
08-2010-06, 12:03 AM
http://i.123g.us/c/friend_hello/card/102971.gif
مرحبا اخ داني شلونك وشلون الصحة انشالله بالف عافية
سعدين بتواجدك ويانا
فأهــــلا وسهـــــلا بحضرتك
ونبدي بالاسئلة البسيطة:
1. التحصيل الدراسي.... ؟
2. هواياتك ....؟
3. امنياتك او احلامك بالحياة.... ؟
4. كيف اتعرفت على المنتدى ؟
5. ليش اتحب الريال وتشجعهم ؟
سؤااااااااال عليه فلفل اسود هههههههه
6. شنو رأيك بموضوع نبذه عن تاريخ نادي البرشلونه والريال؟
7. منو همه اصدقاء داني داخل المنتدى , والي همه هم اصدقائه بخارجه؟
8. ما هو المفضل لديك من الامور التالية:
لون
اكلة
اغنية
فلم
كارتون
مسلسل
ممثل/ممثلة
مغني/مغنية
برنامج
كتاب
9. شنوه برجك ؟
10. شنوه نوعية موبايلك ؟ ههههههههههه
تحياتي وراجعيلك انشالله
مرحبا اخ داني شلونك وشلون الصحة انشالله بالف عافية
حمدلله وشكر
سعدين بتواجدك ويانا
واني هم سعيد بتواجدج ويانا وبمواضيعج الحلوة
فأهــــلا وسهـــــلا بحضرتك
ونبدي بالاسئلة البسيطة:
يلا نبدي
1. التحصيل الدراسي.... ؟
طالب بكلية علوم حاسبات وتكلنوجيا المعلوماتية
2. هواياتك ....؟
سباحة ونيت ومطالعة و كرة القدم
3. امنياتك او احلامك بالحياة.... ؟
امنيتي او حلمي اكون عائلة سعيدة مليئة بالفرح والسعادة والحب
4. كيف اتعرفت على المنتدى ؟
عن طريق موقع مانكيش بركن مواقع صديقة
5. ليش اتحب الريال وتشجعهم ؟
سؤااااااااال عليه فلفل اسود هههههههه
الفلفل الاسود الجاي من ايدج طيب
احب ريال لان يمتلك روح الرياضة والعب ومن يثور لا يستطيع احد ان يقف كدامة
6. شنو رأيك بموضوع نبذه عن تاريخ نادي البرشلونه والريال؟
موضوع حلو بس احسن لو يغيروه الي مناقشات ريالين وبرشاوين لان بس مناقشات دشوف مو تارخي
7. منو همه اصدقاء داني داخل المنتدى , والي همه هم اصدقائه بخارجه؟
داخل المندى صديقي العزيز عمار مجنت اعرفة بس من خلال اخ يوسف والاخوية اتعرفت عليه وصدك اريد يكون صديقي روح بروح خارج المنتدى لان كل صفات الحسنة بداخلة ومن خارج المنتدى بس عمار الي هوة تابع للمنتدى
8. ما هو المفضل لديك من الامور التالية:
لون
الازرق
اكلة
هريسة
اغنية
ماكو معينة بس احب الرومنسية والهادئة
فلم
سيد الخواتم
كارتون
اكيد توم وجيري
مسلسل
lost
ممثل/ممثلة
ويل سميث
مغني/مغنية
akon
برنامج
raw تابع لمصارعة حرة
كتاب
ماكو معين بس احب الروايات والعلمية
9. شنوه برجك ؟
الحوت
10. شنوه نوعية موبايلك ؟ ههههههههههه
nokia 6120 Classic
†Butterfly†
08-2010-06, 09:29 AM
اهلين اخ داني
نورت افتح قلبك
ماهي الكلمات الي تترد في ذهنك دائما؟
اقرب مشرف ومشرفه لك؟
ماهو الشئ الذي حققته وتفتخر به ؟؟
ما هو اقرب طريق لقلب المرأه :w:w:w:ww؟
بهاي اللحظة بالذات بشنو دا تفكر ...؟
اغلى شي عندك بالحياة شنو؟؟
احلى يوم مر بحياتك شنو؟؟ واسوء يوم :sa:dv؟؟
شنو احلى هديه حصلتها بحياتك ؟ ومنو الي اهداك ياها ؟
لكل منا نقطة ضعف فما هي نقطة ضعف داني(::)no ..؟؟
تحياتي الك اخ داني
مرحبا بالاخ العزيز داني
جدا سعيد لرؤيتك في افتح قلبك
واسئلتي هي
1- هل تعيش قصة حب الان؟؟
2- كيف ترى حياتك؟؟ هل هي سعيدة ام لا؟؟
3- ما هي مواصفات شريكة حياتك؟؟
4- ما هو العمر المناسب للزواج في نظرك؟؟ سواء للرجل او المرأة
5- قبل ان تدخل الى كليتك الحالية, هل كان لديك رغبة في كلية اخرى ام لا؟؟ وماهي ان كانت اجابتك نعم؟؟
6- هل تحب لعبة كرة القدم؟؟ ومن اي عمر انت تمارسها؟؟
7- هل تحب السفر؟؟ وهل تحب ترك العراق؟؟
8- ايهما تفضل, العيش في العراق ام العيش في بلد اخر؟؟
9- لو كان بامكانك تغيير ثلاثة اشياء في العالم, فماذا سوف تغير؟؟
10- ماذا يعني الدين المسيحي لك؟؟
تحياتي
ماهي الكلمات الي تترد في ذهنك دائما؟
متى سأكون عائلة ويمتلأء بيتي بالاولاد صغار
اقرب مشرف ومشرفه لك؟
عمار
ماهو الشئ الذي حققته وتفتخر به ؟؟
دخولي لجامعة
ما هو اقرب طريق لقلب المرأه ؟
كلام الرومنسي ودلعها
بهاي اللحظة بالذات بشنو دا تفكر ...؟
بحبيبتي الزعلانة
اغلى شي عندك بالحياة شنو؟؟
اهلي وحبيبتي
احلى يوم مر بحياتك شنو؟؟ واسوء يوم ؟؟
من تعرفت على حبيبتي احلى يوم جان واسوء يوم من غرقت بالمسبح وغميت عن الوعي
شنو احلى هديه حصلتها بحياتك ؟ ومنو الي اهداك ياها ؟
صليب ذهبي من حبيبتي
لكل منا نقطة ضعف فما هي نقطة ضعف داني ..؟؟
نقطة ضعفي من اكون وحيد بدون حبيب
- هل تعيش قصة حب الان؟؟
نعم اعيش
2- كيف ترى حياتك؟؟ هل هي سعيدة ام لا؟؟
سعيدة
3- ما هي مواصفات شريكة حياتك؟؟
طويلة الشعر بشرتها بيضة وذكية وجسمها وسط لا سمينة ولا ضعيفة
4- ما هو العمر المناسب للزواج في نظرك؟؟ سواء للرجل او المرأة
للرجل بين 25_30 سنة وللمرأة بين 23_27 سنة
5- قبل ان تدخل الى كليتك الحالية, هل كان لديك رغبة في كلية اخرى ام لا؟؟ وماهي ان كانت اجابتك نعم؟؟
نعم كانت رغبتي بهندسة كومبيوتر وكهرباء
6- هل تحب لعبة كرة القدم؟؟ ومن اي عمر انت تمارسها؟؟
نعم احبها ومن الصغر امارس
7- هل تحب السفر؟؟ وهل تحب ترك العراق؟؟
احب السفر ولاكن لا احب ان اعيش خارج العراق
8- ايهما تفضل, العيش في العراق ام العيش في بلد اخر؟؟
في العراق
9- لو كان بامكانك تغيير ثلاثة اشياء في العالم, فماذا سوف تغير؟؟
ان اغير نمط عيشنا وتفكير مجتمعنا واغير السياسة بالعراق
10- ماذا يعني الدين المسيحي لك؟؟
الدين المسيحي حمدلله وشكر اني مسيحي دين مسالم دين يبحث ان الضالمين ويرجعهم الى الحياة دين يختلف عن بقية الاديان كلها لانه دين سماوي حقيقي
†Butterfly†
08-2010-07, 02:15 PM
مرحبا اخ داني
مشكور على اجوبتك
هسا نرجع للاسئلة
كم مرة شردت بالمحاضرة واحرجك الأستاذ بسؤال؟
تدخل المحاضرات لو تضربها ههههههه؟؟؟؟
شنو المادة الي متحبها بالكلية؟؟؟
شون تقضي يومك؟؟؟
انت ضد فكرة التغرب لو وياها؟؟؟
ليش منطي للبنية فترة من 23 الى 27 للزواج؟؟
يعني الي اصغر والي اكبر مايصلحون للزواج؟؟؟؟
تحياتي الك اخ داني
amar adil
08-2010-07, 02:31 PM
مرحبا اخ داني شلون الصحة
هواية فرحت من شفت اسمك في موضوع افتح قلبك
بالبداية احب اشكرك لانك ذاكر اسمي في عدة مواضيع وايضا اشكرك لوصفك الجميل هذا دلالة على ذوقك الجميل واني همين يشرفني ان تكون صديقي
بالنسبة لاسئلتي راح اتكون عن اخوية الانتقال
