مشاهدة النسخة كاملة : حوار عن مشاهدة المسلسلات التركية ؟
تحية طيبة للجميع
مثل ما تعرفون انه المسلسلات التركية صايرة اوفر شي بهاي الايام وحب الناس الها صاير مو طبيعي
لدرجة انه الناس وبخاصة النسوان تخلص كل شغلها حتى تسهر وتحضر للمسلسل التركي
يا ترى برأيكم هل من منفعة من هاي المسلسلات؟
حبيت اخذ ارائكم بالموضوع
بصراحة وبرأي مضيعة للوقت بسوالف ما الها لا فايدة ولا اي استفادة شي حلو اذا نقضي وقتنا بمسلسل معين بس المشكلة الناس باليوم ديباوعون اقل شي اربع مسلسلات وفوكاها نصها ما بيها اخلاق والناس اخلاقهم تفسد من وراها خاصتا الاصغار الي ما تعرف اي شي عن الدنيا بعد وتاخذ او تتعلم الاخلاق من المسلسلات الفاسدة
sportman83
05-2011-24, 11:54 PM
اكره المسلسلات التركية
وما الها اي منفعة نهائيا بل انها مضرة جدا
شكرا على طرح الموضوع جولي
تحياتي
مشكورين عالردالجميل وعلى الاراء المفيدة
في الحقيقة هذه المسلسلات لا تعكس اي شي عن واقعنا او عن مجتماعتنا لان مجتمعاتهم مختلفة تماما عن مجتمعنا ولهذا لها تأثير سلبي كبير
نورتو الصفحة
†Butterfly†
06-2011-18, 01:39 PM
عزيزتي جولي مو شرط يكون مجتمعنا مثل مجتمعهم
احنا ليش ننظر لهل مسلسلات من ناحية سلبية ليش ماناخذ الشي الي نستفاد منه وبس
اوكي انا وياكم هي تضيعة للوقت ولازم الشخص مايفضلها على غير شي مهم
بس اكيد الواحد يكدر ياخذ من المسلسل ويتعلم فد شي يفيده بحياته
خلي ناخذ من كلشي موجود بالحياة الشي الي يفيدنا
ونستفيد حتى من الاخطاء الي نشوفها بالمسلسلات
والشي الي مايعجبنا نعوفه
تحياتي الكم جميعا
عزيزتي الفراشة هاي المسلسلات سلبياتها اكثر من ايجابياتها
وما اعتقد اذا الواحد يكدر يستفاد منها وبالتالي كل واحد وطريقة تفكيره واشون يصور الوضع
نتمنى ان يفكر الكل بهاي الطريقة الي تفضلتي بيها
مشكورة وردة عالمداخلة الرائعة