1منو عرفك على اخوية الانتقال ؟؟
2شنو هو هدفك دخولك الاخوية ؟؟
3شلون شفت الاخوية واعضاء الاخوية ؟؟
4شلون شفت منهاج الاخوية ؟؟ اتحب اتغير او اتضيف فت شيء ؟؟
5خلال هل الفترة القليلة بالاخوية .. هل الاخ داني كون له زملاء واصدقاء في الاخوية ؟؟
6زين اخ داني .. شلون شفت اللقاء الترفيهي لاخوية لمن رحنا الى بارك دهوك ..وشنو جان شعورك لمن صعدنا على سفينة خو ما خفت مثلي ههههههههه واريد اعرف شعورك لمن صعدنا الصحن وبعد شوية اني وكعت عليك هههههههههههه
تحياتي الك يا داني الوردة
كم مرة شردت بالمحاضرة واحرجك الأستاذ بسؤال؟
بصراحة ولا مرة شردت بالمحاضرات واساتذة كلش يحبوني لان انتبة بالمحاضرة هواية
تدخل المحاضرات لو تضربها ههههههه؟؟؟؟
ولا محاضرة ما ضارب لان اذا اضرب محاضرة وحدة تنلاص علية
شنو المادة الي متحبها بالكلية؟؟؟
الاحصاء وكوردلوجي لان اني بعلوم حاسبات وما مهمة هل مادتين النا احصاء مال ادارة واقتصاد وكوردلوجي مال اداب
شون تقضي يومك؟؟؟
اكوم بصبح ما افطر وية العائلة لان اكوم متأخر افطر لوحدي وبعدها شوية اسمع اخبار
بعدها اصعد لغرفتي اكعد على النيت وافتر بالنيت والمنتدى وبعدها تصير العصر لو اروح كنيسة لو سوك لو يم اصدقائي لو طوبة العب بالملعب وبليل اذا عدها حبيبتي مجال نحجي اذا لا اكعد مرة لخ على نيت او اقرا انجيل او كتاب ديني
انت ضد فكرة التغرب لو وياها؟؟؟
قصدج ان نسافر برة اني ضدها لان هنا ولدت وهنا عشت وهنا ارضي وبيتي وطني ليش نبيعها ونروح برة حتى احتمال لا نتونس برة لان كل حياتنا تصبح شغل في شغل
ليش منطي للبنية فترة من 23 الى 27 للزواج؟؟
يعني الي اصغر والي اكبر مايصلحون للزواج؟؟؟؟
شوفي اني هواية اموري اعتمدها على العلم البنت جسديا تكون اسرع نضجآ من الولد والبنت بعمر 23 تكون بآحلى جمالها ومضهرها تكون حد الاقصى من الجمال وكن شافت الدنيا لان خلصت الجامعة وشافت الناس وما اعبر من 27 لان البنت تكون خلصت الفترة الشبابية وتصبح تتشيخ ولاكن ببطئ
مرحبا اخ داني شلون الصحة
حمدلله وشكر حبيبي
هواية فرحت من شفت اسمك في موضوع افتح قلبك
واني هم فرحت بمشاركتك بأسئلتك
بالبداية احب اشكرك لانك ذاكر اسمي في عدة مواضيع وايضا اشكرك لوصفك الجميل هذا دلالة على ذوقك الجميل واني همين يشرفني ان تكون صديقي
شكرا حب
بالنسبة لاسئلتي راح اتكون عن اخوية الانتقال
ماكو اشكال اسأل ولا يهمك
1منو عرفك على اخوية الانتقال ؟؟
اخ يوسف
2شنو هو هدفك دخولك الاخوية ؟؟
هدفي كان اقترب من احباء يسوع واتعرف اكثر على الناس وافرح وياهم
3شلون شفت الاخوية واعضاء الاخوية ؟؟
نفر نفر حلوين وزينين وكل واحد عندة ميزة معينة والأخوية طيبة
4شلون شفت منهاج الاخوية ؟؟ اتحب اتغير او اتضيف فت شيء ؟؟
زين وحاليآ ماكو شي براسي من تجي الفكرة اكولك
5خلال هل الفترة القليلة بالاخوية .. هل الاخ داني كون له زملاء واصدقاء في الاخوية ؟؟
بس انت وثانيآ عمار بعد وكت على هذا السؤال كلها كلها اسبوعين جاي للأخوية
6زين اخ داني .. شلون شفت اللقاء الترفيهي لاخوية لمن رحنا الى بارك دهوك ..وشنو جان شعورك لمن صعدنا على سفينة خو ما خفت مثلي ههههههههه واريد اعرف شعورك لمن صعدنا الصحن وبعد شوية اني وكعت عليك هههههههههههه
بصراحة هيج سفرات زينة حتى نشوف حقيقة كل واحد بينا ونتعرف على بعضنا اكثر واكثر ومال سفينة ما خفت لان بس من ربي اخاف بصراحة وغير اشياء شكد يكون مخوف ما اخاف ولا ارجف وغمض عيني مثلك الي جان ديصيح ماما بالصحن ولك انت غير خواف ههههههههههههه صير رجال حتى دكول حبيبتك هذا حبيبي قوي وما يخاف من اي شي صير مثلي تريد انطيك محاضرات مال خوف
تحياتي الك يا داني الوردة
والك هم حبيبي ولا تزعل من اجوبتي احبك
†Butterfly†
08-2010-07, 09:09 PM
مساء الخير اخ داني
رجعنا للاسئلة مرتلخ...
1.شون اتعرفت على حبيبتك؟؟
2.اهديلها بيت شعر هسا بالموضوع؟؟؟
3.اتخيل مثلا فد يوم دتخابر حبيبتك وموبايلها مقفل وبقى مقفل كم يوم.... شراح تسوي؟؟؟
4.شنو اخر هدية هديتها لحبيبتك؟؟؟
5. اكثر صفة تحبها حبيبتك بيك؟؟؟
6.اذ زعلتْ منك حبيبتك فد يوم شون تصالحها؟؟؟
اتمنى ماتكون اسئلتي مزعجة
وتحياتي الك
مساء الخير اخ داني
ومساء الياسمين فراشة
رجعنا للاسئلة مرتلخ...
واني احب الاسئلة
1.شون اتعرفت على حبيبتك؟؟
اولا من صغري جنت احبها حب طفولي ومن عرفت الحب بثالث متوسط حبيتها حب جنوني وبالسادس بدة الحب الحقيقي بيناتنا والحب الحقيقي جان من خلال الدراسة
2.اهديلها بيت شعر هسا بالموضوع؟؟؟
يا حبيبتى الغالية تعالي ونامي بقربي وادفئيني بحنانكي في الشتاء القارص وانا سأمتلئ قلبكي بحناني تعالي
اذا ما حلوة ابدلها
3.اتخيل مثلا فد يوم دتخابر حبيبتك وموبايلها مقفل وبقى مقفل كم يوم.... شراح تسوي؟؟؟
اني من ناحية خيانة ما اخاف لان عندي ثقة بيها ومن ناحية اخرى اذا بدون سبب قافل الجهازها وطولت اكثر من يوم اشيل نفسي واروح اشوف شصاير بيها لان ما اكدر اعيش بدونها
4.شنو اخر هدية هديتها لحبيبتك؟؟؟
مرح كول لانها هدية كل بناة يتمنونها
5. اكثر صفة تحبها حبيبتك بيك؟؟؟
حناني وطيبة قلبي
6.اذ زعلتْ منك حبيبتك فد يوم شون تصالحها؟؟؟
بصراحة هواية تزعل بس سبحان الله مستحيل يوصل يوم وألا ترجع لان هية هم ما تكدر بدوني وأذا زعلت جديات رح اراضيها بكل شي اغنيها اكولها شي رومنسي المهم ترجع
اتمنى ماتكون اسئلتي مزعجة
بالعكس اسألتج حلوة واني ما ازعج من اي سؤال حتى لو جان جارح لاني ابد من نوع ما ازعل والدليل ولا مرة ما زعلت من حبيبتي
هاي شكو شباب ترا يابسة مدشوف المشاركات بأسألتكم وينكم
اكو جماعة بعد ما سأئلين ليش اكو سبب
Rosaleen
08-2010-08, 01:09 AM
بالبداية اتشكرك لاجوبتك الحلوة
بس قبل لا نبدي بالاسئلة
مدكولي شتحب بصوت وبأغاني اكون ؟
ما احب فنه
ههههههههههههههههههه
وعدنا ويه الاسئلة:
1. حسب مدأشوف انو كلش اتحبها للمحبوبه
يا ترى هي هم ادبادلك نفس الحب لو انت شويه زياده؟
2. باجر عكبه اذا تخرجت بعون الله اتحب انو اتظل بالكلية او تتوظف او تفتحلك مكتب خاص بمجال تخصصك؟
3. شنو الي يعجبك بالبنت ؟
وشنوه الي تكرها؟
4. لو مر عليك يوم بدون ما تحجي ويه الحبيبة او تسمع صوتها شيصير بيك ؟ او شتحس ؟
5. اذكر :
اصعب يوم او موقف ....
احلى لحظة .....
اغرب صدفة .....
اتعس مرحلة .....
اسوأ سنة .......
6. منو من اهلك اكثر قريبين عليك ؟
واذا كتلك رتب الاتي حسب الاقرب عليك:
الصديق
الاخ
الاخت
الاب
الحبيبة
الام
الاقرباء
7.
"ان ما نسميه سر السعادة ليس اكثر من استعدادنا ان نختار الحياة"......ليو بوسكاليا
شنو رأيك او تعليقك على هذي المقولة او العبارة؟
8. حاليا عطلة , فشوكت تنام وشوكت تكعد من النوم؟ و الوقت الاجمالي بالنسبة لكعدتك عل نت كم ساعة باليوم ؟
9. تؤمن :
بالحب من اول نظرة؟
بالحب ما بعد العشرة ؟
تؤمن انو بعد كل كره محبة ؟
10. برأيك الغيرة عند المرأة اقوى لو عند الرجل ؟
وتحياتي
amar adil
08-2010-08, 08:41 AM
صباح الورد والياسمين اخ داني
شلون الصحة وشلونك ويه اسئلة اعضائنا الحلوين والمبدعين
بالبداية احب اشكرك على اجوبتك الحلوة والرائعة
بس ليش ورطت نفسك ويه الحبيبة .. خطية داني راح يستلموه البنات بالحبيات ههههههههه
نرجع الى الاسئلة .. اسئلتي اليوم راح اتكون همين عن الحب
هههههههههه
1 ما هو الحب بالنسبة لداني ؟؟
2 هل الحب قدر ام اختيار ؟؟ ولماذا ؟؟
3 الحب كلمة ام احساس ؟؟ ولماذا ؟؟
4 هل تعترف بالحب من طرف واحد ؟؟
5 برأيك الحب بداية ابتسامة ام مقدمة للدموع ؟؟
6 هل الحب عبر الانترنيت ممكن ؟؟ وما هي الايجابيات والسلبيات في ذلك ؟؟
7 هل الغيرة ضرورية في الحب وما هو دورها سلبي ام ايجابي ؟؟
8 هل ممكن داني ان يحب اكثر من مرة ؟؟
مع تحياتي يا داني الوردة
amar adil
08-2010-08, 08:47 AM
6زين اخ داني .. شلون شفت اللقاء الترفيهي لاخوية لمن رحنا الى بارك دهوك ..وشنو جان شعورك لمن صعدنا على سفينة خو ما خفت مثلي ههههههههه واريد اعرف شعورك لمن صعدنا الصحن وبعد شوية اني وكعت عليك هههههههههههه
بصراحة هيج سفرات زينة حتى نشوف حقيقة كل واحد بينا ونتعرف على بعضنا اكثر واكثر ومال سفينة ما خفت لان بس من ربي اخاف بصراحة وغير اشياء شكد يكون مخوف ما اخاف ولا ارجف وغمض عيني مثلك الي جان ديصيح ماما بالصحن ولك انت غير خواف ههههههههههههه صير رجال حتى دكول حبيبتك هذا حبيبي قوي وما يخاف من اي شي صير مثلي تريد انطيك محاضرات مال خوف
هههههههههههه
لا اخ داني كبرتها السالفة اهواية هسة الي دايسمع يكول هذا اشكد خواف ههههه اني ما صيحت بابا ولا ماما صحيت جدو ههههههههه
اني اعترف بالالعاب مال دريم ستي ومال بارك دهوك اخاف بس اغمض عيني من بداية اللعبة الى نهايتها بس ما اصيح ماما هههههههههه
لان شوية كلبي ضعيف بهيجي اشياء ههههههه
carmen
08-2010-08, 10:33 AM
مرحباً اخ داني
شلونك وشلون الاسئلة وياك والي دتزخ مثل المطر عليك ههههههههه
1-ما هي أجمل مرحلة في حياتك ؟
2- داني من تزعل حبيبتك اشلون تراضيها؟؟
3- من هو كاتم أسرارك ؟
4- شنو هو أكثر شيء يثير خوفك ؟
5- غرق المنتدى ومعك قارب لا يحمل الا ثلاثه منو تأخذ معك ؟
6- أين تجد راحة البال ... ؟
7-
•°• مـتـى •°•
- تبكي بحرقه ... ؟
- تجلس لوحدك ... ؟
- تكول لا ... ؟
- تكون أناني ... ؟
وراجعييييييييييين
Deacon Leenos
08-2010-08, 12:50 PM
مرحبا اخي داني ... بصراحة بصراحة ما كنت متوقع شخصيتك هيجي عبالي انت فقير مسكين ما يطلع حجي منك هادئ ,, بس طلعت بلاوي ههههههههههههههههههههههههههههه .. يعني حبيبتي و حبي و تعالي نامي بقربي و ما ادري شنوو ههههههههههههههههههههههههههههههه
خوما زعلت ؟؟؟؟ ترى دا اتشاقى .. صراحة هيجي اريدك جرئ والنعم منك. يعني اكو يحبون بس من واحد يسالهم ينكرون ..
زين خلي اسالك كم سؤال ..
انت شوكت مقرر تتزوج .. يعني مخلي ببالك تاريخ معين ؟؟ او يعجبك تاريخ معين ؟؟ مثلا اكو قسم يحبون 5/5 او 6/6 او 7/7 و هكذا ...
شون كان شعورك من شاركت بتمثيلية الام المسيح ؟؟؟
حبيت دورك ؟؟
لو كان بكيفك تختار يا دور كنت تختار ؟؟
شنو رايك اذا واحد يحب و ينكر ؟؟ او يضم مشاعره لحد يحس بيه ؟؟
و هسة حاليا كافي .. اشوفك بعدين ..
1. حسب مدأشوف انو كلش اتحبها للمحبوبه
يا ترى هي هم ادبادلك نفس الحب لو انت شويه زياده؟
تقريبآ احنا متساوين بالحب
2. باجر عكبه اذا تخرجت بعون الله اتحب انو اتظل بالكلية او تتوظف او تفتحلك مكتب خاص بمجال تخصصك؟
بصراحة نيتي اخذ ماجستير وهم افتح مكتب لية واوسع شغلي
3. شنو الي يعجبك بالبنت ؟
وشنوه الي تكرها؟
البنت عدها ذكاء بعدة امور وهم شخصيتها والي اكره بيها من تحجي حجي بلا طعم وما اله فايدة
4. لو مر عليك يوم بدون ما تحجي ويه الحبيبة او تسمع صوتها شيصير بيك ؟ او شتحس ؟
احس بضيق شديد واحس بتعاسة
5. اذكر :
اصعب يوم او موقف ....
يوم من راحوا بيت جدي لخارج وصرنا احنا بوحدنا بدهوك وموقف من غرقت بالمسح جنت بصف الثالث
احلى لحظة .....
يتعلق شي يخصني ويخص حبيبتي
اغرب صدفة .....
ما اتذكر عندي صدفة غريبة
اتعس مرحلة .....
من جنت برابع اعدادي
اسوأ سنة .......
2003
6. منو من اهلك اكثر قريبين عليك ؟
واذا كتلك رتب الاتي حسب الاقرب عليك:
الصديق
الاخ
الاخت
الاب
الحبيبة
الام
الاقرباء
الحبيبة
الام
الاب
الاخ
الاخت
الصديق
الاقرباء
7."ان ما نسميه سر السعادة ليس اكثر من استعدادنا ان نختار الحياة"......ليو بوسكاليا
شنو رأيك او تعليقك على هذي المقولة او العبارة؟
السعادة هية في الحياة المليئة بالاشياء الغريبة والعجيبة والمفرحة والسعيدة فأذا انت تعيش في هذه الحياة فأعلم انك سعيد
8. حاليا عطلة , فشوكت تنام وشوكت تكعد من النوم؟ و الوقت الاجمالي بالنسبة لكعدتك عل نت كم ساعة باليوم ؟
انام ساعة ثنتين او تلاثة بليل و اكعد ساعة عشرة
ومال كعدتي على النيت الاجمالي 5 ساعات الى 7 ساعات
9. تؤمن :
بالحب من اول نظرة؟
نعم
بالحب ما بعد العشرة ؟
شوية صعبة أمن بي
تؤمن انو بعد كل كره محبة ؟
اي اؤمن
10. برأيك الغيرة عند المرأة اقوى لو عند الرجل ؟
عند الرجل
وتحياتي
والج هم وشكرا على الاسئلة
1 ما هو الحب بالنسبة لداني ؟؟
الحب شيء جميل على كل واحد من البشر ان يعيشه لانك ستعيش في السعادة والفرح صح اكو تصير مشاكل وزعل وتنقهر بس حتى هاي الامور بالحب طيبة والحب اروع شي بالحياة
2 هل الحب قدر ام اختيار ؟؟ ولماذا ؟؟
شوف عندي اختيار لان كل واحد بنفسة يكدر يرسم مستقلة وليس القدر
3 الحب كلمة ام احساس ؟؟ ولماذا ؟؟
احساس لان الحب يحتوي على مشاعر واحاسيح حلوة
4 هل تعترف بالحب من طرف واحد ؟؟
اي مثلي بداية جان حب من طرف واحد
5 برأيك الحب بداية ابتسامة ام مقدمة للدموع ؟؟
ثنيناتهم حسب تجربتي
6 هل الحب عبر الانترنيت ممكن ؟؟ وما هي الايجابيات والسلبيات في ذلك ؟؟
ممكن وشايف ناس تزوجوا من خلال النيت حبوا بعضهم السلبيات بالحب خلال النيت صفات الشخص ما تطلع كاملتآ وايجابياتها اسهل طريقة لتواصل
7 هل الغيرة ضرورية في الحب وما هو دورها سلبي ام ايجابي ؟؟
الغيرة ضرورية بس لحد معين اذا ازدادت رح تصير مشاكل اذا تكون قليلة تكون عادية وطبيعية
8 هل ممكن داني ان يحب اكثر من مرة ؟؟
صعبة احب غير وحدة والدليل هواية ولد يتزوجوا ويضلون يباوعون على البنات بعكسي صدك لو ملكة جمال كدامي ولا ادير بال
مع تحياتي يا داني الوردة
وتحياتي الك يا حب
مرحباً اخ داني
مرحبتين اخت كارمن
شلونك وشلون الاسئلة وياك والي دتزخ مثل المطر عليك ههههههههه
عادي ولا يهمج داني صخر
1-ما هي أجمل مرحلة في حياتك ؟
من دخلت لجامعة
2- داني من تزعل حبيبتك اشلون تراضيها؟؟
اني مجاوب على هذا السؤال ورح عيدها اكولها كلام رومنسي او اغنيها اغنية اوادزها شعر حلو المهم ترضى وعسي اروح عدها وابوسها بس ترضى
3- من هو كاتم أسرارك ؟
حبيبتي
4- شنو هو أكثر شيء يثير خوفك ؟
ما تصير القسمتنا اكثر شي دخاف منى
5- غرق المنتدى ومعك قارب لا يحمل الا ثلاثه منو تأخذ معك ؟
سؤال صعب اكيد عمار والباقين بعد ما اعرف
6- أين تجد راحة البال ... ؟
في حضن حبيبتي
7-•°• مـتـى •°•
- تبكي بحرقه ... ؟
من واحد احبة ويفترق عني
- تجلس لوحدك ... ؟
من اكون عصبي حتى ما ازعج احد
- تكول لا ... ؟
اكول لا من اكون الصح وغيري ينكر هذا شي
- تكون أناني ... ؟
مو من نوع الاناني وما صاير اي مرة اناني
زين خلي اسالك كم سؤال ..
اسأل براحتك حب
انت شوكت مقرر تتزوج .. يعني مخلي ببالك تاريخ معين ؟؟ او يعجبك تاريخ معين ؟؟ مثلا اكو قسم يحبون 5/5 او 6/6 او 7/7 و هكذا ...
اني والحبيبة مقررين 15\4 لان يوم يخصنا احنا الاثنين
شون كان شعورك من شاركت بتمثيلية الام المسيح ؟؟؟
بصراحة شعور الفرح جان لان دسوي شي يفرح حبيبي يسوع
حبيت دورك ؟؟
اكيد حبيت دوري
لو كان بكيفك تختار يا دور كنت تختار ؟؟
بصراحة ماكو دور معين بس دور التلميذ عجبني
شنو رايك اذا واحد يحب و ينكر ؟؟ او يضم مشاعره لحد يحس بيه ؟؟
شوف هذا النوع من الناس دتخاف يفشل حبها و من يجيها خطابة ما دكول هذا حب وما اعرف شنوا لهذا تكتم حبها حب سري يكون واني ما من هذا النوع
و هسة حاليا كافي .. اشوفك بعدين ..
اوكي حب نشوفك
amar adil
08-2010-08, 10:10 PM
5- غرق المنتدى ومعك قارب لا يحمل الا ثلاثه منو تأخذ معك ؟
سؤال صعب اكيد عمار والباقين بعد ما اعرف
شكرا حبي داني بس لا تنسى لفة الفلافل حتى ناكلها سوية ونحن دانغرق هههههههههههه
شكرا حبي داني بس لا تنسى لفة الفلافل حتى ناكلها سوية ونحن دانغرق هههههههههههه
هم رح نجيب دولمة وجاي ونسولف براحتنا
sportman83
08-2010-09, 01:35 AM
مرحبا داني امنور افتح قلبك
شلونك شخبارك ان شاءالله تمام
حبيت اسالك كم سؤال متنوع اذا ماكو مانع
ياهو اتفضل الرجل الشجاع ام الرومانسي ؟ ام اثنيناتهم؟
وياهو اتفضلها المرأة الشجاع ام الرومانسي؟
عرفنا انت اتشجع ريال بس يا منتخب اتشجع ؟
اني اكول مستحيل ريال تاخذ الدوري .فانت شتكول ؟ مو عموري ههههههههههه
هل تمارس الرياضه اليوميه ؟ قصدي عندك وقت مخصص يومي للرياضه ؟
انت يامركز تلعب قدم ؟ وانت خوش لاعب لو مثل عموري والريالين ههههههههه
مع تحياتي وسلامي الك
مرحبا داني امنور افتح قلبك
شلونك شخبارك ان شاءالله تمام
تمام حبيبي
حبيت اسالك كم سؤال متنوع اذا ماكو مانع
اكيد حبيبي ماكو مانع
ياهو اتفضل الرجل الشجاع ام الرومانسي ؟ ام اثنيناتهم؟
الشجاع لبرة البيت والرومنسي داخل البيت
وياهو اتفضلها المرأة الشجاع ام الرومانسي؟
المرأة كزوجتي اريدها رومنسية وغيرها اريدها شجاعة
عرفنا انت اتشجع ريال بس يا منتخب اتشجع ؟
اشجع المانيا من ايام التسعينات
اني اكول مستحيل ريال تاخذ الدوري .فانت شتكول ؟ مو عموري ههههههههههه
حبيبي الطوبة غريبة عجيبة انت جنت متوقع المانيا تطلع او ارجنتين الي جانت دبدع بالبداية افهم بالدوري كل شي عجيب غريب واتوقع هلسنة ريالية لان كافي شبعتوا يا اهل برشا
هل تمارس الرياضه اليوميه ؟ قصدي عندك وقت مخصص يومي للرياضه ؟
اي امارس رياضة بالعصر وية اصدقائي او هرولة بصبح ساعة 6 صبح
انت يامركز تلعب قدم ؟ وانت خوش لاعب لو مثل عموري والريالين ههههههههه
اولا اني مكاني بدفاع ويسموني الدفاع المكسر الحلالي لان اكسر بس بطريقة الحكم يكول مو سوجي الاعب بنفسة وكع واحنا عدنا فريق خاص النا بس نصهم مسافرين ورح يرجعون ويلعبون تحدي وية جماعة يوسف ولواعبينة
amar adil
08-2010-09, 08:13 AM
اني اكول مستحيل ريال تاخذ الدوري .فانت شتكول ؟ مو عموري ههههههههههه
حبيبي الطوبة غريبة عجيبة انت جنت متوقع المانيا تطلع او ارجنتين الي جانت دبدع بالبداية افهم بالدوري كل شي عجيب غريب واتوقع هلسنة ريالية لان كافي شبعتوا يا اهل برشا
اني اتفق ويه اخ داني لان عقله الكروي ريالي ههههههههههه
لا عيني اخ سبورت مان ريال راح تاخذ الدوري وانتوا الشاكرين هههههههههههههههه
hanan
08-2010-09, 08:34 AM
مرجبا اخ داني في بافتح قلبك انشاء الله تقضي اوقاتا طيبة مع اسئلة اعضاء المنتدى وهاي الاسئلة
1 - هل انت صريح مع حبيبتك وتبوح لها كل شئ ام تكتم عنها بعض الاسرار ؟
2 - هل تحب ان تعيش لوحدك بعد الزواج وتريح نفسك وحبيبتك ام تعيش مع اهلك ؟
3 - هل تحب السفر خارج العراق واي دولة تفضلها ؟
4 - ما هي امنيتك في المستقبل ؟
amar adil
08-2010-09, 02:36 PM
مساء الخير اخ داني شلون الصحة
نرجع الى الاسئلة
1 اخ داني هل حسيت في يوم من الايام بالضعف ؟؟ وشوكت جان؟؟
2 شنو احلى ذكرى في حياتك ومستحيل تنساها؟؟
3 لو رجع بك الزمن الى الوراء منو تتمنى ان يرجع الك؟؟
4 زين اخ داني مثل ما ادشوف اسئلة اعضائنا المبدعين تتحدث عن حبيبة داني .. اذا اكلك اكتب عن احلامك الرومانسية ؟؟ ماذا ستكتب ؟؟
5 شنو هي ردة فعل داني عندما تقول له حبيبته احبك نعم .. اتزوجك لا ؟؟ انشاء الله هذا الشيء ما يحدث وانما هذي فريضة
6 شنو هي الاشياء الي تخلي داني يتمسك بحبيبته ؟؟
تحياتي الك يا وردة
1 - هل انت صريح مع حبيبتك وتبوح لها كل شئ ام تكتم عنها بعض الاسرار ؟
اني صريح وياها بكل شي
2 - هل تحب ان تعيش لوحدك بعد الزواج وتريح نفسك وحبيبتك ام تعيش مع اهلك ؟
هذا الي يعيش وية اهلة مستحيل يعيش بسعادة فأكيد اعيش بوحدي ومرتاح اكون
3 - هل تحب السفر خارج العراق واي دولة تفضلها ؟
اي احب اسافر بس كسفر مو اطلع واحب اروح لبنان
4 - ما هي امنيتك في المستقبل ؟
ان يكون لي بيت وعائلة واطفال كتاكيت حلوين
مساء الخير اخ داني شلون الصحة
بخير وبأتم الحال
نرجع الى الاسئلة
يلا
1 اخ داني هل حسيت في يوم من الايام بالضعف ؟؟ وشوكت جان؟؟
نعم حسيت من جنت برابع اعدادي
2 شنو احلى ذكرى في حياتك ومستحيل تنساها؟؟
اكو ذكرى بس اسف ما اكدر اكول اسف حبيبي عمار
3 لو رجع بك الزمن الى الوراء منو تتمنى ان يرجع الك؟؟
ايماني لان اني ما اهتميت بالصغر بديني هواية
4 زين اخ داني مثل ما ادشوف اسئلة اعضائنا المبدعين تتحدث عن حبيبة داني .. اذا اكلك اكتب عن احلامك الرومانسية ؟؟ ماذا ستكتب ؟؟
اتزوج حبيبتي عندي بعد بس مرح كولها
5 شنو هي ردة فعل داني عندما تقول له حبيبته احبك نعم .. اتزوجك لا ؟؟ انشاء الله هذا الشيء ما يحدث وانما هذي فريضة
اكيد هذا النوع من البنات ديلعبون واصلا ما يعرفوا معنى الزواج ردت فعلي اكولكها بأي شوفي غيري غشيم العبي وياه
6 شنو هي الاشياء الي تخلي داني يتمسك بحبيبته ؟؟
شخصيتها وذكائها ولان احبها من الصغر
مرحبا داني
صراحة تعرفنا عليك اكثر من خلال هذا القسم, واكيد احنا سعيدين جدا
والاسئلة الاخرى هي
1- لو خيروك بين البقاء في العراق, وبين العيش في بلاد اجنبية مع منحك مبلغ من المال ووظيفة جيدة, ماذا تختار؟؟
2- افرض احنا هسه بسنة 2030 يعني مرت 20 سنة, شلون تريد تكون حالك وشغلك؟؟
3- لو اجبروك ان تختار شخص لكي يموت بدل جميع البشر, ولا يمكنك ان تختار نفسك, فمن تختار؟؟ واذا لم تختار سوف يموت جميع الناس.
4- في اية ساعة تنام؟؟ وفي اية ساعة تستيقظ؟؟
5- كيف تقضي يوم؟؟
6- هل تحب القرأة؟؟؟ واي الكتب تحب اكثر؟؟
7- هل تحب البرمجة؟؟ واي اللغات تتقن؟؟
تحياتي
- لو خيروك بين البقاء في العراق, وبين العيش في بلاد اجنبية مع منحك مبلغ من المال ووظيفة جيدة, ماذا تختار؟؟
اني ديني ما ابيعة بمليار من الدولار وطني هم نفس الحالة
2- افرض احنا هسه بسنة 2030 يعني مرت 20 سنة, شلون تريد تكون حالك وشغلك؟؟
اريد انعم بأولادي واريد اكون بيت وابني بنفسي لان عندي مخيلة جبيرة بخصون شون يكون بيتي ومال شغلي اكون استاذ جامعي ويكون عندي مكتب يخص كومبيوتر والامور الالكترونية بجميع الاختصاصات
3- لو اجبروك ان تختار شخص لكي يموت بدل جميع البشر, ولا يمكنك ان تختار نفسك, فمن تختار؟؟ واذا لم تختار سوف يموت جميع الناس.
سؤالك جبير بس عقلي هم جبير جوابي واحد محكوم بالاعدام
4- في اية ساعة تنام؟؟ وفي اية ساعة تستيقظ؟؟
حسب السهرة مرات 4 مرات 3 اذا ما عندي شي ساعة 10 او 11
5- كيف تقضي يوم؟؟
هذا السؤال مكرر
6- هل تحب القرأة؟؟؟ واي الكتب تحب اكثر؟؟
اي احب الدينية والكتب الروائية والامور العلمية وحتى مشارك بمجلة علمية تجيني كل شهر مرة
7- هل تحب البرمجة؟؟ واي اللغات تتقن؟؟
اي احب البرمجة واحب لغة ++c وسنة جاية بعد اتعلم غير لغات
Deacon Leenos
08-2010-10, 10:28 AM
مرحبا داني .. شونك .. شنو توقعاتك لسنة 2012 ؟؟؟
تتوقع تخرب الدنيا ؟؟؟
Amy Albarwee
08-2010-10, 02:33 PM
مرحبا اخ داني شلون الصحة انشالله مرتاح
حبيت اسئلك كم سؤال
1- رتب الكلمات الاتية بحسب اهميتها لك:
الحب - المستقبل - العائلة - المال - الصداقة
2- لو يرجع الزمن لي ورا شنو هوا اول شي الي راح تسويه او تغيره ؟
3- لو كانت حياتك قصة فما هو عنوانها؟
4- هل سبق وحسيت بهذا الاحساس وهو الانسان ميحس بقيمة الاخر الا لمن يفقده ؟
5- لو وضعت امام 3 ابواب :
باب الحظ
باب الحب
باب المال
اي باب راح تدخل ؟
6- لو التقيت بالمصباح السحري وعندك 3 امنيات شراح تتمنى ؟
7- من هم الاعضاء الذين تفتقدهم او تشعر بغيابهم؟
8- خمسة أعضاء تتابع كتاباتهم بعناية ، ولماذا ؟
مع تحياتي
مرحبا داني .. شونك .. شنو توقعاتك لسنة 2012 ؟؟؟
تتوقع تخرب الدنيا ؟؟؟
حبيبي اعتقد انت مهتم بهذا الامر واني هواية فتحت كتب ورحت مواقع والي استنجتتة الدنيا مستحيل تخرب وانما يصير شي هواية من البشر رح تتأذا واتوقع مجموعة كبيرة رح تكون في عداد الموتى لان ضروف رح تجي للارض مجاية ابدأ ورح تكون فترة وتخلص
1- رتب الكلمات الاتية بحسب اهميتها لك:
الحب - المستقبل - العائلة - المال - الصداقة
الحب العائلة الصداقة المستقبل المال
2- لو يرجع الزمن لي ورا شنو هوا اول شي الي راح تسويه او تغيره ؟
سؤال مكرر
3- لو كانت حياتك قصة فما هو عنوانها؟
انسان الطموح والمثابر
4- هل سبق وحسيت بهذا الاحساس وهو الانسان ميحس بقيمة الاخر الا لمن يفقده ؟
نعم حسيت
5- لو وضعت امام 3 ابواب :
باب الحظ
باب الحب
باب المال
اي باب راح تدخل ؟
باب الحب
6- لو التقيت بالمصباح السحري وعندك 3 امنيات شراح تتمنى ؟
السلام للعالم اجمع والمحبة بين جميع البشر وان لا يصبح احد من البشر فقيرآ
7- من هم الاعضاء الذين تفتقدهم او تشعر بغيابهم؟
اكو سماثا غاية من فترة وما اعرف اي شي عنها
8- خمسة أعضاء تتابع كتاباتهم بعناية ، ولماذا ؟
عمار وفراشة ودنيا ويوسف وانتي
لأن يتعبون بالمنتدى
كيف الحال
اخ داني
بخير يارب
شخبارك ويا الاسئلة والاعضاء
انشاء الله مرتاح وياهم
عندي الك كم سؤال
اتمنى ما يكونون ثقال عليك
س1- برجك ؟
س2- حكمة تؤمن بها ؟
س3-رقمك المفضل ؟
س4-ايهما تفضل قلمك ام لسانك؟؟؟؟؟؟؟؟؟
س5-هل القلب قادر على نسيان جراحه..؟
س6-متى تشعر أن الدنيا لا تساوي شئ؟؟
س7-ماهو الســـــــــــؤال الذي لا تحب أن يســــــــألك به أحـــــــــــد ؟؟؟
س8-ومن خلال تواجدك مع اعضـاء منتداك..أكثر عضو بعجبك أسلوبه و يهمك وجوده..!
س9- أعضــاء لن تنساهم حتى بعد مغادرتك المنتدى..!
س10-هل تريد ان تقول شئ قبل ان تغادر..؟
في النهاية تقبل تحياتي
واتمنى ان تقضي وقت جميل بالاجابة على هاي الاسئلة
واتنمالك الموفقية والحياة السعيدة
كيف الحال
اخ داني
بخير والحمدلله
بخير يارب
شخبارك ويا الاسئلة والاعضاء
انشاء الله مرتاح وياهم
مرتاح هواية
عندي الك كم سؤال
اتمنى ما يكونون ثقال عليك
لا ولو عادي
س1- برجك ؟
حوت
س2- حكمة تؤمن بها ؟
برا برا بازار جودايه
س3-رقمك المفضل ؟
7
س4-ايهما تفضل قلمك ام لسانك؟؟؟؟؟؟؟؟؟
قلمي لان يبقى لا يمحي
س5-هل القلب قادر على نسيان جراحه..؟
شوية صعبة ينسى
س6-متى تشعر أن الدنيا لا تساوي شئ؟؟
عندما تفقد كل احبائك
س7-ماهو الســـــــــــؤال الذي لا تحب أن يســــــــألك به أحـــــــــــد ؟؟؟
حاليآ من هية حبيبتي
س8-ومن خلال تواجدك مع اعضـاء منتداك..أكثر عضو بعجبك أسلوبه و يهمك وجوده..!
بصراحة اكو تلاثة فراشة روزالين ودنيا
س9- أعضــاء لن تنساهم حتى بعد مغادرتك المنتدى..!
كلكم نفرنفر
س10-هل تريد ان تقول شئ قبل ان تغادر..؟
مشتاقن لكي حبيبتي ...........
amar adil
08-2010-11, 09:00 AM
هلو اخ داني شلون الصحة وشلونك ويه الاسئلة
1 ما هي رؤيتك للحياة ؟
2 قبل اسمك ماذا تحب ان تكتب؟
3 باقة ورد لمن تهديها؟
4 لو معك 3 رصاصات لمن توجهها؟بس لا اتوجه وحدة عليه ههههههههه
7 رسالة حب لمن تهديها؟
8 متى يقسو قلبك؟
9 انت بطريق وانا بطريق لمن تقولها؟
10 لو كان لك حرية الاختيار اكثر من قرار في المنتدى ماذا ستقرر ان تفعل ؟ اشتغلت الخباثة ههههههههه
مع تحياتي يا وردة
ما هي رؤيتك للحياة ؟
الحياة بنسبة الية هية امتحان واذا ننجح نروح الحياة الابدية اذا نسقط نموت وما نحيا من جديد
2 قبل اسمك ماذا تحب ان تكتب؟
استاذ داني
3 باقة ورد لمن تهديها؟
لحبيبتي
4 لو معك 3 رصاصات لمن توجهها؟بس لا اتوجه وحدة عليه ههههههههه
للكراهية والفقر والجهل
7 رسالة حب لمن تهديها؟
الى حبيبتي
8 متى يقسو قلبك؟
من اشعر اني مضلوم حتى ابوية مرح يوكفني
9 انت بطريق وانا بطريق لمن تقولها؟
بصراحة ما دفهم شتقصد اسف ما فاهم السؤال
10 لو كان لك حرية الاختيار اكثر من قرار في المنتدى ماذا ستقرر ان تفعل ؟ اشتغلت الخباثة ههههههههه
اولا جنت ابدل ستايل لان شوية صار قديم واحب التغير هواية اني وثانيا جنت اخلي مسابقات وجوائزها لو مادية واذا مو مادية نخليها نزيد المشاركات وننطي للفائز اوسمة جنت اخلي روح المنافسة بالمنتدى
الاء حامد
08-2010-11, 04:32 PM
الاخ داني مرحبا وسلام المسيح لك
طبعا اسعدنا تواجدك في افتح قلبك وكنت موفق في اجاباتك
واسفة لتأخري عن الحضور في متصفحك لاسباب اعتلتني
منذ اليوم الاول من ظهورك افتح قلبك وكم سعيدة لاختيارك
بغية التعرف عليك كونك عضوا مميزا بتواجدك شبكتنا,, لك كل الود والمحبة
اكيد ان الاخوة والاخوات سبقوني في اكثير من الاسئلة واذا كانت اسئلتي متشابه
لك الخيار في تركها او الاجابة عليها وانشالله سأكون خفيفة الظل عليك
1- الاخ داني من خلال اجاباتك اكتشفت انك وحبيبتك قد عقد الود بينكما ولايبعدكم عن بعض الا ريب المنون. سؤالنا ما بالك عندما يحيل حائل دون تقاربكما ؟ شو تعمل هكذا كان سؤالنا ؟ وهل تؤمن بالقضاء والقدر والنصيب ؟
2- الاخ داني صف لنا الحياة بالنسبة لك؟ وهل انت ممن يدعون ان الحياة عبط وجودها ولا داعي لبقائنا احياء فيها ؟؟
3- الاخ داني كيف تنظر للانتحار ؟ ومثالا لو ضاقت بك الدنيا بما رحبت هل تفكر به ؟
4- اخ داني يقولون ان اعظم بؤس بالعالم بؤس رجل ضاع اثره في صحراء قاحلة وفأصابه الظمى والعطش فكلما تصور الماء امامه وجده سرابا ؟؟ بنظرك ماهو اعظم بؤس في الدنيا ؟وهل ما يمر به شعبنا لا يصف بالمحال ؟ وماذا تقول لمن يكفرون شعبنا ويقتلون ابنائه ؟؟
5- يصفون احيانا الابوين بأنهم ربين سؤالنا ايهما الاقرب الى قلبك امك ام ابوك ولماذا ؟
6- بماذا تصنع لو كان احد ابويك سبب بأبتعاد حبيبتك عنك التي ذكرت حبها كثيرا في اجاباتك ؟؟
7- متى تشعر بالسعادة ومتى تشعر بخيبة امل ؟
8- ماذا يعني لحياتك المسيح ؟ واي من القديسين تطلب منه ان يبارك حياتك ؟؟
9- تأمل في الاية التي اضعها في توقيعي ,, فبماذا تعني لك هذه الاية ؟؟
اخيرا اشكر سعة صدرك بتحمل عبأ اسئلتي وثقلها ولنا عودة معك مع الود والمحبة
1- الاخ داني من خلال اجاباتك اكتشفت انك وحبيبتك قد عقد الود بينكما ولايبعدكم عن بعض الا ريب المنون. سؤالنا ما بالك عندما يحيل حائل دون تقاربكما ؟ شو تعمل هكذا كان سؤالنا ؟ وهل تؤمن بالقضاء والقدر والنصيب ؟
اؤمن بالقضاء والقدر احيانآ بس مو هواية وحائل دون تقاربنا هذا السؤال كلش محيرني بس رح سوي شي الي رح يرضى الجميع بي
2- الاخ داني صف لنا الحياة بالنسبة لك؟ وهل انت ممن يدعون ان الحياة عبط وجودها ولا داعي لبقائنا احياء فيها ؟؟
شوفي اولا الرب سوا هاي الحياة لكي ندخل بتجاربها ونشوف بنهاية رح ننجح بيها لو لا
والنتيجة اما نعيش حياة ثانية او نذهب الى الجهيم
3- الاخ داني كيف تنظر للانتحار ؟ ومثالا لو ضاقت بك الدنيا بما رحبت هل تفكر به ؟
الانتحار اعتبرة مثل ابتعدت من الرب واقتربت من الشيطان
واني اي فكرت بهذا الشي والسبب اهلي
4- اخ داني يقولون ان اعظم بؤس بالعالم بؤس رجل ضاع اثره في صحراء قاحلة وفأصابه الظمى والعطش فكلما تصور الماء امامه وجده سرابا ؟؟ بنظرك ماهو اعظم بؤس في الدنيا ؟وهل ما يمر به شعبنا لا يصف بالمحال ؟ وماذا تقول لمن يكفرون شعبنا ويقتلون ابنائه ؟؟
اني ضجت من سمعت هذا السوال لان شفت الضلم بحياتي ابد ما شايفة من الورى الي دصير بأهلنا
5- يصفون احيانا الابوين بأنهم ربين سؤالنا ايهما الاقرب الى قلبك امك ام ابوك ولماذا ؟
امي صح عندي بينها وبيني عناد بهواية اشياء بس احس علاقتي وية امي اقرب بهواية من ابوية
6- بماذا تصنع لو كان احد ابويك سبب بأبتعاد حبيبتك عنك التي ذكرت حبها كثيرا في اجاباتك ؟؟
شون يبعدوني عن التفكير المستقبلي اني هم رح ابتعد عنهم ومرح اخلي يشوفوني ابدا
7- متى تشعر بالسعادة ومتى تشعر بخيبة امل ؟
رح اشعر بسعادة من اشوف نتائج طوحاتي واشعر بخيبة امل عندما عندما طموحاتي تنكسر
8- ماذا يعني لحياتك المسيح ؟ واي من القديسين تطلب منه ان يبارك حياتك ؟؟
المسيح هوة ربي واستاذي وابي وانا احبة من كل قلبي والقديس ما عندي جواب
9- تأمل في الاية التي اضعها في توقيعي ,, فبماذا تعني لك هذه الاية ؟؟
الاية تعني كيف ان النور سينتصر على الضلمة في يوم القيامى
الاء حامد
08-2010-13, 04:29 PM
شكرا اخ داني لاجاباتك على فحوة اسئلتي وقطعا سررت بها
لك جمله من الاسئله ابتدي بسؤال الاول
1- شو الفرق بنظرك بين السياسي الاجنبي والسياسي العربي؟
2- لو اعطوك صلاحيات بمثابة رئيس العراق شو الي اتعمله لابناء شعبك؟
3- ماهي الاشياء التي تعتقدها تنقص ابناء شعبنا في امنهم ومعيشتهم؟
4-الحرية التي ننشدها اوصفها لنا برايك شو هي ؟
5-شو رايك بأعضاء شبكتنا ومشرفيها ؟
6- ماهو الشي الذي تعتقده ينقص شبكتنا وماهي السمة التي تتميز بها شبكتنا ؟
شكرا الك ولنا عودة معك ان احببت
طبعا فرحت بأسألتج الجديدة بس اغلبيتها سياسية ماكو اشكال رح نجاوب
1- شو الفرق بنظرك بين السياسي الاجنبي والسياسي العربي؟
السياسي الاجنبي دأمآ يطمح من اول لحضة اخذ المنصب ان يشتغل بأقصى ما عندى لكي ينام الشعب وبالة مرتاح انما السياسي العربي من اول لحضة يبوك وهموم شعبة يزتها ويكون شعلية بيهم طز واذا صارت مشكلة السياسي الاجنبي يستقال انما العربي بالعكس مستواه يرفعوه
2- لو اعطوك صلاحيات بمثابة رئيس العراق شو الي اتعمله لابناء شعبك؟
اني اذا انطوني صلاحيات رح خلي كتب التاريخ تحدث عني واخلي شعب كلة يحبني لان ارجع الامان لو كلف المليارات لان العراق مو بلد فقير عراق غني والسياسين بس شغلهم يحطون بجيبهم
3- ماهي الاشياء التي تعتقدها تنقص ابناء شعبنا في امنهم ومعيشتهم؟
ماكو تعاون فعلي مثلا لو صارت عملية وشافها واحد من المواطنين يسكت ما يروح لجهات الامنية ويحجي اش شاف وهكذا الامن ابد ما يرجع
4-الحرية التي ننشدها اوصفها لنا برايك شو هي ؟
تكون حرية اخلاقية لا تعبر عند حدها بس تكون بكافى الامور الحياة
5-شو رايك بأعضاء شبكتنا ومشرفيها ؟
نفر نفر حلوين واللة يباركهم نفر نفر
6- ماهو الشي الذي تعتقده ينقص شبكتنا وماهي السمة التي تتميز بها شبكتنا ؟
حاليآ عندي ماكو تواصل حي بين اخوتها مثلا يوم من الايام نتشاوف بمكان ونتعرف على بعضنا اكثر والي يميزها شبكة حلوة بطابعها الديني والثقافي والعلمي
العراقي
08-2010-15, 05:04 PM
مرحباً اخويه داني شونك؟ .. صحة؟ احوال؟
ان شاء الله كلشي تمام
تمنيت اسألك كم سؤال بس مصار عندي مجال اكعد عالنيت خلال هاي الفترة
واليوم حتى صارلي مجال وبما انه الموضوع بعده مفتوح اتمنى لو اسئلك كم سؤال
وان شاء الله تكون الاسئلة حلوة
واجاباتك على الاسئلة للاعضاء الي سبقوني كانت رائعة ... احسنت بيها
وابدي بالاسئلة وياك
1/ هل داني انسان اجتماعي أم لا؟
2/ ما هو هدفك من الحصولك على العلم؟
3/ يقولون الحب اجمل شيء بالحياة ما هو رأيك؟ ولماذا؟
4/ ما هو رأيك بدخول المرأة في امور السياسة؟
5/ ما هي امنيتك الان؟
6/ كنت واحد من من يمثل اخوية الانتقال في المناظرة
كيف كان شعورك بهذا الاختيار وهذه التجربة؟
7/ من هو مشرف/ة المفضل عند داني ؟
8/ برأيك كيف يمكننا ان نستمر بالحب؟
9/ ماذا تقدم لوطنك (العراق)؟
واشكرك جداً اخويه داني المبدع
واتمنى لو ما تكون اسئلتي محرجة أو صعبة
ولك مني كل الاحترام والتقدير والشكر الجزيل
وإذا لم تتمكن من الايجابة عليها كلش عادي
لان سألتك بنهاية اسبوعك
اخوك العراقي
1/ هل داني انسان اجتماعي أم لا؟
داني انسان اجتماعي
2/ ما هو هدفك من الحصولك على العلم؟
من اجل ان اتعلم على الحياة اكثر واصير ذكي
3/ يقولون الحب اجمل شيء بالحياة ما هو رأيك؟ ولماذا؟
صح شيء جميل لان الحب شي نشترك بين شخصين اولا ولان الحب احاسيس ومشاعر ويعبر عن الذات الداخلي
4/ ما هو رأيك بدخول المرأة في امور السياسة؟
ما اعتقد دخول المراة الدخول في السيياسة العراق مهم لان العراق يرادلة رجال بقوت الحالي انما في سياسة الدول الاجنبية شي عادي وشي يدل على الثقافة والمساوات انما في عراق اعذرني مو مكانها
5/ ما هي امنيتك الان؟
ارتباطي الرسمي وية حبيبتي والعالم يعرف
6/ كنت واحد من من يمثل اخوية الانتقال في المناظرة
كيف كان شعورك بهذا الاختيار وهذه التجربة؟
اكيد جنت فرحان وجنت مستعد لهذا الشي لان معلوماتي العلمية والدينية والطبية كلش زينة
7/ من هو مشرف/ة المفضل عند داني ؟
عمار ودنيا وروزالين وفراشة وبالاخص حبيبي عمار
8/ برأيك كيف يمكننا ان نستمر بالحب؟
اولا الولد من يحب خلي يخلص سوالفة مال يباوع بنات وثانيا دأمآ يسأل عنها ويكون صادق بكلامة وابد شون جان الحجي ما يجذب واذا شاف البنت من صدك مرح تعوفة خلي يكول اسرارة الها حبهم يزداد وهم البنت ابد ما دكول لصديقاتها عندي حبيب ومن هل سوالف لان الحب يفشل واي واحد يريد مساعدة بالحب اني حاضر اسأل المجرب ولا تسأل الحكيم
9/ ماذا تقدم لوطنك (العراق)؟
بس رح كول ان اكون مخلص لوطني الحبيب العراق
العراقي
08-2010-16, 02:15 AM
شكرا اخويه داني على الاجابات الحلوة
بصراحة وبدون مجاملة اخ داني
كلش تعجبني إجاباتك
واحب كلش تواجدك بالمنتدى
والمنتدى ربحان بتواجدك بيه
اتمنى من الرب ان تحقق امنياتك واهدافك الي تتمناها
وان تكون فرحان دائما وتملئ الفرحة لمن حولك
مرة اخرى اشكرك اخ داني
شكرا اخويه داني على الاجابات الحلوة
بصراحة وبدون مجاملة اخ داني
كلش تعجبني إجاباتك
واحب كلش تواجدك بالمنتدى
والمنتدى ربحان بتواجدك بيه
اتمنى من الرب ان تحقق امنياتك واهدافك الي تتمناها
وان تكون فرحان دائما وتملئ الفرحة لمن حولك
مرة اخرى اشكرك اخ داني
اولا اشكر على اسألتك واسأل بعد رح امدد وقتي لان بصراحة اني اقل واحد سأليني الاعضاء
العراقي
08-2010-16, 02:48 AM
اعرف قسم من الاعضاء هاي الفترة ما عدهم وكت يكعدوا
والا جانوا سألوك وجنت رح تكول انا اكثر واحد سأليني
على كلين ... حصل خير
يلا انا رح اسألك كم اسألة
لان تمنيت اسألك من البداية
بس فعلاً مجان عندي مجال
1/ منو من (مشرفين ، الاعضاء) تمنيت يسألك وفعلا سألك؟
2/ منو من (مشرفين ، الاعضاء) تمنيت يسألك وبعد ما سألك؟
3/ برأيك كيف يمكن للانسان ان يعيش سعيدا ؟
4/ ماذا تفضل من بين (النيت ، التلفاز ، الموبايل ، الكتاب ، الاصدقاء ، العائلة)؟
وكيف هو ترتيبها في حياتك؟
5/ ما هي سيارتك المفضلة؟
6/ كيف تعالج الماضي؟
7/ ما سبب طموحات داني وصفي؟
وشكراً الك
اخ داني
amar adil
08-2010-16, 08:27 AM
صباح الخير اخ داني مشتاقين
بالبداية احب اشكرك لانك اختارتني من المشرفين المفضلين عندك واني همين بصراحة اعتبرك من المشرفين المميزين واتمنالك الموافقية
نرجع الى الاسئلة
1 هل يتغير الحب بعد الزواج ؟ في حالة تغيره ما هي الاسباب ؟
2 ايهما انجح .. الزواج عن طريق الاهل او عن طريق معرفة سابقة ؟ ولماذا ؟
3 هل تؤيد الزواج العاطفي ام الزواج التقليدي ؟ ولماذا ؟
4 ما الذي يجذبك في الفتاة ؟
5 ما اشد الجروح الماً؟ ولماذا؟
جرح الصديق
جرح الاهل
جرح الحبيب
6 من هو الشخص الذي لا تحب ان ترى دموعه؟
7 ما هو الكلام الذي اثر فيك كثيراً؟
تحياتي الك يا داني الوردة
1/ منو من (مشرفين ، الاعضاء) تمنيت يسألك وفعلا سألك؟
انت
2/ منو من (مشرفين ، الاعضاء) تمنيت يسألك وبعد ما سألك؟
ماكو احد
3/ برأيك كيف يمكن للانسان ان يعيش سعيدا ؟
ان يكون محبآ طيب القلب وان يكون اجتماعيآ وان لا ينسى ربه
4/ ماذا تفضل من بين (النيت ، التلفاز ، الموبايل ، الكتاب ، الاصدقاء ، العائلة)؟
وكيف هو ترتيبها في حياتك؟
افضل العائلة
وترتيبها
العائلة
الاصدقاء
الكتاب
النيت
التلفاز
موبايل
5/ ما هي سيارتك المفضلة؟
هونداي سوناتا الجديدة
6/ كيف تعالج الماضي؟
ان لا اعيد الماضي وانساه
7/ ما سبب طموحات داني وصفي؟
لان اشعر بسعادة بيها
1 هل يتغير الحب بعد الزواج ؟ في حالة تغيره ما هي الاسباب ؟
نعم يتغير لان الحب بعد الزواج يصبح حب مع المسؤلية وتدخل متطلبات العيش بداخلة
2 ايهما انجح .. الزواج عن طريق الاهل او عن طريق معرفة سابقة ؟ ولماذا ؟
معرفة السابقة لان عبال الاهل يعرفوت البنت احسن من الولد بس همة غلطانين لان البنت كدام الاهل تكون بأحسن خلقة ومؤدبة ومن هل سوالف بس اذا عندك علاقة انت وية البنت كبل الخطوبة احسن
3 هل تؤيد الزواج العاطفي ام الزواج التقليدي ؟ ولماذا ؟
عاطفي والسبب مثلا اني احب البنت وعرفت شتحب وشما تحب وعرفت اخلاقها وشخصيتها بهاي الحالة سوينا اساس من الفولاذ الي ابد ما ينكسر للزواج والعائلة اما التقليدي حب واكف على الهواء ما اله اساس قوي
4 ما الذي يجذبك في الفتاة ؟
شخصيتها وجمالها
5 ما اشد الجروح الماً؟ ولماذا؟
جرح الصديق
جرح الاهل
جرح الحبيب
جرح الحبيب لان اتوقع هذا الحبيب زوجتك وجرحتك شون رح تتألم بشدة
6 من هو الشخص الذي لا تحب ان ترى دموعه؟
الحبيب
7 ما هو الكلام الذي اثر فيك كثيراً؟
كلام يسوع
dunia
08-2010-16, 11:29 PM
هاي داني شونك اسفة لتاخير ليحد هسا ما سألتك
وشكرا لان اتذكرتني اكثر من مرة بالاجوبة
كلك ذوووق
هسا راح اسألك سؤال بسيط
اريد 3 ايات انجيلية كلش تحبها وليش؟
تحياتي داني
هاي داني شونك اسفة لتاخير ليحد هسا ما سألتك
وشكرا لان اتذكرتني اكثر من مرة بالاجوبة
كلك ذوووق
هسا راح اسألك سؤال بسيط
اريد 3 ايات انجيلية كلش تحبها وليش؟
(يا جميع المتعبين وثقيلي الاحمال تعالوا الي انا اريحكم)
احبها لان تدل على قوة يسوع بمساعدكتنا مهما كانت صعابنا
(من ضربك على خدك الايمن فأعرض له خدك الايسر)
تدل على ان نكون نحن المسيحين متسامحين وان لا نكون متعصبين وعدوانين
بصراحة اكو غير ايات بس احب هذولة الاثنين اكثر شي
وتحياتي الج اختي دنيا
lovely queen
08-2010-17, 03:56 PM
تحية طيبة اخي داني
عندي كم سؤال الك
هل تفعل كل شيء لكي تكون حبيبتك سعيدة؟
ماهي نقطة ضعف داني؟
مارايك بالرجل الذي لايفكر الا بنفسة ويترك حبيبته وزوجته تعاني امامه ولا يحرك ساكنا لارضائها وارجاع الضحكة اليها؟
وشكرا
تحية طيبة اخي داني
وتحياتي الج هم
عندي كم سؤال الك
اسألي اي شي يعجبج
هل تفعل كل شيء لكي تكون حبيبتك سعيدة؟
اكيد افعل اي شي
ماهي نقطة ضعف داني؟
فقدان الحبيب
مارايك بالرجل الذي لايفكر الا بنفسة ويترك حبيبته وزوجته تعاني امامه ولا يحرك ساكنا لارضائها وارجاع الضحكة اليها؟
هذا الرجل بعنى الكلمة مو بشر وانسان يستاهل العقاب الشديد لان الانثى كائن ناعم ذو احاسيس وعواطف وفوكاها نأذيها
lana85
08-2010-17, 08:33 PM
مساء الخير داني ....شلونك؟؟؟؟
انطيني رأيك بهاي المقولة(اعظم قلب بالوجود......الذي يعطي الحب بلا حدود).
هل تؤمن بهذه المقولة ؟ (ليس كل من يصيبك بشيء غير جيد هو عدوك).
اتمنى متكون مملة وتعجبك
تحياتي.......
مساء الخير داني ....شلونك؟؟؟؟
حمدلله وشكر بأحسن حال
انطيني رأيك بهاي المقولة(اعظم قلب بالوجود......الذي يعطي الحب بلا حدود).
اكيد هذا والدليل يسوع كان له الحب الذي لم يمتلكه اي شخص لهذا كان يمتلك اعضم قلب
الحب ليس كأي شيء اخر اذا اكو الحب بقية الاشياء رح تكون موجودة
هل تؤمن بهذه المقولة ؟ (ليس كل من يصيبك بشيء غير جيد هو عدوك).
اي اؤمن بهذا الشي لان اجيبلج مثل عندي صديق روح بروح احتمال كدامي يحجي علية ويضربني احتمال هذا ما يدل على ان عدوي او مثلا لو دعمني شخص بسيارة هذا ما يدل ان عدوي
اتمنى متكون مملة وتعجبك
لا عادي احب اي سؤال يكون مهما كان
تحياتي.......
وتحياتي الج
الختامية
احبائي اعضاء ومشرفين شبكة المسيحية قضيت وياكم احلى اوقات بأسألتكم الي خلت تتعرفوا علية اكثر واكثر صح الاسئلة جانت قليلة مقارنتآ بغير اعضاء بس الضروف خلت كل واحد ينشغل بموضوع معين
وشكرا على اي واحد سألني واتمنة كنت قد وصلت فكرة كل سؤالكم
تحياتي الكم
كل الشكر لك اخي العزيز داني لاجوبتك الحلوة وروحك الجميلة
اتمنى دائما تحقق اهدافك وطموحاتك
وهسه راح نقفل الموضوع وبعد ماكو اي اسئلة......